Юсупова Лобар Сидиқовнанинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.  
Диссертация мавзуси, ихтисослик шифри (илмий даража бериладиган фан тармоғи номи): “Оқим услубида комплекс барпо қилинадиган кам қаватли турар-жойларнинг тақвимий режасини моделлаштириш”, 05.09.08 – “Қурилиш технологияси ва қурилиш жараёнларини ташкил қилиш” (техника фанлари)”. 
Диссертация мавзуси рўйхатга олинган рақам: B2021.4.PhD/T2569
Илмий раҳбар: Баҳодиров Азизбек Абдулазизович, техника фанлари доктори, (DSc).
Диссертация бажарилган муассаса номи: “Тошкент архитектура-қурилиш институти”.
Тошкент архитектура-қурилиш институти. DSc.26/30.12.2019.Т.11.01 
Расмий оппонентлар: Ганиев Карим Барович, техника фанлари доктори, профессор, Шакиров Туйғун Тургунович, техника фанлари номзоди, доцент.
Етакчи ташкилот: Наманган муҳандислик-қурилиш институти 
Диссертация йўналиши: назарий ва амалий аҳамиятга молик.
II. Тадқиқотнинг мақсади оқим усулида комплекс барпо қилинадиган кам қаватли турар-жойларнинг қурилиш муддатини қисқартириш ва моддий-техник ресурслардан оқилона фойдаланишга эришиш учун илмий асосланган қурилишни ташкил этиш лойиҳаси таркибидаги тақвимий режа модели ва у билан боғлиқ бўлган тавсияларни ишлаб чиқиш ҳамда қурилиш амалиётига киритиш.  
III. Тадқиқотнинг илмий янгилиги қуйидагилардан иборат:
қурилишни ташкил этишда ритмик оқим усулидан фойдаланиб, қурилишда ишларнинг технологик кетма-кетлиги асосида, маблағлаштиришни эътиборга олган ҳолда намунавий уйларни қурилиш давомийлигини 25% - 32% гача қисқартиришга имкон берувчи тақвимий режани графоаналитик модели ишлаб чиқилган; 
тақвимий режа модели параметрларини қурилиш муддатига  мослигини таъминлаш ва объектлар майдонига нисбатан молиялаштиришнинг  қурилиш ишлаб чиқаришдаги хажмини дифференциал, интеграл графиги усулларидан фойдаланиб таққослаганда  турар-жой биноси умумий нархидан 4-7% гача иқтисодий самара бериши асосланган; 
кам қаватли турар-жойлар комплексининг намунавий циклограммасидаги мажмуа қурилишининг даври, объектларнинг нархи, қурилиш маҳсулотини ишлаб чиқариш муддати каби параметрларини ўзгартириш орқали капитал қуйилмаларни тақсимлаш оптималлаштирилган;
қурилиш-монтаж ишларини қурилиш даврини меъёрига мувофиқ тақсимланишининг оптимал ечимини топишга мўлжалланган, молиялаштириш графиклари ва тақвимий режани автоматлаштирилган ҳисоб дастури яратилган.
IV. Тадқиқот натижаларининг жорий қилиниши: “Оқим услубида комплекс барпо қилинадиган кам қаватли турар-жойларнинг тақвимий режасини моделлаштириш” мавзусидаги тадқиқот ишининг илмий натижалари асосида: 
тақдим этилган модел ва у асосида ишлаб чиқилган услуб “Qishloqqurilishloyiha” MChJ Bosh loyiha-qidiruv instituti “Geotexnika izlanishlari markazi” бўлимида фойдаланилган (“Qishloqqurilishloyiha” MChJ Bosh loyiha-qidiruv instituti  Бош директори И.С.Ахмедов томонидан 2021 йил 20 декабрда берилган далолатнома). Мазкур услубни қўллаш натижасида амалга оширилган қурилиш объекти 128.9 м2 майдонга нисбатан қурилишни тўғри ташкил қилиш асосида уйнинг умумий нархидан 4% га иқтисод қилинди, 1 та коттежнинг суммаси 496114000 сўмдан 47627000 сўмга қисқартиришга эришилган;  
қурилиш пудратчиси “RAY DESIGN ART” хусусий корхонаси томонидан қурилган 5 қаватли турар жой биноси қурилиши лойиҳаси хужжатларида амалга оширилди (“RAY DESIGN ART” XК томонидан 2022 йил 4 февральда берилган далолатнома). Ишлаб чиқилган ИБЛда уй қуришда 4 та босқичнинг изчил бажарилишини кузатиб, қурилишнинг ритмик оқими билан, тегишли равишда босқичларнинг давомийлигини аниқлаш мумкин: 0,5; 1,5; 0,5 қурилишнинг 1,0 ойлик бошланиши: 0,5 ойдан кейин ғишт териш; 2 ойдан сўнг том ишлари; 3 ойдан кейин пардозлаш ишлари. Бироқ, икки бригаданинг ғишт териш ишлари бирлашиши туфайли, давомийлик ҳам қисқаради. Шундай қилиб, уй қуришни ташкил этиш усули қурилишнинг давомийлигини сезиларли даражада қисқартириши мумкин: биринчи ҳолда - 10,5 дан 7,5 ойгача ёки 28% га яъни 3 ойга ва ғишт терувчиларни 2 та бригадага ошириш билан - 5,5 ой ёки 32%га қисқартиришга эришилган.