Эшметова Дилафруз Зухриддиновнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Калийли минераллар асосида калий сулфат олиш технологиясини такомиллаштириш», 02.00.13 - Ноорганик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: В2020.2.PhD/Т1721.
Илмий раҳбар: Джандуллаева Мунаввара Сапарбаевна, техника фанлари бўйича фалсафа доктори (PhD), доцент.
Диссертация бажарилган муассаса номи: Тошкент кимё-технолгия институти.
ИК фаолият кўрсатаётган муассаса номи, ИК рақами: Қорақалпоқ давлат университети, PhD.03/30.12.2019.Т.20.03.
Расмий оппонентлар: Нурмуродов Тулкин Исамуродович, техника фанлари доктори, доцент; Каипбергенов Атабек Тулепбергенович, техника фанлари доктори, профессор.
Етакчи ташкилот: Наманган муҳандислик-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Тюбегатан сильвинит конидан олинган калий хлоридни сульфат кислота билан диэтиламин (ДЭА) иштирокида конверсия қилиш орқали калий сульфат олишнинг назарий асослари ва технологиясини ишлаб чиқишдан иборат.
III. Тадқиқотнинг илмий янгилиги:
илк бор технологик катталикларни кенг диапазонларда ўзгартириш орқали ДЭА-Н2SO4-H2O системанинг олинган экспериментал қийматларини таҳлил қилиш асосида (Et2NH2)2SO4 ни ҳосил бўлишининг мақбул шароитлари ва уларнинг физик-кимёвий хоссалари аниқланган; 
биринчи марта калий сульфатни конверсиялаш, фильтрлаш, буғлантириш, ДЭАни қайта тиклаш ва тайёр маҳсулотни қуритиш жараёнларида технологик омилларнинг ўзаро боғлиқлиги аниқланган;
калий хлоридни ДЭА иштирокида сульфат кислотали конверсиясида ҳосил бўлган айланма эритмаларни бўғлатиш жараёнлари ва айланма эритмалардан ДЭА ни оҳак сути иштирокида ҳайдашнинг мақбул шароитлари аниқланган;
қаттиқ фазанинг минералогик таркиби ўрганилди ва оралиқ бўтқалар, ҳамда эритмаларнинг реологик хоссаларини технологик кўрсаткичларга боғлиқлиги асосланган;
калий сульфатнинг физик-кимёвий ва товар хоссалари аниқланди ва калий хлоридни ДЭА иштирокида сульфат кислотали конверсиядн калий сульфат олишнинг такомиллаштирилган технологик схемаси ишлаб чиқилган;
конверсия кинетикаси ва жараёнга таъсир этувчи асосий омиллар аниқланган;
системага сульфат кислота ёки ДЭАнинг киритилиши туфайли реакциянинг тезлашишини тушунтирувчи кимёвий жараёнлар асосланган.
IV. Тадқиқот натижаларининг жорий қилиниши.
Калийли минераллар асосида калий сульфат олиш технологиясини такомиллаштириш бўйича олинган натижалар асосида:
тюбегатан сильвинит конидан олинган КCl асосида амин усулида калий сульфат олиш технологияси «Электрокимёзавод» АЖ ҚКнинг 2022-2024 йиллар истиқболли ишланмалари рўйхатига киритилган («Электрокимёзавод» АЖ ҚКнинг 2022 йил 14 апрелдаги 18-сон маълумотномаси). Натижада, калий сульфатни паст ҳароратларда, арзонлаштирилган нархда олиш имконини беради;
калий сульфат олиш технологияси Elektrokimyozavod» ҚК АЖда амалиётга жорий қилинган («Электрокимёзавод» АЖ ҚКнинг 2022 йил 14 апрелдаги 18-сон маълумотномаси). Натажада, халқ хўжалиги учун муҳим бўлган бирикмалар таркибини кенгайтириш ва шу орқали минерал ўғитлар ишлаб чиқариш учун асосий хомашёлардан бирини олиш имконини берган.