Шодиев Aслиддин Фахриддин ўғлининг 
диссертация ҳимоясисиз ихтиро патенти (селекция ютуғи) асосида 
фалсафа доктори (PhD) илмий даражасини бериш бўйича эълон матни 

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Иккиламчи полиуретан чиқиндиларини қайта ишлаш технологиясини яратиш ва амалиётга тадбиқ этиш», 02.00.14 – Органик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: В2022.1.PhD/Т2614.
Илмий раҳбар: Мухиддинов Баходир Фахриддинович, кимё фанлари доктори, профессор.
Илмий тадқиқот иши бажарилган муассаса номи: Навоий давлат кончилик ва технологиялар университети.
ИК фаолият кўрсатаётган муассаса номи, ИК рақами: Навоий давлат кончилик ва технологиялар университети, PhD.17/30.07.2022.K/T.06.03.
Ўзбекистон Республикаси Интеллектуал мулк агентлигининг ихтирога патенти олинган: “Полиуретан чиқиндисини қайта ишлаш усули” (№IAP 06895).
II. Тадқиқотнинг мақсади полиуретан чиқиндиларини қайта ишлаш, едирилишга чидамли материаллар олиш технологиясини яратиш ва амалиётга татбиқ этишдан иборат.
III. Тадқиқотнинг илмий янгилиги: 
полиуретан чиқиндиларини қайта ишлаш технологияси ва қурилмаси яратилган;
полиуретан чиқиндилари ва 4,4-метилендифенил диизоцианат билан биргаликда қайта ишланган полиуретан материаллари олинган;
қайта ишланган полиуретан материалининг едирилишга бардошлилик кўрсаткичини дастлабки компонентларнинг миқдори ва табиатига боғлиқлиги аниқланган;
қайта ишланган полиуретаннинг деформацион кучланиши, узилишдаги мустаҳкамлиги, эластиклик модулини ўзгариши, чўзилишидаги қаршилик кучи каби хоссаларига полиэфирполиол таъсирини оптимал миқдори аниқланган;
полиуретан чиқиндилари ва қайта ишаланган полиуретан материалларининг физик-кимёвий ва механик хоссалари аниқланган.
IV. Тадқиқот натижаларининг жорий қилиниши.
Полиуретан чиқиндиларини қайта ишлаш технологиясини яратиш ва амалиётга тадбиқ этиш бўйича олинган илмий натижалар асосида:
«Полиуретан чиқиндиларини қайта ишлаш технологияси» учун техник шарт «Навоий кон-металлургия комбинати» AЖ томонидан тасдиқланган (TS 64-15086836-03:2023). Натижада, импорт ўрнинини босувчи полиуретан чиқиндилари асосида полиуретан материалини олиш имконини берган;
полиуретан материалларини қайта ишлаш технологияси «Навоий кон-металлургия комбинати» AЖда амалиётга жорий этилган («Навоий кон-металлургия комбинати» AЖнинг 2023 йил 13 февралдаги 10-сон маълумотномаси). Натижада, полиуретан чиқиндилари ва 4,4-метилендифенил диизоцианат асосида қайта ишлаш технологиясининг йўлга қўйилиши корхонада йилига 50 тонна миқдордаги полиуретан чиқиндиларини қайта ишлаш имконини берган.