Худайназаров Дилшод Хушвақтовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Кичик чорвачилик хўжаликлари учун такомиллашган озуқаларни тарқатиш қурилмасининг параметр ва иш режимларини асослаш”, 05.07.01 - Қишлоқ хўжалиги ва мелиоратсия машиналари. Қишлоқ хўжалиги ва мелиоратсия ишларини механизатсиялаш (техника фанлари).
Диссертация мавзуси рўйхатга олинган рақам: B2023.2PhD/Т2324     
Илмий раҳбар: Каршиев Фахриддин Умарович, техника фанлари доктори, доцент.
Диссертация бажарилган муассаса номи: Қарши муҳандислик-иқтисодиёт институти.
ИК фаолият кўрсатаётган муассаса номи, ИК рақами: Қарши муҳандислик-иқтисодиёт институти, PhD.03/30.06.2020.Т.111.02.
Расмий оппонентлар: Имомқулов Қутбиддин Боқижонович, техника фанлари доктори, профессор; Эшдавлатов Эшпўлат Узоқович, техника фанлари номзоди, доцент.
Етакчи ташкилот: “БМКБ-Агромаш” АЖ.
Диссертация йўналиши: назарий ва амалий аҳамиятга молик.
II. Тадқиқотнинг мақсади: кичик чорвачилик хўжаликларида майдаланган дағал озуқаларни кам чорва молларига сарф-ҳаражатлар билан белгиланган меъёрлар бўйича тарқатадиган қурилмани ишлаб чиқиш ва унинг параметрлари ҳамда иш режимларини асослашдан иборат.
III. Тадқиқотнинг илмий янгилиги:
майдаланган озуқаларни чорва молларига бир меъёрда тарқатадиган учки қисми қайрилган икки консолли куракчали роторга эга озуқа тарқатиш қурилмасининг конструксияси ишлаб чиқилган;  
озуқа тарқатиш қурилмасининг икки консолли куракчаси учки қисмининг қиялик бурчаги озуқаларни кам қаршилик билан кўпроқ миқдорда суриб бориш шартидан аниқланган;
озуқа тарқатиш қурилмаси дарчасининг баландлиги тарқатилаётган озуқанинг оқувчанлик хусусиятини, дарчанинг эни эса куракча билан сурилаётган озуқанинг ҳажмий массаси ва вақт бирлиги ичида керакли миқдорда озуқанинг тўкилишини ҳисобга олган ҳолда асосланган;
тўкиш новининг қиялиги озуқаларнинг кам ишқаланиш билан нов устида эркин ҳаракатланиб, тўкилишини таъминлаш шартидан, новнинг узунлиги эса тўкилган озуқа уюмининг баландлиги, табиий уюмланиш бурчаги ва зичлигини ҳисобга олган ҳолда аниқланган.
IV. Тадқиқот натижаларининг жорий қилиниши: Кичик чорвачилик хўжаликлари учун озуқаларни тарқатиш техника воситаларининг илмий-техник ечимлари бўйича олинган натижалар асосида:
кичик чорвачилик хўжаликлари учун озуқа тарқаткичга дастлабки талаблар ва техник топшириқ ишлаб чиқилган ва тасдиқланган  (Қишлоқ хўжалиги вазирлигининг 2022-йил 10-октябрдаги 07/24-04/7310-сон маълумотномаси). Натижада кичик хўжаликлар учун энергия-ресурстежамкор такомиллашган озуқа тарқаткич қурилмасини яратишга эришилган.
кичик ҳажмли озуқа тарқатиш қурилмаси Қашқадарё вилояти Кўкдала тумани ҳамда Жиззах вилояти Ғаллаорол туманидаги фермер хўжаликларида жорий этилган (Қишлоқ хўжалиги вазирлигининг 2022-йил 10-октябрдаги 07/24-04/7310-сон маълумотномаси). Натижада кичик чорвачилик хўжаликларида озуқа тарқатиш жараёнини механизатсиялаш ҳамда тўғридан-тўғри харажатларни 1,7 мартагача камайишига эришилган;
дағал озуқаларни тарқатиш қурилмаларини ишлаб чиқаришни ўзлаштириш учун лойиҳа-конструкторлик ҳужжатлари «БМКБ-Агромаш» АЖ да ишлаб чиқариш жараёнига жорий этилган (Қишлоқ хўжалиги вазирлигининг 2022-йил 10-октябрдаги 07/24-04/7310-сон маълумотномаси). Натижада кичик чорвачилик хўжаликлари учун озуқа тарқатишда қўлланиладиган юқори самарали такомиллашган қурилмани ишлаб чиқариш имкони яратилган.