Махмаёров Жасур Бозоровичнинг 
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Маҳаллий хомашё манбалари асосида рух сульфат олиш технологиясини яратиш», 02.00.13 - Ноорганик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: B2021.1.PhD/Т2051.
Илмий раҳбар: Самадий Муроджон Абдусалимзода, техника фанлари бўйича фалсафа доктори (PhD), доцент.
Диссертация бажарилган муассаса номи: Тошкент кимё-технология институти.
ИК фаолият кўрсатаётган муассаса номи, ИК рақами: Умумий ва ноорганик кимё институти, DSc.02/30.12.2019. K/T.35.01.
Расмий оппонентлар: Сейтназаров Атаназар Рейпназарович, техника фанлари доктори, профессор; Тураев Зокиржон, техника фанлари доктори, доцент.
Йетакчи ташкилот: Навоий давлат кончилик ва технологиялар университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Хондиза конининг рух сақловчи рудаларидан рух сулфат олиш технологиясини ишлаб чиқишдан иборат.
III. Тадқиқотнинг илмий янгилиги:
юқори босимли автоклав ёрдамида Хандиза конидан рух сулфат учун рух сақловчи концентратни сулфат кислотали қайта ишлаш технологияси ишлаб чиқилган;
оксидлаш мақсадида 800-900 °C ҳароратда концентратни дастлабки куйдириш, парчалаш жараёнида эритмада қўрғошин, молибден ва бошқа метал аралашмаларини ҳосил бўлиши камайтириши аниқланган;
рух концентратини сулфат кислота билан парчалаш ва эритмаларни тозалаш натижасида олинган эритмалар ва қуйқаларнинг физик-кимёвий хоссалари аниқланган; 
рух концентратини сулфат кислота билан парчалаш ва олинган рух сулфат эритмаларини тозалаш жараёнининг оптимал технологик схемаси ва дастгоҳлари занжир схемаси яратилган.
IV. Тадқиқот натижаларининг жорий қилиниши:
Хондиза конидан рух концентратини рух сулфатга қайта ишлаш технологиясини ишлаб чиқиш бўйича олинган илмий натижалар асосида:
Хондиза конидан олинган рух концентратини сулфат кислотали қайта ишлаш технологияси “Махсусэнергогаз” АЖнинг “2024-2027 йилларда амалиётга жорий этиш бўйича истиқболли ишланмалар рўйхати”га киритилган (“Махсусэнергогаз” АЖнинг 2022 йил 26 апрелдаги 47/553-сон маълумотномаси). Натижада, ГОСТ талабларига жавоб берадиган рух сулфат олиш имконини беради;
рух концентратидан рух сулфат ишлаб чиқариш технологияси “Ўзбекнефтегаз” АЖ да амалиётга жорий этилган (“Ўзбекнефтегаз” АЖнинг 2023 йил 10 апрелдаги 08-36-1-400-сон маълумотномаси). Натижада, республикада илк бора асосий модданинг камида 97.7 фоизини ташкил этувчи сифатли рух сулфати олиш имконини берган.