Абдувохидов Иқболжон Қурвонали ўғлининг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Иккиламчи полиэтилентерефталат асосида бис -(2-гидроксиэтилен)терефталат синтези ва унинг асосида бирламчи полиэтилентерефталат олиш шароитларини ўрганиш», 02.00.14 - Органик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: B2024.2.PhD/Т4549.
Илмий раҳбар: Адилов Равшан Иркинович, техника фанлари доктори, профессор.
Диссертация бажарилган муассасалар номи: Тошкент кимё-технология институти.
ИК фаолият кўрсатаётган муассаса номи, ИК рақами: Тошкент кимё-технология институти, DSс.03/30.12.2019.Т.04.01.
Расмий оппонентлар: Қодиров Тўлқин Жумаевич, техника фанлари доктори, профессор; Мухиддинов Баҳодир Фахриддинович, кимё фанлари доктори, профессор
Етакчи ташкилот: Фарғона политехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: иккиламчи полиэтилентерефталатни алкоголиз жараёнини тизимли тадқиқ қилиш ва тола ҳосил қилувчи бирламчи полиэтилентерефталат олиш технологиясини ишлаб чиқишдан иборат.
III. Тадқиқотнинг илмий янгилиги:
иккиламчи полиэтилентерефталатнинг этиленгликол билан кимёвий деструкцияланиши аниқланиб, бис-(2-гидроксиэтилен)терефталат олишнинг оптимал шароитлари, мақбул нисбатлари ва чиқиш унумига таъсир қилувчи омиллари асосланган;
алкоголиз жараёнини ҳароратини ИПЭТ: ЭГ = 1:4 эл.занжир мол/мол нисбатида 190 дан 196 С ортганда бис-(2-гидроксиэтилен) терефталатни чиқиш унуми 67,5 дан 83,5 % гача ошиши аниқланган;
синтез қилинган бис-(2-гидроксиэтилен)терефталат тузилиши ва хоссалари физик-кимё ва замонавий ИҚ- ва ПМР-спектрлари ёрдамида аниқланган ва натижада айнан ўзилиги аниқланган;
алкоголиз жараёнида тетрабутоксатитан, натрий гидрокарбонат, рух ацетатига ўтган сайин кучли асосли катализатор (рух ацетати) фаоллигини исботланган;
олинган бис-(2-гидроксиэтилен)терефталат асосида тола ҳосил қилувчи плиэтилентерефталат олиш режимлари аниқланган;
полиэтилентерефталат поликонденация жараёнини босқичли олиб бориш (40 дақиқа, 260 C, 2 соат, 280 C) намунани ўртача молекуляр массаси (23500 г/мол) саноат анолог кўрсатгичидан қолишмаслиги аниқланган;
тола ҳосил қилувчи бирламчи полиэтилентерефталат олиш технологияси ишлаб чиқилган.
IV. Тадқиқот натижаларининг жорий қилиниши:
Иккиламчи полиэтилентерефталат асосида бирламчи полиэтилентерефталат олиш технологиясини ишлаб чиқиш бўйича олинган илмий натижалар асосида:
рух ацетат катализатори иштирокида бирламчи полиэтилентерефталатни алкоголизлаш технологияси «DEGREZ TEKS LTD» QKнинг «2023-2025 йиллардаги амалиётга жорий этиш бўйича истиқболли ишланмалар рўйхати»га киритилган (Ўзбекистон Республикаси «O‘ZTO‘QIMAChILIKSANOAT» уюшмасининг 2023 йил 19 майдаги 03/25-1098-сон маълумотномаси). Натижада, бис-(2-гидроксиэтилен)-терефталат бирламчи полиэтилнтерефталат полиэстер тола тизимида импорт ўрнини тола ишлаб чиқариш имконини беради;
иккиламчи полиэтилентерефталатнинг алкоголиз маҳсулоти асосидаги полиэфир тола олиш технологияси «DEGREZ TEKS LTD» QKнинг «2023-2025 йиллардаги амалиётга жорий этиш бўйича истиқболли ишланмалар рўйхати»га киритилган (Ўзбекистон Республикаси «O‘ZTO‘QIMACНILIKSANOAT» уюшмасининг 2023 йил 19 майдаги 03/25-1098-сон маълумотномаси). Натижада, импорт қилинувчи «Pet polyester Bhilosa» (Хиндистон) толасини юқори сифатли маҳаллий полиэфир тола билан алмаштириш имконини беради.