Абдураимова Хадича Раҳмонқуловнанинг 
фалсафа доктори (PhD) диссертацияси ҳимояси ҳақида эълон

I.Умумий маълумотлар:
Диссертация мавзуси, ихтисослик шифри (илмий даража бериладиган фан тармоғи номи): “Бинонинг замини, пойдевори ва ер усти қисмининг биргаликда ишлашини ҳисобга олган ҳолда қурилиш конструкцияларининг кучланиш-деформация ҳолатини тадқиқ қилиш”, 05.09.01-“Қурилиш конструкциялари, бинолар ва иншоотлар”.
Диссертация мавзуси рўйхатга олинган рақам: DSc.26/30.12.2019.T.11.01
Илмий раҳбар: Махмудов Саид Махмудович, техника фанлари номзоди, 
профессор. 
Диссертация бажарилган муассаса номи: “Тошкент архитектура-қурилиш институти”.
Тошкент архитектура-қурилиш институти DSc.26/30.12.2019.T.11.01
Расмий оппонентлар: техника фанлари доктори, профессор Бахадиров Азизбек Абдулазизович, ҳамда техника фанлари номзоди, профессор  Сатторов Зафар Мурадович.
Етакчи ташкилот: “Фарғона политехника институти”
Диссертация йўналиши: назарий ва амалий аҳамиятга молик.
II.Тадқиқотнинг мақсади: “бино-демпер қатламли пойдевор-замин” тизимининг ўзаро биргаликда ишлашида, демпфер қатламни рационал жойлаштиришнинг асосий усулларини такомиллаштириш ҳисобига, биноларнинг мустаҳкамлигини таъминлашдан иборат.
III. Тадқиқотнинг илмий янгилиги қуйидагилардан иборат:
“бино-демпфер қатламли пойдевор-замин” тизимининг ўзаро биргаликда ишлашини ҳисобга олувчи модели бир жинсли бўлмаган заминда жойлашган балка шаклидаги модел ишлаб чиқилган;
масса кучларини ҳисобга олган ҳолда бир жинсли бўлмаган заминда жойлашган моделлаштирилган балка “бино-демпфер қатламли пойдевор-замин” тизимининг ўзаро биргаликда ишлашини ҳисобга олувчи бино конструкцияларининг кучланганлик-деформацияланиш ҳолатини аниқлайдиган формулалар ишлаб чиқилган;
“бино-демпфер қатламли пойдевор-замин” тизимининг ишлашида моделлаштирилган балка сиқилишга ишлайдиган материалдан тайёрланган демпфер қатлам таъсирида балкадаги зўриқишни қайта тақсимлаш имкони бериш қонуниятилари назарий жиҳатдан исботланган;
пойдеворнинг бикрлигига, замин грунтларининг деформация хусусиятларига, юкнинг қўйилиш миқдори ва хусусиятига қараб демпфер қатламнинг  асосий тамойиллари ишлаб чиқилган;
демпфер қатлам параметрларини, заминнинг реакцияларини  ва “бино-демпфер қатламли пойдевор-замин” тизимининг ички зўриқишларини аниқлаш ҳолатлари ишлаб чиқилган. 
IV. Тадқиқот натижаларининг жорий қилиниши: Бинонинг замини, пойдевори ва ер усти қисмининг биргаликда ишлашини ҳисобга олган ҳолда қурилиш конструкцияларининг кучланиш-деформация ҳолатини тадқиқ қилиш бўйича олинган натижалар асосида:
Бино пойдевори конструкцияси сифатида демпфер қатламли балкасимон (ленточный) пойдевор конструкцияси қўлланилиши “Қишлоққурилишлойиҳа” МЧЖ (14.10.2021) ва “Замин-пойдевор” МЧЖ (26.04.2021 №ХХ-59/1)ларда жорий қилинган (Ўзбекистон Республикаси Қурилиш вазирлигининг 2021 йил 30 ноябрдаги №09-06/13587-сонли маълумотномаси). Натижада, сметани ҳисоблаш ва таққослаш шуни кўрсатдики, демпфер қатламли пойдевор балкага демпфер қатламни жойлаштириш 1 п.м. га сарфланган нархнинг 25 % миқдорида иқтисодий самарадорликка эришилган.