Раимова Камола Вахобджановнанинг 
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Urtica dioica, Сrataegus рontica ўсимликларининг кимёвий таркиби ва улар асосида биологик фаол қўшимча ишлаб чиқиш», 02.00.10 – Биоорганик кимё (кимё фанлари).
Диссертация мавзуси рўйхатга олинган рақам: В2022.2.PhD/К281.
Илмий раҳбар: Матчанов Алимжон Давлатбоевич, кимё фанлари доктори, профессор.
Диссертация бажарилган муассаса номи: Биоорганик  кимё институти.
ИК фаолият кўрсатаётган муассаса (муассасалар) номи, ИК рақами: Биоорганик кимё институти, DSc.02.30.12.2019.К/В.37.01. 
Расмий оппонентлар: Ощепкова Юлия Игоревна, кимё фанлари доктори, катта илмий ходим; Маматханов  Ахмадхон Умархонович, техника фанлари доктори.
Етакчи ташкилот: Ўзбекистон кимё-фармацевтика илмий тадқиқот институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: U.dioica и C.рontica ўсимликларининг кимёвий таркибини аниқлаш ҳамда улар асосида антианемик ва антиоксидант хусусиятларга эга бўлган биологик фаол қўшимчани ишлаб чиқишдан иборат.
III. Тадқиқотнинг илмий янгилиги:
C.рontica баргларидан 12 та полифенол ажратиб олинган, улардан иккитаси: кофе кислотасининг 2,3-дигидроксиглутар кислотаси билан мураккаб эфири ҳамда 1-О-галлоил-4-О-катехин-β-D-глюкоза C.рontica ўсимлигидан илк бор ажратиб олинган;
U.dioica ўсимлиги полифенолларининг кимёвий таркиби ўрганилган бўлиб, улардан 8 та полифенол бирикмалар ажратиб олинган ва уларнинг тузилиши аниқланган; 
U.dioica ва С.pontica ер усти қисмидан ажратиб олинган полисахаридларини моносахарид таркиби идентификация қилинган ва  уларнинг таркиби Gal:Glc:Man:Xyl:Ara:Rha каби моносахаридлардан иборат эканлиги исботланган;
фармакологик тадқиқотлар натижасида U.dioica полисахаридлари антианемик фаолликка ва C.рontica полифеноллари эса антиоксидант фаолликка эга эканлиги аниқланган.
IV. Тадқиқот натижаларининг жорий қилиниши: 
U.dioica, C.рontica ўсимликларининг кимёвий таркиби ва улар асосида БФҚ ишлаб чиқиш бўйича олинган илмий натижалар асосида:
антианемик ва антиоксидант таъсирга эга бўлган биологик фаол қўшимча учун Интеллектуал мулк агентлигининг  фойдали моделга  патенти олинган (№FAP 01752, 2021 й.). Натижада, маҳаллий хомашё асосида антианемик ва антиоксидант таъсирга эга бўлган БФҚни ишлаб чиқиш имконини берган;
“Гемо КБС” БФҚ учун ташкилот стандарти Санитария-эпидемиологик осойишталик ва жамоат саломатлиги хизмати томонидан тасдиқланган (TS 28624239-03:2022). Натижада, “I-VITA” МЧЖ корхонасида “Гемо КБС”ни ишлаб чиқаришни йўлга қўйиш имконини берган.