Қосимов Диёр Нематуллаевич
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Янги тизимли корхоналарда танда ипларни тўқувчиликка тайёрлаш технологиясининг тадқиқи” 05.06.02 – “Тўқимачилик материаллари технологияси ва хомашёга дастлабки ишлов бериш” (техника фанлари)
Диссертация мавзуси рўйхатга олинган рақам: 2022.2.PhD/Т2916
Илмий раҳбар: Алимбоев Эркин Шарипович, техника фанлари номзоди, профессор.
Диссертация бажарилган муассаса номи: Тошкент тўқимачилик ва енгил саноат институти.
ИК фаолият кўрсатаётган муассаса номи, ИК рақами: Тошкент тўқимачилик ва енгил саноат институти, DSc.03/30.12.2019.T.08.01.
Расмий оппонентлар: Жуманиязов Кадам Жуманиязович, техника фанлари доктори, профессор; Валиев Гулом Набиджанович, техника фанлари доктори, профессор.
Етакчи ташкилот: Жиззах политехника институти.
Диссертация йўналиши: амалий аҳамиятга молик.
II. Тадқиқотнинг мақсади: тўқувчиликка танда ипларини тайёрлаш жараёнини такомиллаштиришнинг инновацион технологиясини ишлаб чиқиш асосида чиқиндиларни камайтириш ва жараён самарадорлигини ошириш.
III. Тадқиқотнинг илмий янгилиги:
тўқувчиликка ипларни тайёрлашда тандалаш ва оҳорлаш жараёнларини умумлаштириш асосида марказлашган танда тайёрлаш технологияси яратилган ва унинг техник кўрсаткичларини хисобга олган ҳолда жараёндаги кўп барабанли машиналар учун чиқиндиларни ҳисоблашнинг умумий формуласи ишлаб чиқилган;
узлуксиз танда роми ва ипларни йиғиб турувчи компенсатордан фойдаланган ҳолда жараённи тўхтатмасдан тўқув ғалтагини алмаштириш технологияси ишлаб чиқилган;
пахта толали ипларни тўқувчиликка тайёрлашда танда ипларининг тукдорлик кўрсаткичларини оҳорлаш машинасининг тезлиги, оҳорланаётган танда иплар сони ва оҳор машинасининг қуритиш барабанларининг ҳароратларига  боғлиқ холда регрессион моделлари ишлаб чиқилган;
Лагранжни иккинчи тур тeнгламасидан фойданилган холда тандалашда ипларни танда ғалтагига ўралиш жараёнини матeматик мoдeли ишлаб чиқилган ва унинг ёрдамида ўралган ипларнинг узунлиги тўхташ пайтидаги ўрам диаметри, яъни ўрам массаси инерция моментига боғлиқлиги аниқланган.
IV. Тадқиқот натижаларининг жорий қилиниши: Ипларни тўқувчиликка тайёрлаш жараёнларини такомиллаштириш бўйича олинган илмий натижалар асосида: 
бязь тўқимасини ишлаб чиқариш учун оҳорлаб-тандалаш технологияси “Ўзтўқимачиликсаноат” уюшмасига қарашли “RIXSILTILLA GAZMOL SERVIS” хусусий тўқувчилик корхонаси ва “Az TEXTILE” қўшма корхонасида ишлаб чиқаришга жорий қилинган (“Ўзтўқимачиликсаноат” уюшмасининг 2022 йил 16 июлдаги №03/05-2159-сон маълумотномаси). Натижада мавжуд технологияга нисбатан чиқиндилар миқдори 25%га камайиши ҳамда замонавий тўқув дастгоҳларига сифатли ҳомашё тайёрлаш имконини берган.