Муродов Камолиддин Нуритдиновичнинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Эркин курашда махсус тренажёрлар ва машқлардан фойдаланиш асосида курашчиларнинг куч чидамлилигини ривожлантириш технологияси”, 13.00.04 – Жисмоний тарбия ва спорт машғулотлари назарияси ва методикаси (педагогика фанлари).
Диссертация мавзуси рўйхатга олинган рақам: В2021.1.PhD/Ped2337.
Диссертация бажарилган муассаса номи: Ўзбекистон давлат жисмоний тарбия ва спорт университети.
ИК фаолият кўрсатаётган муассаса номи, ИК рақами: Ўзбекистон давлат жисмоний тарбия ва спорт университети, DSc.03/30.12.2019.Ped.28.01.
Илмий раҳбар: Бакиев Зафар Абдушукурович, педагогика фанлари номзоди, доцент.
Расмий оппонентлар: Югай Лев Павлович, физика-математика фанлари доктори, профессор; Алиев Искандар Бахрамович, педагогика фанлари номзоди, доцент.
Етакчи ташкилот: Урганч давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади малакали эркин курашчиларнинг жисмоний тайёргарлиги жараёнида махсус тренажёрлар ва машқлардан фойдаланиш асосида курашчиларнинг куч чидамлилигини ривожлантириш технологиясини ишлаб чиқишдан иборат.
III. Тадқиқотнинг илмий янгилиги:
малакали эркин курашчиларнинг куч чидамлилигини динамик ва статик режимда мушаклар таранглигини сақлаб турувчи ҳаракатларга йўналтирилган “ZK” спорт ускунасидан фойдаланиб ҳар бир машқнинг кўрсатаётган абсолют кучи ва оғирликни ушлаб туришига қараб спортчиларнинг куч чидамлилигини аниқлаш имкониятлари кенгайтирилган;
эркин курашчиларнинг тайёргарлик даражасидан келиб чиқиб стато-динамик кучини ва махсус чидамлиликни уйғунликда ривожлантиришга қаратилган машғулотларда (Super-sett) машқлар мажмуасидан фойдаланиш билан “Занжир” услубида машқларни жуфтликда бажартириш ҳисобига спортчиларнинг куч чидамлилигини ривожлантириш имконияти оширилган;
эркин курашчиларнинг машғулотларида тик турган ҳолатда штангани юқорига кўтариш каби жисмоний машқларни такрор ва максимал бажаришга асосланган ҳамда мушакларда максимал толиқишни юзага келтиришга қаратилган “Чегара” услубини ишлаб чиқиш эвазига спортчиларнинг техник тайёргарлиги ва куч чидамлилигини юқори даражада ушлаб туриш имконияти кенгайтирилган;
эркин курашда ҳужум ва қарши ҳужум ҳаракатларини такомиллаштиришда барқарорлик ва максимал қаршилик кўрсатиш қобилиятини ривожлантиришга йўналтирилган «PUSH» спорт ускунасида қўлларни олдинга айлантириш машқларни машғулот жараёнига киритиш эвазига беллашув вақтида елкадан ва белдан ошириб ташлаш усулларини бажариш имконияти кенгайтирилган.
IV. Тадқиқот натижаларининг жорий қилиниши. Малакали эркин курашчиларнинг куч чидамлилигини ривожлантириш бўйича ўтказилган тажрибалар асосида:
малакали эркин курашчиларнинг куч чидамлилигини динамик ва статик режимда мушаклар таранглигини сақлаб турувчи ҳаракатларга йўналтирилган ва ривожлантириш интеграциясини кўрсатиб берувчи “ZK спорт ускунаси” ёрдамида спортчиларнинг куч чидамлилигини аниқлаш бўйича таклифлар Республика Олимпия заҳиралари коллежи малакали эркин курашчиларнинг машғулот жараёнларига жорий қилинган  (Ўзбекистон Республикаси Туризм ва спорт вазирлигининг 2021 йил 2 декабрдаги 03-17-02-11253-сон маълумотномаси). Натижада тадқиқот якунида тажриба гуруҳи курашчиларининг мусобақа фаолияти ва жисмоний тайёргарлиги бўйича 7 та кўрсаткич 18%га яхшиланган;
эркин курашчиларнинг тайёргарлик даражасидан келиб чиқиб стато-динамик кучини ва махсус чидамлиликни уйғунликда ривожлантиришга қаратилган машғулотлар учун айланма машғулотда (Super-sett) машқлар мажмуасидан “Занжир” услубида фойдаланиш бўйича таклифлар Республика Олимпия захиралари коллежи малакали эркин курашчилар машғулотларига тадбиқ этилган (Ўзбекистон Республикаси Туризм ва спорт вазирлигининг 2021 йил 2 декабрдаги 03-17-02-11253-сон маълумотномаси). Натижада малакали эркин курашчиларнинг куч сифати 14% га яхшилашган;
эркин курашчиларнинг беллашув вақтида тик турган ҳолатда штангани билакларга кўтариш каби жисмоний ҳаракатларни такрор бажаришга асосланган ҳамда мушакларда максимал толиқишни юзага келтиришга қаратилган “Чегара” услубини қўллаш бўйича таклифлар Бектемир тумани болалар ва ўсмирлар спорт мактаби малакали эркин курашчилар машғулотларига жорий қилинган (Ўзбекистон Республикаси туризм ва спорт вазирлигининг 2021 йил 2 декабрдаги 03-17-02-11253-сон маълумотномаси). Натижада малакали эркин курашчиларнинг чидамлилилик сифати 15% га яхшилашган;
эркин курашда рақиб ҳужумларини бартараф этиш ва қарши ҳужум ҳаракатларини такомиллаштиришда барқарорлик ва максимал қаршилик кўрсатиш қобилиятини ривожлантиришга йўналтирилган «PUSH» спорт ускунасида машқларни қўллаш бўйича тавсиялар «Якка кураш ва уни ўқитиш услубияти» номли ўқув қўлланма мазмунига сингдирилган (Ўзбекистон Республикаси Олий ва ўрта махсус таълим вазирлигининг 2022 йил 17 мартдаги 106-сон буйруғи, 106-012-рақамли гувоҳнома). Натижада тадқиқот якунида тажриба гуруҳи курашчиларининг мусобақа фаолияти, куч чидамлилиги ва жисмоний тайёргарлик бўйича 5 та кўрсаткич 18%га яхшиланган.