Оринбаев Парахат Фаритовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Комбинациялашган агрегатнинг полиз экинлари экиладиган пушталарга ишлов берадиган иш органларини ишлаб чиқиш ва параметрларини асослаш», 05.07.01 – Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: B2023.3.PhD/Т2533.
Илмий раҳбар: Ибрагимов Абдирасули Абдикаримович, техника фанлари доктори, катта илмий ходим.
Диссертация бажарилган муассаса номи: Қишлоқ хўжалигини механизациялаш илмий-тадқиқот институти.
ИК фаолият кўрсатаётган муассаса номи, ИК рақами: Қишлоқ хўжалигини механизациялаш илмий-тадқиқот институти, DSc.05/13.05.2020.Т.112.01.
Расмий оппонентлар: Ауезов Онғарбай Пирлешович, техника фанлари доктори, профессор; Абдулхаев Хуршед Ғафурович, техника фанлари доктори, катта илмий ходим.
Етакчи ташкилот: Қишлоқ хўжалиги техникаси ва технологияларини сертификатлаш ва синаш маркази.
Диссертация йўналиши: назарий ва амалий аҳамиятга молик.
II. Тадқиқотнинг мақсади. Пушталарни полиз экинлари уруғларини сифатли экиш учун тайёрлайдиган ресурстежамкор иш органларини ишлаб чиқиш ва параметрларини асослашдан иборат.
III. Тадқиқотнинг илмий янгилиги:
пушталарга ишлов бериб, полиз экинлари уруғларини аниқ экадиган комбинациялашган агрегатнинг уларга экиш олдидан ишлов берадиган иш органларининг конструксиялари пушталарга белгиланган талаблар даражасида ишлов берилишини ҳисобга олган ҳолда ишлаб чиқилган;
пушталарга экиш олдидан ишлов берадиган иш органларининг технологик иш жараёни кам энергия сарфляган ҳолда сифатли ишлов беришни таъминлаш лозимлиги шартидан ишлаб чиқилган;
пушталарга ишлов берадиган иш органларининг параметрларини аниқлаш имконини берадиган аналитик боғланишлар суғориш эгатининг туби, пушта ёнбағирлари ва пушта тепаси (экиш зонаси)га тўлиқ ишлов берилиши ҳисобга олиниб келтириб чиқарилган; 
пушталарга экиш олдидан ишлов берадиган иш органларининг талаб даражасидаги иш сифатини кам энергия сарфляган ҳолда таъминлайдиган мақбул қийматлари уларнинг агротехник ва энергетик иш кўрсаткичларини баҳоловчи регрессия тенгламаларини биргаликда ечиш орқали аниқланган.
IV. Тадқиқот натижаларининг жорий қилиниши. Комбинациялашган агрегатнинг полиз экинлари экиладиган пушталарга ишлов берадиган иш органларини ишлаб чиқиш ва параметрларини асослаш бўйича олинган натижалар асосида:
пушталарга экиш олди ишлов берадиган ва полиз экинлари уруғларини экадиган комбинациялашган агрегатга дастлабки талаблар ва техник топшириқ ишлаб чиқилган (Қишлоқ хўжалиги вазирлигининг 2023 йил 16 августдаги 05/22-05/4101-сон маълумотномаси) ва Интеллектуал мулк агентлигининг фойдали моделга «Тупроқни полиз экинларини экиш учун тайёрлайдиган қурилма», ФАП 02041 - 2022 й. патенти олинган. Натижада пушталарга экиш олдидан ишлов бериб, полиз экинлари уруғларини экадиган комбинациялашган агрегатнинг конструксиясини ишлаб чиқиш имкони яратилган;
ишлаб чиқилган пушталарга экиш олди ишлов берадиган иш органлари билан жиҳозланган комбинациялашган агрегатнинг тажриба нусхаси ҚХМИТИнинг тажриба хўжалиги ва Тошкент вилояти Янгийўл туманининг фермер хўжаликларда жорий этилган (Қишлоқ хўжалиги вазирлигининг 2023 йил 16 августдаги 05/22-05/4101-сон маълумотномаси). Натижада пушталарга бир йўла экиш олди ишлов бериб, полиз экинлари уруғларини аниқ экадиган комбинациялашган агрегат кўлланилганда мавжуд техника ва технологияларга нисбатан меҳнат сарфи 48,7 фоизга ва ҳар бир гектар майдонга тўғридан-тўғри харажатлар 23,3 фоизга камайган; 
пушталарга экиш олдидан ишлов берадиган иш органлари билан жиҳозланган комбинациялашган агрегатнинг саноат нусхаларини ишлаб чиқиш ва тайёрлаш учун унинг лойиҳа-конструкторлик ҳужжатлари (дастлабки талаблар, техник топшириқ ва чизмалар) «БМКБ-Агромаш» АЖда лойиҳалаш жараёнига жорий этиш учун топширилган (Қишлоқ хўжалиги вазирлигининг 2023 йил 16 августдаги 05/22-05/4101-сон маълумотномаси). Натижада асосланган параметрларга эга бўлган пушталарга экиш олдидан ишлов берадиган иш органлари билан жиҳозланган комбинациялашган агрегатни ишлаб чиқариш имкони яратилган.