Буронов Фирдавсий Эшбуриевичнинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Этиленни буғ фазада каталитик оксиацетиллаб, винилацетат олиш технологиясини такомиллаштириш», 02.00.14 – Органик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: В2022.3.PhD/Т1921.
Илмий раҳбар: Файзуллаев Нормурод Ибодуллаевич, техника фанлари доктори, профессор.
Диссертация бажарилган муассаса номи: Қарши муҳандислик-иқтисодиёт институти.
ИК фаолият кўрсатаётган муассаса номи, ИК рақами: «Тошкент инновацион кимёвий технология илмий-тадқиқот институти» МЧЖ, PhD.23/30.07.2022.К/Т.150.01.
Расмий оппонентлар: Амонов Мухтор Рахматович, техника фанлари доктори, профессор; Тураев Эркин Рустамович, техника фанлари доктори.
Етакчи ташкилот: Навоий давлат кончилик ва технологиялар университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади маҳаллий хомашёлар асосида этиленнинг ҳаво кислороди билан сирка кислотаси иштирокида катализаторлар ёрдамида буғ фазада ўзаро оксидланишли каталитик оксиацеталланиш реакцияси учун янги таркибдаги катализаторлар яратиш ҳамда этилендан винилацетат олиш ва унинг технологиясини ишлаб чиқишдан иборат.
III. Тадқиқотнинг илмий янгилиги:
этиленни сирка кислотаси ва кислород иштирокида оксиацетиллаш жараёни учун қўлланилувчи юқори унумдорлик ва селективликка эга бўлган янги 0,4%Рd+4%Cu+7%CH3COOK/ЮКЦ таркибли катализатор “золь-гель” ва шимдириш усулларида олинган;
этиленни оксиацетиллаш жараёни учун яратилган юқори каталитик фаолликка эга бўлган, янги таркибли катализаторнинг текстура ҳамда физик-кимёвий хоссалари термик, рентгенфазали, электрон-микроскопик, сканирловчи электрон микроскопия ва ИҚ-спектроскопия усулларида аниқланган;
янги таркибли катализатор иштирокидаги этиленни оксиацетиллаш жараёнининг кинетикасини ўрганиш асосида реакциянинг кинетик моделлари ва бориш механизми таклиф этилган ҳамда кинетик моделлар таҳлили асосида мақбул реактор тури танланган;
дифференциал реактор шароитида яратилган катализатор иштирокида, реакциянинг кинетик қонуниятлари ва жараён боришининг мақбул шароити аниқланиб, олинган натижалар асосида жараённи ифодалайдиган кинетик тенгламалар танланган ва уларнинг адекватлиги баҳоланган;
этиленнинг ҳаво кислороди билан сирка кислотаси иштирокида катализаторлар ёрдамида буғ фазада ўзаро оксидланишли каталитик оксиацеталланиш реакцияси  натижасида винилацетат олишнинг такомиллаштирилган, кам чиқиндили ҳамда энергия ва ресурс тежамкор технологияси ишлаб чиқилган.
IV. Тадқиқот натижаларининг жорий қилиниши:
Маҳаллий хомашёлардан винилацетат олиш технологиясини ишлаб чиқиш бўйича олинган илмий натижалар асосида:
маҳаллий хомашёлар асосида олинган янги 0,4%Рd+4%Cu+7%CH3COOK/ЮКЦ таркибли катализатор иштирокида винилацетат олиш  технологияси Муборак газни қайта ишлаш заводида амалиётга жорий этилган (Муборак газни қайта ишлаш заводининг 2021 йил 1 ноябрдаги 974/GK-11-сон маълумотномаси). Натижада, янги таркибли катализатор иштирокида саноатда ишлатиладиган винилацетат олиш имконини берган;
этиленнинг ҳаво кислороди билан сирка кислотаси иштирокида катализаторлар ёрдамида буғ фазада ўзаро оксидланишли каталитик оксиацеталланиш реакцияси натижасида винилацетат олиш усули Муборак газни қайта ишлаш заводида амалиётга жорий этилган (Муборак газни қайта ишлаш заводининг 2021 йил 1 ноябрдаги 974/GK-11-сон маълумотномаси). Натижада, винилацетат олишнинг такомиллаштирилган, кам чиқиндили ҳамда энергия ва ресурс тежамкор технологиясини ишлаб чиқиш имконини  берган.