Abdullaev Husniddin Husen o‘g‘lining
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i): «Biogaz olishning axborot – boshqaruv tizimi», 05.01.02 – «Tizimli tahlil, boshqaruv va axborotni qayta ishlash» (texnika fanlari).
Dissertatsiya mavzusi ro‘yxatga olingan raqam: B2022.4.PhD/T3273
Ilmiy rahbarning F.I.Sh., ilmiy darajasi va unvoni: Qalandarov Palvan Iskandarovich, texnika fanlari doktori, professor.
Dissertatsiya bajarilgan muassasa nomi: «Toshkent irrigatsiya va qishloq xo‘jaligini mexanizatsiyalash muhandislari instituti» Milliy tadqiqot universiteti.
IK faoliyat ko‘rsatayotgan muassasa nomi, IK raqami: «Toshkent irrigatsiya va qishloq xo‘jaligini mexanizatsiyalash muhandislari instituti» Milliy tadqiqot universiteti DSc.03/26.05.2022.T.10.05.
Rasmiy opponentlar:  Siddiqov Ilxom Hakimovich, texnika fanlari doktori, professor; Hayitmatov O‘ktam Turg‘unovich texnika fanlari nomzodi, dotsent.
Yetakchi tashkilot nomi: O‘zbekiston Respublikasi Fanlar Akademiyasi Energetika muammolari instituti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi qishloq xo‘jaligi chiqindilarini qayta ishlash orqali biogaz olish jarayonini axborot – boshqaruv tizimini ishlab chiqishdan iborat.
III. Tadqiqotning ilmiy yangiligi quyidagilardan iborat:
qishloq xo‘jaligi chiqindilaridan qayta ishlaganda biogaz chiqishiga ta’sir etuvchi faktorlar aniqlangan va tizimli tahliliga asosida baholangan; 
biogaz ishlab chiqarish jarayonining noravshan va neyronoravshan  matematik modellari ishlab chiqilgan;
axborot-boshqaruv tizimida biogaz olish ma’lumotlarini qayta ishlash usulini tanlash asosida intellektual qaror qabul qilishni qo‘llab-quvvatlash  algoritmlari ishlab chiqilgan;
qishloq xo‘jaligi chiqindilaridan biogaz olishda axborotlarning noaniqligi sharoitida biogaz olishning boshqaruv algoritmi ishlab chiqilgan.
IV. Tadqiqot natijalarining joriy qilinishi: Dissertatsiya tadqiqotlari doirasida qishloq xo‘jaligi chiqindilaridan biogaz olishning axborot-boshqaruv model va algoritmlarini ishlab chiqish bo‘yicha olingan ilmiy natijalar asosida:
turli xil qishloq xo‘jaligi chiqindilaridan biogaz olish jarayonida ma’lumotlarning noaniqligi, parametrlarning o‘zgaruvchanligi hamda metan miqdorini oshirishni hisobga olgan holda parametrlarni boshqarish jarayoning neyro-noravshan modellari Qashqadaryo viloyati «Biogaz» mas’uliyati cheklangan jamiyatida joriy etilgan (O‘zbekiston Respublikasi Energetika vazirligining 2022 yil 20 oktyabridagi №02-07-6168 son ma’lumotnomasi). Natijada biogaz tarkibidagi metan konsentratsiyasiga ta’sir ko‘rsatadigan parametrlar o‘zgarishiga mos ravishda boshiarish ob’ektining optimal funksional rejimlarini tanlash imkonini bergan;
axborot-boshqaruv tizimida biogaz olish ma’lumotlarini qayta ishlash usulini tanlash asosida qaror qabul qilishni qo‘llab-quvvatlash algoritmlari Qashqadaryo viloyati «Biogaz» mas’uliyati cheklangan jamiyatida joriy etilgan (O‘zbekiston Respublikasi Energetika vazirligining 2022 yil 20 oktyabridagi №02-07-6168 son ma’lumotnomasi). Natijada metan konsentratsiyasi 55-60% dan 65-75% gacha oshirish imkonini bergan;
qishloq xo‘jaligi chiqindilaridan biogaz olishda axborotlarning noaniqligi sharoitida biogaz olishning boshqaruv algoritmi Qashqadaryo viloyati «Biogaz» mas’uliyati cheklangan jamiyatida joriy etilgan (O‘zbekiston Respublikasi Energetika vazirligining 2022 yil 20 oktyabridagi №02-07-6168 son ma’lumotnomasi). Natijada yillik iqtisodiy samaradorlik 503.766 ming so‘mni tashkil qildi, biogazning chiqish davomiyligi 18 kunga oshirishga erishildi hamda biogazning yonishi energiya samaradorligi 10-12% ga ko‘payish imkonini bergan.