Тўраева Ёрқиной Мамадалиевнанинг
фалсафа доктори  (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Бош мия жароҳатлари ўткир даврида кўрув аъзолари зарарланишининг  клиник диагностикаси ва даволаш усулларини такомиллаштириш», 14.00.08 – Офтальмология (тиббиёт фанлари).
Диссертация мавзуси рўйхатга олинган рақам: В2019.3.PhD/Tib1044.
Илмий раҳбар: Камилов Халиджан Махамаджанович, тиббиёт фанлари доктори, профессор.
Диссертация  бажарилган  муассаса  номи: Фарғона жамоат саломатлиги тиббиёт институти.
ИК фаолият кўрсатаётган муассаса (муассасалар)  номи, ИК рақами: Республика ихтисослаштирилган кўз микрохирургияси илмий-амалий тиббиёт маркази, DSc.04/30.01.2020.Тib.105.01.
Расмий оппонентлар: Егоров Евгений Алексеевич, тиббиёт фанлари доктори, профессор (Россия Федерацияси); Бузруков Ботир Тўлкунович, тиббиёт фанлари доктори, доцент.
Етакчи ташкилот: Тожикистон тиббиёт- социал институти (Тожикистон Республикаси).
Диссертация йўналиши: амалий аҳамиятга молик.
II. Тадқиқотнинг мақсади: шошилинч тизимда бош мия жароҳатларининг  ўткир даврида кўрув аьзолари зарарланган беморларни ташхислаш, консерватив ва жарроҳлик даво усулларини такомиллаштиришдан иборат.
III. Тадқиқотнинг илмий янгилиги:
краниоорбитал жароҳатлардаги орбита суяк девори синиши, суяк синиқларини силжиши,  кўз олмасини зарарланиши, юқори тирқиш синдроми ривожланиши ҳамда кўрув нерви зарарланишини эътиборга олган ҳолда илк маротаба краниоорбитал жароҳатлар таснифи ишлаб чиқилган;
краниоорбитал жароҳатланишнинг ўткир даврида орбита соҳасининг рентген нурлари ёрдамида текшириш натижасида нурланиш ҳажмини меъёрдан оширмаслик ва юқори информативликни таъминлаш мақсадида юпқа кесимли МСКТ текширувини эрта даврда ўтказиш жароҳатлар ҳажми ва турини ўз вақтида аниқлаб, эрта ихтисослаштирилган ёрдам кўрсатиш самарадорлигини нурланиш ҳажмини меъёрдан оширмаган ҳолда ошиши исботланган;
краниоорбитал жароҳатланган беморларни текширувлар ўтказишга кўрсатмалар ва уларнинг ҳажмини белгилашда бемор умумий ҳолатининг оғирлиги (Глазго шкаласи бўйича хушёрлик даражаси) га кўра илк бор офталмологик текширувлар ҳажми аниқланган;
краниоорбитал жароҳатланган беморларни комплекс консерватив (нейропротектор ва ноотроп модда) даво чоралари қўлланилганда анъанавий давога нисбатан кўриш ўткирлигини даводан сўнг ошиши исботланган.
IV. Тадқиқот  натижаларининг  жорий қилиниши:
Краниоорбитал жароҳати билан ташхисланган беморларда кўрув аьзоларини зарарланишини ташхислаш ва даволашдан олинган илмий натижалар асосида:
краниоорбитал жароҳатланган беморларни ташхислаш усулини такомиллаштириш бўйича олиб борилган тадқиқотнинг илмий натижалари асосида ишлаб чиқилган «Диагностика и лечение поврежденного зрительного нерва при краниоорбитальных поражениях» номли услубий тавсиянома тасдиқланган (Соғлиқни сақлаш вазирлигининг 2022 йил 14 февралдаги 8-н-р/107-сон маълумотномаси). Натижада краниоорбитал жароҳатларда ташхислаш ва даволаш тактикасини танлашда кўрув аьзоларини жароҳатланишини самарали даволаш имконини берган; 
краниоорбитал жароҳати билан ташхисланган беморларда кўрув аьзоларини зарарланишини ташхислаш бўйича олиб борилган тадқиқотнинг илмий натижалари асосида ишлаб чиқилган «Краниоорбитал жароҳатларда кўрув аьзоларини нейроофтальмологик текшириш усуллари» номли услубий тавсиянома тасдиқланган (Соғлиқни сақлаш вазирлигининг 2022 йил 14 февралдаги 8-н-р/108-сон маълумотномаси). Мазкур услубий тавсиянома краниоорбитал жароҳатланган беморларнинг ўзига хос клиник хусусиятларини ташхислаш ва даволашни самарали амалга ошириш имконини берган.
краниоорбитал жароҳати билан ташхисланган беморларда клиник-патогенетик ва даволаш жиҳатлари шаклланишида нейроофтальмологик текширув усулларини асослаш натижалари соғлиқни сақлаш амалиётига, жумладан, Республика кўз касалликлари клиник шифохонасига, Республика шошилинч тез ёрдам илмий марказ Наманган филиали шифохоналари амалиётига тадбиқ этилган (Соғлиқни сақлаш вазирлигининг 2022 йил 29 ноябрдаги 08-37825 - сон маълумотномаси). Олинган натижаларни жорий қилиниши краниоорбитал жароҳатланган беморларларда эрта ва аниқ ташхислаш, комплекс даволашни такомиллаштириш орқали асоратлар сонини камайтириш имконини берган.