Каримов Ёқуб Латиповичнинг 
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Очиқ конларда оммавий портлашлар пайтида тоғ жинслари массивининг силжишини ўрганиш орқали портлатиш ишларининг рационал параметрларини ишлаб чиқиш», 04.00.10 – Геотехнология (очиқ, ер ости ва қурилиш), 04.00.17 ‒ Кончиликда физик жараёнлар (техника фанлари).
Диссертация мавзуси рўйхатга олинган рақам: В2023.4.PhD/Т1792.
Илмий раҳбарлар: Заиров Шерзод Шарипович, техника фанлари доктори, профессор; Насиров Уткир Фатидинович, техника фанлари доктори, профессор.
Диссертация бажарилган муассаса номи: Қарши муҳандислик-иқтисодиёт институти.
ИК фаолият кўрсатаётган муассаса номи, ИК рақами: Миллий технологик тадқиқотлар университети «МИСИС»нинг Олмалиқ шаҳридаги филиали, DSc.22/30.12.2019.Т.98.01.
Расмий оппонентлар: Наимова Рано Шукуровна, техника фанлари доктори, профессор; Мелиқулов Абдусаттор Джабборович, техника фанлари номзоди, доцент. 
Етакчи ташкилот: Навоий давлат кончилик ва технологиялар университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: карьерларда оммавий портлашлар пайтида тоғ жинслари массивининг силжишини комплекс таҳлил қилиш орқали бурғулаш ва портлатиш ишларининг самарали параметрларини ишлаб чиқишдан иборат.
III. Тадқиқотнинг илмий янгилиги:
поғона баландлиги ва блокнинг майдаланиш коэффициентини ҳисобга олган ҳолда поғонани поғоначаларга бўлиниш зонасида вертикал силжишлар ўзгаришининг чизиқли боғлиқлиги аниқланган, бунинг натижасида поғоначанинг массивдаги баландлигига нисбатан поғоначаларга бўлинадиган зонасида вертикал силжишлар катталигини аниқлаш учун формула ишлаб чиқилган;
поғоначаларга бўлиб қазиб олишда қазиб олинган кон массаси ҳажмини аниқлаш методологияси ишлаб чиқилган, бу қуйи поғонанинг портлатилган тоғ жинслари массасининг массивга пасайиш коэффициентининг блок жинсларининг парчаланиш коэффициентига ва пастки поғоначанинг ҳақиқий баландлигига ўзгаришининг чизиқли боғлиқлигини аниқланган;
қазиш ишлари пайтида поғонанинг қиялик кўрсаткичларининг ўртача ўзига хос майдонларини ҳисоблашда поғона баландлиги 1,0 м дан 22,5 м учун экскаватор забойининг қиялик бурчаги 500 бўлган вертикал жойлашган қатламларда экскаватор кирмаси поғона қиялигининг солиштирма майдонини ҳисоблаш орқали технологик ўсиш зоналарининг қийматлари аниқланган;
тоғ жинслари массивининг силжишини олдини олиш, унинг карьер элементлари ва зонасида жойлашган биноларга таъсирини баҳолаш имконини берадиган портлашнинг сейсмик таъсирини моделлаштириш усули ишлаб чиқилган.
IV. Тадқиқот натижаларининг жорий қилиниши:
Карьерларда оммавий  портлашлар пайтида тоғ жинслари массивининг силжишини ўрганиш орқали портлатиш ишларини олиб боришнинг оқилона параметрларини илмий асослаш бўйича олинган илмий натижалар асосида:
қазиш қатламининг баландлигини ошириш ва руда конларини чегаралашда руда заҳираларини қайта тақсимлаш йўли билан фойдали қазилмаларни қазиб олиш технологияси «Олмалиқ кон-металлургия комбинати» АЖнинг Қалмоққир карьерида жорий этилган («Олмалиқ кон-металлургия комбинати» АЖнинг 2023 йил 28 июлдаги 07-23/01-1341-сон маълумотномаси). Натижада, бурғулаш ва портлатиш ишларининг техник-иқтисодий кўрсаткичлари оширилди ва кон массасини қазишга тайёрлаш интенсивлиги ошириш имконини берган;
руда таналарининг геологик структурасини сақлаб қолган ҳолда тоғ жинсларини портлатиш усули «Олмалиқ кон-металлургия комбинати» АЖ Қалмоққир карьерида амалиётга жорий этилган («Олмалиқ кон-металлургия комбинати» АЖнинг 2023 йил 28 июлдаги 07-23/01-1341-сон маълумотномаси). Натижада, портлаш вақтида руда таналарининг табиий геологик структурасидаги бузилишларни камайтириш ва поғона баландлиги бўйлаб тоғ жинсларининг майдаланишини яхшилаш ҳисобига сиқилган муҳитда кўп қаторли қисқа муддатли портлатиш жараёнида тоғ жинсларини майдаланиш самарадорлиги ошириш имконини берган.