Соипова Гўзалой Гуломидин қизининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Сурункали вирусли гепатит с ташхислашда ультратовушли мультипараметрик текширувларнинг имкониятлари» 14.00.19 – Клиник радиология (тиббиёт фанлари).
Диссертация мавзуси рўйхатга олинган рақам: В2018.1.PhD/Tib573.
Илмий раҳбар: Фазылов Акрам Акмалович, тиббиёт фанлари доктори, профессор.
Диссертация бажарилган муассаса номи: Тошкент тиббиёт академияси.
ИК фаолият кўрсатаётган муассаса номи, ИК рақами: Республика ихтисослаштирилган онкология ва радиология илмий амалий тиббиёт маркази, DSc.04/30.12.2019Tib.77.01.
Расмий оппонентлар: Юсупалиева Гулнора Акмаловна, тиббиёт фанлари доктори, доцент; Камилов Фарход Хайдарович, тиббиёт фанлари доктори, доцент.
Етакчи ташкилот: Тошкент тиббиёт академияси.
Диссертация йўналиши: назарий ва амалий аҳамиятга молик.
II. Тадқиқотнинг мақсади: беморларни комплекс текшириш тизимида, силжиш тўлқинли ультратовушли эластографияни (2D SWE) қўллаш йўли орқали сурункали гепатит С да фибрознинг турли босқичларини ўз вақтида аниқлашни яхшилашдан иборат.
III. Тадқиқотнинг илмий янгилиги:
Сурункали вирусли гепатит С да жигар фиброзининг тарқалиш даражасини аниқлаш учун 2 ўлчамли силжиш тўлқинли эластография ёрдамида кенгайтирилган 6 та сегментни текширишнинг янги тартиби асосланган;
METAVIR шкаласи бўйича жигар фиброзининг босқичини баҳолашда олинган натижаларнинг ишончини ошириш учун органнинг эластиклиги\қаттиқлиги кўрсатгичининг кПа да ҳамда ультратовуш силжиш тўлқинининг тезлигини м\с да ўлчаш орқали ҳам натижага эришиш мумкинлиги исботланган;
сурункали вирусли гепатит билан оғриган беморларда METAVIR шкаласи бўйича фибрознинг турли босқичларида жигарнинг сифатли (F1 босқичида 2D SWE ўртача кўрсаткичлари 7,1, F2-7,6, F3-10,2 хамда F4 да 16,6 кПа) ва миқдорий (F1 босқичидаультратовуш силжиш тўлқини ўртача кўрсаткичлари 1,2 м\с, F2-1,3 м\с, F3-1,7 м\с хамда F4 да 2,3 м\с)  мультипараметрик кўрсатгичлари аниқланган;
сурункали вирусли гепатит билан оғриган беморларда жигар фиброзининг босқичини аниклаш учун жигар ультратовуш текширувида икки ўлчамли кулранг шкалали ультратовуш текшируви, доплер текшируви ва икки ўлчамли силжиш тўлқинли эластографияни ўз ичига олган тизимли ёндашув зарурлиги исботланган.
IV. Тадқиқот натижаларининг жорий қилиниши.
Сурункали вирусли гепатит С да ҳолатини баҳолашда ультратовуш мультиспирал компьютер томографияси ва магнит резонанс томографиянинг ўрнини баҳолаш бўйича олинган илмий натижалар асосида:
СВГСда жигарнинг ультратовушли мультипараметрик текширишда илмий тадқиқотнинг олинган натижалари асосида “Сурункали вирусли гепатит С да силжиш тўлқинли (2D SWE) ультратовушли эластография технологияси” номли услубий тавсиянома тасдиқланган (Соғлиқни сақлаш вазирлигининг 2021 йил 8/86-сон маълумотномаси). Олинган натижалар клиник амалиётга 2D SWE-эластографияни жорий этишни жадаллаштириш ва жигар фиброзини ташхислашнинг аниқлилиги ва самарадорлигини оширишга имкон берган; 
СВГС мультипараметрик ультратовушли ташхислаш сифатини такомиллаштириш бўйича олинган илмий тадқиқотнинг натижалари Андижон вилояти кўп тармоқли тиббиёт маркази, тиббиёт ходимларининг касбий малакасини ривожлантириш Марказининг клиник базаси хамда Қашқадарё вилояти диагностика маркази ва хусусий клиникаларнинг клиник амалиётига жорий қилинган (Соғлиқни сақлаш вазирлигининг 2021 йил 07 июлдаги 8н-з/359-сон маълумотномаси). Сурункали вирусли гепатит С билан оғриган беморларни ташхислашда таклиф этилган комплекс ёндашувлардан фойдаланиш жигар холатини, унинг қон айланишини ўз вақтида етарлича бахолаш, юзага келиши мумкин бўлган асоратлар хавфини аниқлаш, даволаш-соғломлаштириш чора тадбирларининг сифатини ошириш ҳамда умуман олганда, ташхислашнинг сифат кўрсаткичини 75,9% дан 93,9% гача ошириш имконини берган.