Каримова Динара Батировнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража берадиган фан тармоғи номи): «Миопияли болаларда катаракта жарроҳлик амалиётини такомиллаштириш» 14.00.08 – Офтальмология (тиббиёт фанлари).
Диссертация мавзуси рўйхатга олинган рақам: В2019.2.PhD/Tib890.
Илмий раҳбар: Бабаджанова Лола Джаноновна, тиббиёт фанлари номзоди, доцент. 
Диссертация бажарилган муассаса номи: Тошкент педиатрия тиббиёт институти.
ИК фаолият кўрсатаётган муассаса (муассасалар) номи, ИК рақами: Республика ихтисослаштирилган кўз микрохирургия илмий-амалий тиббиёт маркази, DSc.04/30.01.2020.Tib.105.01. 
Расмий оппонентлар: Мусаев Гальбинур Паша Исмоил ўғли, тиббиёт фанлари доктори, профессор (Озарбайжон Республикаси); Касимова Мунирахон Садикжановна, тиббиёт фанлари доктори, профессор.
Йетакчи ташкилот: Қозоқистон кўз касалликлари илмий тадқиқот институти (Қозоқистон Республикаси).
Диссертация йўналиши: назарий ва амалий аҳамиятга молик.
II. Тадқиқотнинг мақсади: клиник-биохимик кўрсаткичлари асосида жарроҳлик йўли билан киришга дифференциал ёндашув орқали миопик рефракция фонида туғма катарактани жарроҳлик даволаш самарадорлигини ўрганишдан иборат.
III. Тадқиқотнинг илмий янгилиги:
туғма катарактали болаларда миопия ривожланиш хавф омиллари аниқланган, булар онанинг ёши 35 ёшдан, 3 маротабадан ортиқ такрорий туғруқ, миопияни ирсийланиши ҳамда соматик ҳолатни ирсийланиши ҳам катта аҳамиятга эга, шунингдек, болалар церебрал фалажи, нерв тизими перинатал патологияси, психомотор ривожланишни ортда қолиши, кичик мия дисфункцияси, Даун синдроми, нистагм, ғилайлик, микрокорнеа аниқланган;
биринчи маротаба ТК бўлган болаларда бириктирувчи тўқима дисплазиясининг умумий ва маҳаллий кўринишларини аниқлаш имконини берувчи диагностика усуллари мажмуаси (металлопротеиназа миқдорини баҳолаш) таклиф қилинди, миопия кечишида бу жараёнларнинг корелляцияси аниқланган;
гидрофоб ИОЛ имплантация қилиш билан миопия фонида туғма катаракталар жарроҳлик йўли билан даволашнинг клиник самарадорлиги асосланган;
туғма катарактали болаларда миопия фонида қайта қурилган склера тўқимаси жарроҳлик давони шоҳ парда орқали кириш йўли билан амалга ошириш асосланган.
IV. Тадқиқот натижаларининг жорий қилиниши.
Миопияли болаларда туғма катарактани ташхислаш ва жарроҳлик йўли билан коррекция қилиш усулларини такомиллаштиришнинг замонавий жиҳатларини ўрганиш бўйича олинган натижалар асосида:
миопияли кўзда туғма катаракта билан ташҳисланган беморларда катаракта жарроҳлик давосига асосланган ташҳислаш бўйича олиб борилган тадқиқотнинг илмий натижалари асосида ишлаб чиқарилган "Mиопияли кўзда туғма катарактани жарроҳлик даволашда жарроҳлик кесмасини шакллантириш усуллари" номли услубий тавсиянома тасдиқланган (Соғлиқни сақлаш вазирлигининг 2021 йил 23 февралдаги 8n-r/156-сон маълумотномаси). Мазкур тавсияномада миопия фонида туғма катарактали беморларда жарроҳлик амалиёти кесма турлари, уларнинг солиштирма таҳлили, жарроҳлик эрта ва кеч даврларида юзага келадиган асоратлар таҳлиллари асосида жарроҳлик кесма турлари тавсия қилишга имкон берган;
миопияли кўзда туғма катаракта билан ташҳисланган беморларда катаракта жарроҳлик давосига асосланган ташҳислаш бўйича олиб борилган тадқиқотнинг илмий натижалари асосида ишлаб чиқарилган "Mиопия билан оғриган болаларда катаракта экстракцияси пайтида имплантация учун кўз ичи линзасининг оптимал моделини танлаш" номли услубий тавсиянома  тасдиқланган (Соғлиқни сақлаш вазирлигининг 2021 йил 23 февралдаги 8n-r/155-сон маълумотномаси). Мазкур тавсияномада миопия фонида туғма катарактали беморларда жарроҳлик амалиётида гидрофоб ҳамда гидрофил интраокуляр линза имплантацияси, уларнинг солиштирма таҳлили, жарроҳлик эрта ва кеч даврларида юзага келадиган асоратлар таҳлиллари асосида ИОЛ имплантация турлари тавсия қилишга имкон берган;
миопияли кўзда туғма катаракта билан ташҳисланган беморларда клиник-патогенетик ва даволаш жиҳатлари шакилланишида асослаш натижалари соғлиқни сақлаш амалиётига, шу жумладан Республика 1-сонли Тошкент шаҳар клиник шифохонаси ва Бухоро вилоят кўз касалликлари шифохонасининг амалий фаолиятига тадбиқ этилган (Соғлиқни сақлаш вазирлигининг 28 март 2021 йилги 8 н-д/117-сон маълумотномаси). Олинган натижаларни амалиётга тадбиқ этиш натижасида миопияли болаларнинг қонида металлопротеиназа даражасини туғма катаракта билан биргаликда ўрганиш диагностика ва даволаш сифатини такомиллаштиришга имкон берган.