Холикова Мохичехра Азаматовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): «Такрорий экин сифатида экилаётган соя навларида физиологик, биокимёвий ва морфо-хўжалик белгиларининг намоён бўлиши», 03.00.07 - Ўсимликлар физиологияси ва биокимёси (биология фанлари).
Диссертация мавзуси рўйхатга олинган рақам: В2023.2.PhD/В927.
Илмий раҳбар: Матниязова Ҳилола Худайбергеновна, биология фанлари доктори, профессор.
Диссертация бажарилган муассасалар номи: Чирчиқ давлат педагогика университети.
ИК фаолият кўрсатаётган муассаса номи, ИК рақами: Хоразм Маъмун академияси, PhD.02/30.07.2022.В.149.01.
Расмий оппонентлар: Сафаров Каримжон, биология фанлари доктори, профессор; Хамраев Нурбек Улуғбекович, биология фанлари бўйича фалсафа доктори (PhD), катта илмий ходим.
Етакчи ташкилот: Бухоро давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: такрорий экин сифатида экилган турли  маҳаллий ва хорижий соя навларининг морфофизиологик, биокимёвий ҳамда қимматли хўжалик белгилари ва улар орасидаги корелляцион бўғланишни аниқлашдан иборат.
III. Тадқиқотнинг илмий янгилиги:
Илк бор маҳаллий  шароитда такрорий экин сифатида экилган соя навларининг ривожланиш фазаларида барглардаги сув алмашинуви, хлорофилл ва каротиноид пигментларининг миқдорий кўрсаткичлари юқори бўлиши аниқланган;
маҳаллий иқлим шароитида Тўмарис-ММАн-60, Ойжамол ва Спарта соя навларининг мой ва оқсил миқдоридаги ўзгаришлари боиъйича янги маълумотлар очиб берилган;
маҳаллий ва хорижий соя навларининг юқори ҳосилдорлиги соя ўсимликларининг морфо-хўжалик ва физиологик-биокимёвий белгилари ўртасидаги коррелятив қонуниятлар билан боғлиқлиги асосланган;
комплекс баҳолаш асосида иқтисодий самардорлиги юқориги бўлган Устоз-ММАн-60, Тўмарис-ММАн-60, Ойжамол ва Спарта навларини соя селекциясидаги ўрни ва аҳамияти очиб берилган.
IV. Тадқиқот натижаларининг жорий қилиниши.
Такрорий экин сифатида экилаётган соя навларида физиологик, биокимёвий ва морфо-хўжалик белгиларининг намоён бўлишини таҳлил қилиш бўйича олинган илмий натижалар асосида:
сояни маҳаллий ва хорижий навлари Самарқанд вилояти Пахтачи тумани “Шарофиддин ёдгорлик даласи” фермер хўжалиги майдонига жорий қилинган (Ўзбекистон Республикаси Қишлоқ хўжалиги вазирлигининг 2023 йил 10 августдаги 07/34-05/3964-сон маълумотномаси). Натижада, хорижий навлар экилаётган бошқа навларга нисбатан устунлиги асосида юқори ва сифатли ҳосил олиш имконини берган;
соя навлари Навоий вилояти Кармана тумани “Лочин” фермер хўжалиги далаларида истиқболли экин сифатида жорий этилган (Ўзбекистон Республикаси Қишлоқ хўжалиги вазирлигининг 2023 йил 10 августдаги 07/34-05/3964-сон маълумотномаси). Натижада, бу навлар ҳосилдор, оқсил ва мой миқдори юқорилиги ҳисобига республика фермер хўжаликларида иқтисодий самарадорлик кўрсаткичларини яхшилаш имконини берган.