Болтабаев Бекзод Эгамбердиевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Пневмотранспорт  тизимида пахта чигитининг шикастланиш даражасини камайтириш” 05.02.03–Технологик машиналар. Роботлар, мехатроника ва робототехника тизимлари ихтисослиги бўйича (техника фанлари).
Диссертация мавзуси рўйхатга олинган рақам: В2023.4.PhD/Т1164
Илмий раҳбар: Бурханов Ахмаджон, техника фанлари номзоди, доцент.
Диссертация бажарилган муассаса номи: Наманган муҳандислик-технология институти.
ИК фаолият кўрсатаётган муассаса (муассасалар) номи, ИК рақами: Наманган муҳандислик-технология институти ҳузуридаги илмий даражалар берувчи PhD.03/30.09.2023.Т.66.01 рақамли илмий кенгаш
Расмий оппонентлар: Шарифбаев Носиржон Юсупжанович техника фанлари доктори, профессор (05.02.03), Бобоматов Абдуғани Хусаинович техника фанлари бўйича фалсафа доктори, доцент, (05.02.03).
Етакчи ташкилот: Андижон машинасозлик институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: пахта хомашёсини пневмоқувурда ташиш жараёнининг такомиллаштириш орқали пахтанинг табиий сифат кўрсаткичларини сақлаш имкониятига эга конструксия яратиш ва корхонага жорий қилишдан иборат.
III. Тадқиқотнинг илмий янгилиги:
пахта хомашёсининг табиий хусусиятларни ҳисобга олган ҳолда, пневмотранспорт тизимининг пневмоқувурига такомиллаштирилган конструкциядаги каучук қопламали янги тирсак ишлаб чиқилган;
пахта бўлакчасини йўналтиргичга урилгандаги ва ундан кейинги
жараёнининг назарий тадқиқоти асосида бурчак тебранишининг амплитудаси, йўналтиргичнинг қиялик бурчаклари камайиши, кичик бурчак тебраниши орқали таъсир этувчи зарба кучларини сўндириб туриши аниқланган;
пахта хомашёсининг пневмоқувур ичида ҳаракатланиш вақтида дискрет массали пахта бўлакчасига таъсир этувчи динамик кучларнинг вақтга боғлиқ ўзгариш қонунияти ҳисоблаш натижалари орқали турли ҳаво тезликларида (20 м/с, 24 м/с, 28 м/с), қувур ичидаги йўналтиргични вертикал йўналиш билан ташкил этган оғиш бурчаклари аниқланган;
пахтани ташиш жараёнида иш унумдорлигини сақловчи, тирсакга маҳкамланган каучукнинг жойлашиш параметрларини ўзгартириш имконини берувчи қурилма ишлаб чиқилган.
IV. Тадқиқот натижаларининг жорий қилиниши. Пахта чигитнинг механик шикастланишини камайишини таъминловчи янги тирсак конструкцияни пневмотранспорт тизимига жорий қилиш орқали олинган илмий натижалар асосида:
Такомиллаштирилган янги тирсак конструкцияси “Наманган пахта текс” МЧЖ га қарашли “Косонсой пахта тозалаш” корхонасининг пневмотранспорт тизимига жорий этилган. («Ўзбекистон пахта–тўқимачилик кластерлари» уюшмасининг 2023 йил 23 июндаги 02/22-447-сон маʻлумотномаси). Натижада, такомиллаштирилган тирсак ташиш жараёнида тола ва чигитнинг механик шикастланиши туфайли ҳосил бўладиган нуқсонлар 0,4-1,2 % га камайишига, чиқаётган толанинг синфи 10 % га яхшиланишига эришилган.