Боликулов Фарход Олимовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Бодрингни (Cucumis sativus L.) очиқ майдонларда симбағаз усулида етиштириш технологиясини такомилаштириш”, 06.01.06 - Сабзавотчилик (Қишлоқ хўжалиги фанлари).
Диссертация мавзуси рўйхатга олинган рақам: B2023.2.PhD/Qx376
Илмий раҳбар: Юнусов Салоҳиддин Адхамович қишлоқ хўжалик фанлари доктори, профессор.
Диссертация бажарилган муассаса номи: Тошкент давлат аграр университети.
ИК фаолият кўрсатаётган муассаса номи, ИК рақами: Тошкент давлат аграр университети, DSc.05/29.04.2022.Qx.13.04
Расмий оппонентлар: Санаев Собир Тоирович, қишлоқ хўжалик фанлари доктори, профессор; Ходжимуратов Фурқат Абдикаримович, қишлоқ хўжалик фанлари номзоди.
Етакчи ташкилот: Андижон қишлоқ хўжалиги ва агротехнологиялар институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади бодрингни очиқ майдонларда тик симбағаз усулда етиштириш технологиясини такомиллаштиришдан иборат.
III. Тадқиқотнинг илмий янгилиги:
илк бор бодрингни тик симбағазда етиштиришга мос Севинч нави яратилган ва унга Интеллектуал мулк агентлигидан патент (НАП 00270) олинган;
бодрингни тик симбағазда етиштиришга мос истиқболли 4 та - Фантина, Суперина, Бейт-Алфа дурагайлари ва Севинч нави ажратилган;
бодрингни тик симбағазда етиштиришда Фантина ва Суперина дурагайларига Ифо Сеед препаратини 2 гр/л қўллаш меъёри (91,9-92,0 т/га ёки назоратга нисбатан 44 % юқорилиги) самарадорлиги аниқланган;
бодрингни тик симбағазда кўчатидан экиб етиштиришда 15 кунлик кўчатларни асосий муддатда экиш ҳосилдорликни 19,0 т/га, такрорий муддатда эса 23,9 т/га оширганлиги исботланган;
бодрингни тик симбағазда етиштиришда мақбул ( ) экиш схемаси юқори (65,2 т/га, 176 млн. 475 минг сўм/га) самарадорликка эришганлиги аниқланган.
IV. Тадқиқот натижаларининг жорий қилиниши.
Бодрингни (Cуcумис сативус Л.) очиқ майдонларда симбағаз усулида етиштириш технологиясини такомилаштириш бўйича олиб борилган илмий-тадқиқот натижалари асосида:
очиқ майдонларда бодрингни симбағаз усулида кўчатларидан етиштириш ишланмаси Андижон вииояти Асака туман “САМАРАГРОЗООВЕТСЕРВИС” МЧЖ нинг хўжалик майдонида 0,50 га очиқ майдонга жорий этилган (Ўзбекистон Республикаси Қишлоқ хўжалиги вазирлигининг 2022 йил 13 апрелдаги №07/33-04/2244-сонли маълумотномаси). Бунинг натижасида 1 га майдондан ўртача  84,9 т/га ҳосил етиштиришга эришилган. Яъни  бодрингни уруғидан етиштиришга таққосланганда 39 % юқори самарадорликка эришилган;
очиқ майдонларда бодрингни кўчатларидан тик симбағаз усулида  етиштириш ишланмаси Андижон вилояти Олтинкўл тумани “GREEN VALLEY SEEDS” хусусий корхона хўжалигида 0,60 га очиқ майдонда жорий этилган (Ўзбекистон Республикаси Қишлоқ хўжалиги вазирлигининг 2022 йил 13 апрелдаги №07/33-04/2244-сонли маълумотномаси). Бунинг натижасида 1 га майдондан ўртача 93,2 т/га ҳосил етиштиришга эришилган. Яъни бодрингни уруғидан етиштиришга таққосланганда 26 % юқори самарадорликка эришилган;
очиқ майдонларда бодрингни кўчатларидан тик симбағаз усулида  етиштириш ишланмаси Тошкент вилояти Юқори чирчиқ тумани “Қишлоқ хўжалигида билим ва инновациялар миллий маркази” нинг хўжалик майдонига 0,20 га очиқ майдонга жорий этилган (Ўзбекистон Республикаси Қишлоқ хўжалиги вазирлигининг 2022 йил 13 апрелдаги №07/33-04/2244-сонли маълумотномаси). Бунинг натижасида 1 га майдондан ўртача 83,3 т/га ҳосил етиштиришга эришилган. Яъни бодрингни уруғидан етиштиришга таққосланганда 36 % юқори самарадорликка эришилган.