Нарзуллаева Мехринисо Батировнанинг
фалсафа доктори (PhD) диссертация ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Низо жараёнида менежернинг конструктив ўзаро алоқадорлигининг ижтимоий-психологик хусусиятлари», 19.00.05–Ижтимоий психология, этнопсихология (психология фанлари).
Диссертация мавзуси рўйхатга олинган рақам: B2018.2.PhD/Psi73.
Илмий раҳбар: Мухамедова Дилбар Гафурджановна, психология фанлари доктори, доцент.
Диссертация бажарилган муассаса номи: Тошкент давлат педагогика университети.
ИК фаолият кўрсатаётган муассаса номи, ИК рақами: Ўзбекистон Миллий университети, DSc.27.06.2017.Psi.01.07.
Расмий оппонентлар: Уразова Марина Батыровна, педагогика фанлари доктори, доцент; Кудратиллаева Рухсора Бахтияровна, психология фанлари номзоди, доцент.
Етакчи ташкилот: Қарши давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: низоли вазиятларда менежерларни конструктив ўзаро таъсирга тайёрлашнинг самарали ижтимоий-психологик дастурини ишлаб чиқишдан иборат.
III. Тадқиқотнинг илмий янгилиги.
низонинг замонавий тушунчаси ва уни ўрганиш бўйича ёндашувлар очиб берилган;
бошқарув фаолиятида низоли вазиятларнинг конструктив ўзаро таъсири моҳияти аниқланган;
низоли вазиятларда менежерларнинг конструктив ўзаро таъсирини олдиндан белгилаб берувчи статистик аҳамиятга эга бўлган ижтимоий-психологик омиллар эмпирик йўллар билан аниқланган;
низоли вазиятларда менежер конструктив ўзаро таъсирининг гендер жиҳатлари аниқланган;
низоли вазиятларда менежерларни конструктив ўзаро таъсирга тайёрлашнинг психик тренинг дастури ишлаб чиқилган.
IV. Тадқиқот натижаларининг жорий қилиниши.
Низоли вазиятларда конструктив ўзаро таъсирга менежерларни тайёрлашнинг ижтимоий-психологик дастурини самарали ишлаб чиқиш бўйича олинган тадқиқот натижалари асосида:
ишлаб чиқилган низоли вазиятларда менежернинг конструктив ўзаро таъсир даражасини баҳолаш бўйича таклифлар Тошкент давлат педагогика университети қошидаги Психологик илмий-амалий марказида жорий қилинган (Тошкент давлат педагогика университетининг 2018 йил 1 майдаги 02-07-310/04-сон маълумотномаси). Натижада бошқарув фаолиятининг кейинги тадқиқотларида янада мукаммал психодиагностик услублар ишлаб чиқишга хизмат қилган;
ишлаб чиқилган низоли вазиятларда менежерларни конструктив ўзаро таъсирга босқичма-босқич тайёрлашнинг психик тренинг дастури Тошкент давлат педагогика университети қошидаги Психологик илмий-амалий марказида жорий қилинган (Тошкент давлат педагогика университетининг 2018 йил 1 майдаги 02-07-310/04-сон маълумотномаси). Натижада турли категориядаги менежерлар бошқарув фаолияти самарадорлигини янада ошириш имконини берган;
низоли вазиятларда менежерларнинг конструктив ўзаро таъсирини олдиндан белгилаб берувчи статистик аҳамиятга эга бўлган ижтимоий-психологик омиллар бўйича таклиф ва тавсиялар олий таълим тизимига жорий қилинган (Олий ва ўрта махсус таълим вазирлигининг 2018 йил 2 майдаги 89-03-1910-сон маълумотномаси). Мазкур тавсиялар натижасида талабалар менежерлар бошқарув фаолияти бўйича ўз билимларини оширишга имкон яратган.
