Набиев Озод Рахматуллаевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Меньер касаллиги билан огриган беморларни ташхисоти ва консерватив давосини макбуллаштириш» 14.00.04 – Оторинларингология.
Диссертация мавзуси рўйхатга олинган рақам: В2021.2.PhD/Тиб1949.
Илмий раҳбар: Насретдинова Махзуна Тахсиновна, тиббиёт фанлари доктори, доцент.
Диссертация бажарилган муассаса номи: Самарқанд давлат тиббиёт университети.
ИК фаолият кўрсатаётган муассаса (муассасалар) номи, ИК рақами: Самарқанд давлат тиббиёт университети, DSc.04/05.06.2020 Tib102.02.
Расмий оппонентлар: Карабаев Хуррам Эсанкулович, тиббиёт фанлари доктори, профессор; Панахиан Вафа Мустафаевич, тиббиёт фанлари доктори, профессор (Азербайжан)
Етакчи ташкилот: Оториноларингология миллий маркази ФМБА (Россия Федерацияси).
Диссертация йўналиши: амалий аҳамиятга молик.
II. Тадқиқотнинг мақсади: галотерапия ёрдамида сув ва электролитлар алмашинувига таъсир қилиш орқали эндолимфатик гидропсларнинг ташхисини ва Меньер касаллигини даволашни макбуллаштиришдан иборат.
III. Тадқиқотнинг илмий янгилиги:
тадқиқот Меньер касаллигининг турли босқичларида сув-электролитлар алмашинувининг ўзгариши, унинг ҳолати ва касалликнинг ривожланиш хусусиятлари ўртасидаги боғлиқлик аниқланган;
Меньер касаллиги билан оғриган беморларда компенсация ривожланишининг тўлиқлигини баҳолаш, касалликнинг кечишини башорат қилиш ва терапевтик тактикани аниқлаш учун сув-электролитлар алмашинувини назорат килиш зарурлиги асосланган;
илк бор ишлаб чиқилган махсус дастурга кўра, Меньер касаллигида галотерапия ва стабилометрияни платформани қўллашнинг юқори самарадорлиги исботланган;
илк бор Меньер касаллиги билан оғриган беморларда, эндолимфатик гидропсларнинг қайтариладиган ва қайтариб бўлмайдиган босқичларини аниқлаш учун диагностик тест афзаллиги асосланган.
IV.Тадқиқот натижаларининг жорий қилиниши.
Тадқиқот натижаларига асосланиб, Меньер касаллиги билан оғриган беморларда эрта ташхис қўйиш ва даволаш усулларини такомиллаштиришга асосида:
Меньер касаллигини ташхислаш ва даволаш бўйича тадқиқотнинг илмий натижалари асосида ишлаб чиқилган "Меньер касаллиги бўлган беморларда функционал компютер стабилометрияни қўллаш" номли услубий тавсиянома тасдиқланган (Соғлиқни сақлаш вазирлигининг 2021 йил 1 ноябрдаги 8н-р / 981-сон маълумотномаси). Ушбу услубий тавсиянома Меньер касалиги билан оғриган беморларни даволаш усулларини оптималлаштиришга имкон берган;
Меньер касаллигини ташхислашнинг такомиллаштирилган усулини амалиётга жорий этиш бўйича тадқиқотнинг илмий натижалари асосида ишлаб чиқилган “Меньер касаллиги билан оғриган беморда вестибуляр анализаторни ўрганишда ташхисловчи алгаритм” номли услубий тавсиянома тасдиқланган (Соғлиқни сақлаш вазирлигининг 2021 йил 1 ноябрдаги 8н-р/981-сон маълумотномаси). Ушбу тавсиянома 2018-2021 йиллар давомида ўтказилган статистик тадқиқотлар асосида Меньер касалиги билан оғриган беморларни ташхикотлаш ва даволаш усулларини янада такомиллаштириш имконини яратган;
Меньер касаллиги билан оғриган беморларни эрта ташхислаш ва даволашнинг такомиллаштирилган усулларини оптималлаштириш ва такомиллаштириш бўйича илмий тадқиқотлар натижалар соғлиқни сақлаш амалиётига, жумладан, Навоий вилоят тиббий кўп тармоқли маркази, Самарқанд давлат тиббиёт университетининг кўптармоқли клиникаси оториноларингология бўлими клиник амалиётига жорий қилинган (Соғлиғни сақлаш вазирлигининг 2022 йил 8 августдаги 08-23140-сон маълумотномаси). Олинган натижаларни амалиётга татбиқ этиш натижасида Меньер касаллигини эрта ташхислаш ва касалликнинг қайталанишининг олдини олиш яхшиланди, бу эса беморларни даволаш сифатини ошириш имконини берган.