Авезова Назокат Ибодуллаевнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): Суюқ материаллар намлик миқдорини автоматик назорат қилиш учун иссиқлик усули ва қурилма», 05.03.01 – Асбоблар. Ўлчаш ва назорат қилиш усуллари (техника фанлари).
Диссертация мавзуси рўйхатга олинган рақам: В2022.2.PhD/Т599
Илмий раҳбар: Исматуллаев Патхулла Рахматович, техника фанлари доктори, профессор.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассасалар номи, ИК рақами: Тошкент давлат техника университети, DSc.03/30.12.2019.Т.03.02.
Расмий оппонентлар: Ўлжаев Эркин, техника фанлари доктори, профессор;  Абдуллаев Маҳмуд Мухаммадиевич, техника фанлари номзоди, доцент.
Етакчи ташкилот: Тошкент кимё-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Суюқ материалларнинг (нефт ва нефт маҳсулотлари) намлик миқдорини назорат қилиш учун содда конструкцияга ва арзон нархга эга иссиқлик  ўзгартиргични ишлаб чиқиш.
III. Тадқиқотнинг илмий янгилиги:
ўлчаш схемаси чиқиш сигналининг суюқ материаллардаги намлик миқдорига боғлиқлигини акс эттирувчи иссиқлик тўртқутбликлар назарияси асосида иссиқлик ўзгартгичнинг математик модели ишлаб чиқилган;
иссиқлик ўтказувчанлигига ва меъёрланган метрологик хусусиятли иссиқлик ўтказгичи бўйлаб ҳароратнинг тақсимланишига асосланган суюқ материаллар сув миқдори иссиқлик ўзгарткичининг реал эксплуатацион ишлатиш шароитида статик ва динамик характеристикалари қурилган;
суюқ материалларнинг сув миқдорини назорат қилиш учун кенгайтирилган функционал имкониятлари билан мавжудларидан фарқланувчи зондли, юқори сезгирликка эга бўлган бинар иссиқлик ўзгарткичининг конструкцияси ва ўлчаш схемаси ишлаб чиқилган;
Нусселт критерияси асосида иссиқлик узатиш коэффиценти ва суюқ материалларнинг иссиқлик ўтказувчанлик коэффициенти орасида детерминлашган математик алоқа ўрнатиш мақсадида намлик миқдорини ўлчаш интервалини кенгайтириш имконини берувчи бирламчи ўзгарткичнинг метрологик характеристикаларини яхшилаш усуллари такомиллаштирилган.
IV. Тадқиқот натижаларининг жорий қилиниши.
суюқ материалларнинг намлигини назорат қилиш қурилмасига Ўзбекистон Республикаси Интеллектуал мулк агентлигининг ихтирога патенти олинган (IAP 06479, 30.04.2021 й.). Натижада, яратилган қурилма суюқ матераллар (нефт ва нефт маҳсулотлари)нинг намлик миқдорини мавжудларига нисбатан 15 % ишончли ўлчаш имконини берган;
суюқ материалларнинг намлик миқдорини назорат қилишда иссиқлик ўзгартиргичнинг конструкцияси ва ўлчаш схемаси “Жиззах нефтни қайта ишлаш” МЧЖга жорий этилган («O‘zbekneftgaz» АЖнинг 2022 йил 18 февралдаги 03-17-5/25-сон маълумотномаси). Натижада, таклиф этилаётган қурилмани жорий этишнинг иқтисодий самараси ўлчашларнинг аниқлигини ва теxнологик жараённинг самарадорлигини ошириш, экспресс назорат қилиш, намлик миқдорига путур етказмайдиган назорат усулидан фойдаланиш ва унга қўшиладиган энергия ва меҳнат xаражатлари ҳисобига амалга ошиш имконини берган.