Кучкарова Ноила Хуснитдиновнанинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Модификацияланган ион алмашиниш полимерларини олиш технологияси ва уларнинг қўлланилиши», 02.00.14 – Органик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: В2022.4.PhD/Т2804.
Илмий раҳбар: Турабджанов Садритдин Махаматдинович, техника фанлари доктори, профессор.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассаса номи, ИК рақами: Тошкент кимё-технология институти, DSc.03/30.12.2019.Т.04.01.
Расмий оппонентлар: Адилов Равшан Иркинович, техника фанлари доктори, профессор; Абдуталипова Нелля Муддарисовна, техника фанлари доктори, доцент.
Йетакчи ташкилот: Умумий ва ноорганик кимё институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: стандарт КУ-2-8 саноат ион алмашинувчи полимерни титан (IV) туз қўшиб кимёвий модификациялаш, КУ-2-8-Ti(OH)3 ионити олиш технологиясини яратиш ва сув тайёрлаш бўлимларида қўллашдан иборат.  
III. Тадқиқотнинг илмий янгилиги:
стандарт КУ-2-8 ион алмашиниш полимерига TiO2  нинг 5%, 10%, 20%, 30%-ли HCl, HNO3, H2SO4 кислоталари асосидаги тузлари билан -Ti(OH)3 функционал гуруҳлари киритилиб кимёвий модификацияланган;
модификацияланган ион алмашинувчи полимерига киритилган –Ti(OH)3 функционал гуруҳларнинг ионланиш константалари, динамик ҳамда статик шароитларда ион алмашиниш сиғимлари шунингдек физик-кимёвий параметрлари  аниқланган;
ИҚ-спектроскопия, элемент таҳлили ва сканирловчи электрон микроскоп (СЭМ) таҳлиллари асосида модификацияланган КУ-2-8-Ti(OH)3 ион алмашиниш полимерининг микроструктураси исботланган; 
модификацияланган ион алмашиниш полимерининг термик ва механик мустаҳкамлигини 476 C ҳароратда функционал гуруҳларидаги кимёвий боғлар энергияси 225,94 кДж/моль эканлиги исботланган; 
модификацияланган ионалмашиниш полимерининг мис (II) ионларини сорбциялаш механизми координацион боғланиш асосида октоэдрик конфигурация – Cu(H2O)2+6 ҳосил қилиб боғланиши исботланган; 
стандарт КУ-2-8 саноат ион алмашинувчи полимери молекулаларига титан (IV) тузи киритиш билан кимёвий модификациялаб, КУ-2-8-Ti(OH)3 ионити олиш технологияси ишлаб чиқилган.
IV. Тадқиқот натижаларининг жорий қилиниши:
Стандарт КУ-2-8 саноат ион алмашинувчи полимерни титан (IV) туз қўшиб кимёвий модификациялаш, КУ-2-8-Ti(OH)3 ионити олиш технологиясини яратиш ва сув тайёрлаш бўлимларида қўллаш бўйича олинган илмий натижалар асосида:
ноёб ва рангли металл ионларини селектив сорбцияловчи янги турдаги функционал - Ti(OH)3 гуруҳларга эга ион алмашинувчи полимер олиш технологияси «Олмалиқ кон-металлургия комбинати» АЖда амалиётга жорий қилинган («Олмалиқ кон-металлургия комбинати» АЖнинг 2023 йил 16 мартдаги 01-23/61-0083-сон маълумотнома). Натижада, сувдаги мис, рух, темир ионларини сорбциялаш хусусиятларига эга янги модификацияланган КУ-2-8-Ti(OH)3 ион алмашиниш полимери ишлаб чиқариш имконини берган;
стандарт КУ-2-8 ион алмашиниш полимерига титан (IV) тузларини киритиш орқали кимёвий модификациялаб олинган КУ-2-8-Ti(OH)3 билан сувни юмшатиш технологияси «Олмалиқ кон-металлургия комбинати» АЖнинг «Сув тайёрлаш» бўлимида ишлаб чиқариш жараёнига жорий этилган («Олмалиқ кон-металлургия комбинати» АЖнинг 2023 йил 16 мартдаги 01-23/61-0083-сон маълумотнома). Натижада, шўр сувнинг умумий қаттиқлигини 0,1-0,15 мгэкв/г, ишқорийлигини 4,6-4,8 мг/дм3, қуруқ қолдиқ миқдорини 180-190 мг/дм3 гача камайтириб, тузсизлантириш имконини берган.