Рохмонов Дурбек Азамжоновичнинг 
диссертация ҳимоясисиз ихтиро патенти асосида фалсафа доктори (PhD) 
илмий даражасини бериш бўйича эълон

1.Умумий маълумотлар.
Диссертация мавзуси, ихтисослик шифри: “Чигит шикастланишини камайтириш мақсадида жин машинаси конструкциясини такомиллаштириш”, 05.02.03 – “Технологик машиналар. Роботлар, мехатроника ва робототехника тизимлари” ихтисослиги (техника фанлари).
Диссертация мавзуси рўйхатга олинган рақам: В2020.3.PhD/Т1.1817.
Илмий раҳбар: Мурадов Рустам Мурадович, техника фанлари доктори, профессор.
Илмий тадқиқот иши бажарилган муассаса номи: Наманган муҳандислик-технология институти.
ИК фаолият кўрсатаётган муассаса номи, ИК рақами: Наманган муҳандислик-технология институти, PhD.03/30.12.2019.T.66.01.
II. Тадқиқотнинг мақсади: чигит шикастланишини камайтириш мақсадида чигитдан толани ажратиб берувчи жин машинасининг ишчи қисмларини самарали конструкциясини яратишдан иборат.
III. Тадқиқотнинг илмий янгилиги:
аррали жинлаш жараёнида жиннинг унумдорлиги хомашё валигининг зичлиги билан толадан ажраган чигитларнинг чиқариб юбориш жараёнидаги боғлиқлиги аниқланган;
пахтани жинлаш жараёни, хомашё валигининг зичлиги ва унга таъсир қилувчи омиллар таҳлили натижаларидан келиб чиқиб, жин ишчи камерасининг пештоқ брус қисмига тирқишли панжара ўрнатилган конструкцияси ишлаб чиқилган;
аррали жин ишчи камерасида толадан ажраган чигит ҳамда толали муҳитни ҳаракат жараёнини ифодаловчи математик модели тузилган, у асосда олинган тегишли дифференциал тенгламалар сонли усулда ечилиб, тегишли графиклар таҳлили натижасида жин ишчи камерасининг янги конструкциясини жинлаш жараёнига назарий таъсири аниқланган;
тажрибавий тадқиқотлар ёрдамида олинган регрессия тенгламалари кирувчи параметрларга тегишли қийматлар асосида жин ишчи камерасининг пештоқ брус қисмига таклиф қилинаётган тирқишли панжаранинг мақбул параметрлари аниқланган.
IV. Тадқиқот натижаларининг жорий қилиниши. Толадан ажраган чигитларни ишчи камерадан чиқариб юборувчи янги пештоқ брусли жин конструкциясини ишлаб чиқиш бўйича олинган натижалар асосида:
Ўзбекистон Республикаси интеллектуал мулк Агентлиги томонидан ихтиро сифатида патентланган аррали жиннинг конструкцияси ишлаб чиқилган («Аррали жиннинг ишчи камераси» №IAP 06900 29.04.2022 й.). Натижада чигитдан толани ажратиш жараёнида пахта толаси ва чигитнинг дастлабки сифат кўрсаткичларини сақлаш имконияти юзага келган; 
толадан ажраган чигитларни ишчи камерадан чиқариб юборувчи янги пештоқ брусли жин конструкцияси Наманган тўқимачи кластери МЧЖ га қарашли “Тўрақўрғон пахта тозалаш” корхонасида ишлаб чиқаришга жорий этилган (Ўзбекистон пахта-тўқимачилик кластерлар уюшмасининг 2022 йил 13 июндаги № 02/22-373 маълумотномаси). Натижада пахта толасидаги ифлослик ва нуқсонли аралашмалар массавий улушининг 0,5% камайишига эришилган;
толадан ажраган чигитларни ишчи камерадан чиқариб юборувчи янги пештоқ брусли жин конструкцияси ва унинг рационал параметрлари Наманган тўқимачи кластери МЧЖ га қарашли “Тўрақўрғон пахта тозалаш” корхонасида ишлаб чиқаришга жорий этилган (Ўзбекистон пахта-тўқимачилик кластерлар уюшмасининг 2022 йил 13 июндаги № 02/22-373 маълумотномаси). Натижада жинлашдан сўнг пахта чигитининг шикастланиши 0,2% камайиши таьминланган