Шаймарданов Тўлқин Боймурадовичнинг 
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Метанни карбанатли канверсиялаш ва унинг технологияси», 02.00.14 – Органик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: B2021.2.PhD/T2258.
Илмий раҳбар: Файзуллаев Нормурод Ибодуллаевич, техника фанлари доктори, профессор. 
Диссертация бажарилган муассаса номи: Қарши муҳандислик-иқтисодиёт институти.
ИК фаолият кўрсатаётган муассаса номи, ИК рақами: «Тошкент инновацион кимёвий технология илмий-тадқиқот институти» МЧЖ, PhD.23/30.07.2022.К/Т.150.01.
Расмий оппонентлар: Тураев Эркин Рустамович, техника фанлари доктори; Амонов Мухтор Рахматович, кимё фанлари доктори, доцент.
Йетакчи ташкилот: Навоий давлат кончилик ва технологиялар университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади метанни карбонатли конверсиялаш жараёнини маҳаллий хомашёлардан тайёрланган янги таркибли катализаторларда синтез-газ ишлаб чиқариш технологиясини яратишдан иборат.
III. Тадқиқотнинг илмий янгилиги:
маҳаллий хомашёлар асосида юқори фаоллиги, термик барқарорлиги, унумдорлиги, селективлиги ва коксланишга бардошлилиги билан характерланадиган янги таркибли никель, кобальт, цирконий ва бор сақловчи катализатор олинган ва мақбул таркиби танланган;
илк бор (Ni2О3)x*(Cо2О3)y*(ZrО2)z*(B2О3)k/Аl2О3 таркибли катализаторнинг тузилиши ва таркиби физик-кимёвий усулларда текширилган ҳамда катализаторлар тузилиши билан унинг каталитик фаоллиги орасидаги боғлиқлиги аниқланган;
даврий режимда никель, кобальт, цирконий ва бор сақловчи (Ni2О3)x*(Cо2О3)y*(ZrО2)z*(B2О3)k/Аl2О3 таркибли катализаторда метанни карбонат ангидрид билан газ фазада каталитик конверсиялаш реакциясининг кинетик қонуниятлари аниқланган;
танланган (Ni2О3)x*(Cо2О3)y*(ZrО2)z*(B2О3)k/Аl2О3 таркибли катализатор иштирокида жараёнларнинг кинетикаси асосида реакциянинг кинетик моделлари танланган ва бориш механизмлари ишлаб чиқилган; 
илк бор (Ni2О3)x*(Cо2О3)y*(ZrО2)z*(B2О3)k/Аl2О3 таркибли катализаторни саноатда олиш технологияси яратилган;
метанни карбонат ангидрид билан газ фазада каталитик конверсиялаб синтез-газ  олиш жараёни мақбуллаштирилган ва жараённинг илмий асослари ишлаб чиқилган.
IV. Тадқиқот натижаларининг жорий қилиниши: 
маҳаллий хомашёлардан олинган катализатор иштирокида метанни карбонат ангидрид билан газ фазада каталитик конверсиялаш жараёнининг илмий-технологик асослари ишлаб чиқиш бўйича олинган илмий натижалар асосида:
метанни карбонат ангидрид билан газ фазада каталитик конверсиялаб синтез-газ синтези учун танланган (Ni2О3)x*(Cо2О3)y*(ZrО2)z*(B2О3)k/Аl2О3 таркибли катализатор «Муборак газни қайта ишлаш заводи» АЖда амалиётга жорий этилган («Муборак газни қайта ишлаш заводи» АЖнинг 2020 йил 30 августдаги 929/GK-08-сон маълумотномаси). Натижада, ишлаб чиқилган (Ni2О3)x*(Cо2О3)y*(ZrО2)z*(B2О3)k/Аl2О3 таркибли катализатор импорт ўрнини босувчи катализатор сифатида қўллаш имконини берган;
метанни карбонат ангидрид билан газ фазада каталитик конверсиялаб синтез-газ олиш учун танланган (Ni2О3)x*(Cо2О3)y*(ZrО2)z*(B2О3)k/Аl2О3 таркибли катализатор «Муборак газни қайта ишлаш заводи» АЖда амалиётга жорий этилган («Муборак газни қайта ишлаш заводи» АЖнинг 2020 йил 30 августдаги 929/GK-08-сон маълумотномаси). Натижада, (Ni2О3)x*(Cо2О3)y*(ZrО2)z*(B2О3)k/Аl2О3 таркибли катализатор ишлаб чиқишнинг технологик схемасини ва унинг асосида пилот қурилмасини яратиш ҳамда иқтисодий самарадорликка эришиш имконини берган.