Ҳамидов Даврон Рўзимуродовичнинг
фалсафа доктори (PhD) диссертация ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Метанни каталитик оксихлорлаш асосида этилен олиш технологиясини такомиллаштириш», 02.00.14 – Органик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: В2022.3.PhD/Т2255.
Илмий раҳбар: Файзуллаев Нормурод Ибодуллаевич, техника фанлари доктори, профессор.
Диссертация бажарилган муассаса номи: Қарши муҳандислик-иқтисодиёт институти.
ИК фаолият кўрсатаётган муассаса номи, ИК рақами: «Тошкент инновацион кимёвий технология илмий-тадқиқот институти» МЧЖ, PhD.23/30.07.2022.К/Т.150.01.
Расмий оппонентлар: Муродов Музаффар Муродович, техника фанлари доктори; Axмедов Вохид Низомович, техника фанлари номзоди, профессор.
Етакчи ташкилот: Термиз давлат унииверситети.
Диссертация йўналиши: назарий ва амалий аҳамиятга молик.
II. Тадқиқотнинг мақсади маҳаллий хомашёлардан олинган катализаторлар иштирокида метанни каталитик оксихлорлаб метил хлорид ва ундан этилен ва пропиленлар олиш жараёнининг илмий-технологик асосларини ишлаб чиқишдан иборат.
III. Тадқиқотнинг илмий янгилиги:
маҳаллий хомашёлар асосида юқори фаоллиги, термик барқарорлиги, унумдорлиги, селективлиги билан характерланадиган янги таркибдаги (CuCl2)x:(KCl)y:(ZnCl2)z(MnCl2)k/ЮКЦ ва 1,0%Na4P2O7+1,0%B2O3+1,0%MgO /ЮКЦ катализаторлари олинган ва мақбул таркиби танланган;
(CuCl2)x:(KCl)y:(ZnCl2)z:(MnCl2)k/ЮКЦ ва 1,0%Na4P2O7+1,0%B2O3+ 1,0%MgO/ЮКЦ таркибли катализаторларнинг тузилиши ва таркиби физик-кимёвий усулларда текширилган ҳамда катализаторлар тузилиши билан унинг каталитик фаоллиги орасидаги боғлиқлиги аниқланган;
даврий режимда (CuCl2)x:(KCl)y:(ZnCl2)z:(MnCl2)k/ЮКЦ ва 1,0%Na4P2O7+1,0%B2O3+1,0%MgO/ЮКЦ таркибли катализаторларда метанни каталитик оксихлорлаб метил хлорид ва ундан қуйи тўйинмаган яъни қўш боғ сақлаган углеводородлар олиш реакцияларининг кинетик қонуниятлари аниқланган;
танланган (CuCl2)x:(KCl)y:(ZnCl2)z:(MnCl2)k/ЮКЦ ва 1,0%Na4P2O7+ 1,0%B2O3+1,0%MgO/ЮКЦ таркибли катализаторлар иштирокида жараёнларнинг кинетикасини асосланган ва реакцияларнинг кинетик моделлари танланган ва бориш механизмлари ишлаб чиқилган;
(CuCl2)x:(KCl)y:(ZnCl2)z:(MnCl2)k/ЮКЦ ва 1,0%Na4P2O7+1,0%B2O3+ 1,0%MgO/ЮКЦ таркибли катализаторларни саноатда олиш технологияси яратилган;
метанга кислород иштирокида водород хлорид таъсир эттириб яъни метанни каталитик оксихлорлаб метил хлорид ва ундан қуйи тўйинмаган яъни қўш боғ сақлаган углеводородлар олиш технологиялари ишлаб чиқилган.
IV. Тадқиқот натижаларининг жорий қилиниши:
Метанни кислород иштирокида водород хлорид билан буғ фазада каталитик оксихлорлаш ва метил хлорид молекулаларини пиролизлаш реакциясининг кинетик конуниятларини ўрганиш бўйича олинган илмий натижалар асосида:
маҳаллий хомашёлар асосида олинган селективлиги 38-52%, катализатор Муборак газни қайта ишлаш заводида амалиётга жорий этилган (Муборак газни қайта ишлаш заводининг 2020 йил 30 августдаги 931/GK-08-сон маълумотномаси). Натижада, маҳаллий хомашёлар асосида олинган катализаторлар ёрдамида метандан этилен олиш имконини берган;
метанни каталитик оксихлорлаб этилен олиш технологияси Муборак газни қайта ишлаш заводида амалиётга жорий этилган (Муборак газни қайта ишлаш заводининг 2020 йил 30 августдаги 931/GK-08-сон маълумотномаси). Натижада, янги таркибли катализатор ёрдамида метандан этилен олиш имконини берган.
