Юлдашева Шахло Хабибуллаевнанинг 
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Аччиқ эрмон ўсимлиги асосида гельминтга қарши дори воситаси технологиясини ишлаб чиқиш», 15.00.01- Дори технологияси (фармацевтика фанлари).
Диссертация мавзуси рўйхатга олинган рақам: B2020.2.PhD/Far65.
Илмий раҳбар: Тухтаев Хаким Рахманович, фармацевтика фанлари доктори, профессор.
Диссертация бажарилган муассаса номи: Тошкент фармацевтика институти.
ИК фаолият кўрсатаётган муассаса номи, ИК рақами: Тошкент фармацевтика институти, DSc.04/30.12.2019.Far.32.01.
Расмий оппонентлар: Юнусова Холида Манноновна, фармацевтика фанлари доктори, профессор; Халилов Равшанжон Муратджанович, техника фанлари доктори.
Етакчи ташкилот: Ўзбекистон кимё-фармацевтика илмий тадқиқот институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: гельминтга қарши аччиқ эрмон ер устки қисми, қовоқ уруғи, дастарбош гули ва саримсоқпиёз асосида қуруқ экстрактлар аралашмасини олиш, капсула дори тури таркиби ҳамда технологиясини ишлаб чиқишдан иборат.
III. Тадқиқотнинг илмий янгилиги:
аччиқ эрмон ер устки қисми, қовоқ уруғи, дастарбош гуллари ва саримсоқ пиёз асосида қуруқ экстрактларни олиш технологияси ишлаб чиқилган;
олинган 4 та қуруқ экстрактлар мўътадил нисбатларда аралаштирилиб, «Гельминт-АРТ» комбинирланган қуруқ экстракти олинган ва унинг сифат меъёрлари аниқланган;
«Гельминт-АРТ» қуруқ экстракти асосида капсула дори шаклининг таркиби ва мўътадил технологияси ишлаб чиқилган;
«Гельминт-АРТ» капсуласининг технологик ва сифат кўрсаткичлари аниқланган;
«Гельминт-АРТ» капсуласининг биосамарадорлиги биофармацевтик нуқтаъи назардан исботланган.
IV. Тадқиқот натижаларининг жорий қилиниши:
Аччиқ эрмон ўсимлиги асосида гельминтга қарши дори воситаси технологиясини ишлаб чиқиш бўйича олинган илмий натижалар асосида:
«Гельминт-АРТ» қуруқ экстракти ва капсуласи учун корхона фармакопея мақолалари ЎзР ССВ «Дори воситалари, тиббий буюмлар ва тиббий техника экспертизаси ва стандартлаштириш давлат маркази» ДУКга рўйхатдан ўтказиш учун тақдим этилган («Дори воситалари, тиббий буюмлар ва тиббий техника экспертизаси ва стандартлаштириш давлат маркази»  ДУКнинг 2023 йил 29 апрелдаги 29/11-00541-сон хати, Соғлиқни сақлаш вазирлигининг 2018 йил 15 октябрдаги 8н-3/280-сон хати). Ушбу корхона фармакопея мақолаларининг тасдиқланиши гельминтга қарши дори воситасини ишлаб чиқариш имконини беради;
«Гельминт-АРТ» қуруқ экстракти ва капсула дори шакли учун тажриба саноат регламентлари С.К.Исломбеков номидаги «O`ZKIMYOFARM» АЖ  корхонаси билан ҳамкорликда ишлаб чиқилган ва тасдиқланган (ОПР: 00481330-006-2022, ОПР: 00481330-007-2022). Мазкур ҳужжатларнинг тасдиқланиши натижасида гельминтга қарши дори воситаси учун меъёрий ҳужжатлар ўрнатилган тартибда ишлаб чиқилиши ва рўйхатга олиниши таъминланган;
ўтказилган клиник олди синовлар натижасида «Гельминт-АРТ» қуруқ экстракти ва капсуласи учун специфик фармакологик фаоллиги исботланган (Соғлиқни сақлаш вазирлигининг 2018 йил 15 октябрдаги 8н-3/280-сон хати). Натижалар гельминтга қарши ишончли фаолликга эга безарар дори воситаларни ишлаб чиқариш имконини берган.