Sayt test rejimida ishlamoqda

Валиева Гулшан Файзимурадовнанинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Минерал хомашёлар ва саноат чиқиндиси асосида композицион электрокерамика материалларнинг таркиби ва олиш технологиясини ишлаб чиқиш», 02.00.07 – Композицион, лок-бўёқ ва резина материаллари кимёси ва технологияси (техника фанлари).
Диссертация мавзуси рўйхатга олинган рақам: B2022.3.PhD/T3001.
Илмий раҳбар: Туляганова Васила Сунатиллаевна, техника фанлари доктори, катта илмий ходим.
Диссертация бажарилган муассаса номи: Тошкент давлат техника университети «Фан ва тараққиёт» ДУК.
ИК фаолият кўрсатаётган муассаса номи, ИК рақами: Тошкент давлат техника университети «Фан ва тараққиёт» ДУК, DSc.03/30.12.2019.K/T.03.01.
Расмий оппонентлар: Эминов Ашрап Мамурович, техника фанлари доктори, профессор; Бегжанова Гулрух Бахтияровна, техника фанлари доктори.
Етакчи ташкилот: Фарғона политехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: минерал хомашёлар ва саноат чиқиндиси асосида композицион электрокерамика материалларнинг таркиби ва олиш технологиясини яратишдан иборат.
III. Тадқиқотнинг илмий янгилиги:
композицион электрокерамика материалларининг таркибий қисмларни янада майда қилиб майдалаш ва паст ҳароратда пиширишга асосланган энергиятежамкор технология ишлаб чиқилган;
таркибида глинозем бўлган саноат чиқиндисининг кимёвий, минералогик таркиби ва хоссалари аниқланган ва улардан электрокерамика материаллари ишлаб чиқилган;
лейкократли гранит, доломит ва глиноземли чиқиндилардан фойдаланиб, физик-механик хоссалари яхшиланган ва пишиш ҳарорати паст бўлган электрокерамика материаллари ишлаб чиқилган;
композицион масса намуналарини турли хароратларда пишириш вақтида таркиб-майдалаш-тузилиш-хосса системасида фаза ҳосил бўлиш жараёни аниқланган;
синтез қилинаётган материал таркибида муллит, кварц, кристобалит ва кристал шаклидаги янги ҳосил бўлган минераллар мавжудлиги ҳамда улар орасидаги бўшлиқни тўлдирадиган шишасимон фаза борлиги асосланган;
маҳаллий хомашёлар ва саноат чиқиндиси асосида электрокерамика намуналарининг пишиш ҳароратининг пасайиши, керамик-технологик ва диэлектрик хоссаларига боғлиқ эканлиги исботланган.
IV. Тадқиқот натижаларининг жорий қилиниши:
Минерал хомашёлар ва саноат чиқиндиси асосида композицион электрокерамика материалларнинг таркиби ва олиш технологиясини ишлаб чиқиш бўйича олинган илмий натижалар асосида:
электрокерамик композицион материалларни тайёрлашнинг энергия тежамкор самарали технологияси «Олмалиқ КМК» АЖ «НМваҚҚ» ИИЧБ шароитида амалиётга жорий этилган («Олмалиқ КМК» АЖнинг 2022 йил 24 августдаги АА/006433-сон маълумотномаси). Натижада, электрокерамика материалларини пишириш ҳарорати эталон массага нисбатан 500С га камайтириш ҳамда ёнилғи энергетик ресурсларни тежаш имконини берган;
ишлаб чиқилган технология асосида маҳаллий хом-ашё ва глинозем таркибли саноат чиқиндиларидан композицион электрокерамик материаллар «Олмалиқ КМК» АЖ «НМваҚҚ» ИИЧБда жорий этилган («Олмалиқ КМК» АЖнинг 2022 йил 24 августдаги АА/006433-сон маълумотномаси). Натижада, саноатнинг хом-ашё базасини кенгайтириш ва тайёр маҳсулотнинг таннархини 23% га камайтириш имконини берган;
маҳаллий ва иккиламчи хомашёлар асосида композицион электрокерамик материалларни олиш учун технологик регламент тасдиқланган (ТР–40.4–14952796–08:2021) («Олмалиқ КМК» АЖнинг 2022 йил 24 августдаги АА/006433-сон маълумотномаси). Натижада, композицион электрокерамика материалларини четдан импорт қилишни камайтириш имконини берган.

Yangiliklarga obuna bo‘lish