Хўжаназарова Мўътабар Қўшоқовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Шўрланган тупроқлар унумдорлигини оширувчи «Замин-М» биопрепаратини ишлаб чиқариш технологиясини такомиллаштириш», 03.00.12 – Биотехнология (биология фанлари).
Диссертация мавзуси рўйхатга олинган рақам: B2021.2.PhD/В432.
Илмий раҳбар: Муродова Сайёра Собировна, биология фанлари доктори, профессор.
Диссертация бажарилган муассаса номи: Тошкент давлат аграр университети.
ИК фаолият кўрсатаётган муассаса номи, ИК рақами: Бухоро давлат университети, PhD.03/30.12.2019.B.72.02.
Расмий оппонентлар: Хўжамшукуров Нортожи Абдухаликович, биология фанлари доктори, профессор; Тохиров Бахтиёр Бахшуллоевич, биология фанлари номзоди, доцент.
Етакчи ташкилот: Гулистон давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: шўрланган тупроқлар унумдорлигини оширувчи «Замин-М» биопрепаратини Гипан флокулянти билан иммобилланган қуруқ кукун шаклини ишлаб чиқариш технологиясини такомиллаштиришдан иборат.
III. Тадқиқотнинг илмий янгилиги:
илк бор шўрланиш стрессини имитация қилувчи чидамли Гипан реагентидан флокулянт сифатида фойдаланишда ризобактерияларнинг 3 хил ассоциациясининг кўп миқдордаги биомассаси олинган;
илк бор Гипан реагентига «Замин-М» биопрепаратини ташкил этувчи ризобактерия штаммлари (Pseudomonаs stutzeri СКБ 308, Bacillus megaterium СКБ 310, Bacillus subtilis СКБ 309) иммобилланган;
иммобилланган ҳужайраларнинг стимуляторлик ва антогонистик хусусиятлари аниқланган;
иммобилланган ҳужайраларнинг яшовчанлиги ва функционал хусусиятлари аниқланган;
«Замин-М» биопрепаратининг флокулянт билан иммобилланган қуруқ препаратив шаклини олиш технологияси ишлаб чиқилган.
IV. Тадқиқот натижаларининг жорий қилиниши.
Шўрланган тупроқлар унумдорлигини оширувчи «Замин-М» биопрепаратини ишлаб чиқариш технологиясини такомиллаштириш бўйича олинган илмий натижалар асосида:
Bacillus subtilis CKБ-309, Bacillus megaterium СКБ-310 Pseudomonas stutzeri-308 штаммлари асосида шакллантирилган “Замин-М” микробли биопрепаратининг Гипан флокулянти билан иммобилланган қуруқ кукунли янги шаклини пахтачиликда қўллаш технологияси ишлаб чиқариш амалиётига татбиқ этилган (Ўзбекистон Республикаси Қишлоқ хўжалиги вазирлигининг 2021 йил 20 сентябрдаги 02/022-3796-сон маълумотномаси). Натижада, ғўза экинининг шўрланишга чидамлилиги, ўсишини тезлаштириши, ҳосилдорлиги ошиши, шўрланган тупроқларнинг унумдорлигини ошириш имконини берган;
шўрланган ерларда ғўза  ҳосилдорлигини оширишда “Замин-М” микробли биопрепаратининг қуруқ кукун шакли Сирдарё вилояти Сайхунобод тумани СИУга “Турсумат Ғуломов” фермер хўжалиги ғўза майдонларида жорий этилган  (Ўзбекистон Республикаси Қишлоқ хўжалиги вазирлигининг 2021 йил 20 сентябрдаги 02/022-3796-сон маълумотномаси). Натижада, ғўзанинг Оқдарё-6, Анбоёвут навларининг ривожланиши яхшиланган, ҳамда ҳосилдорлик гектарига 32,8 ц/га га ошиши имконини берган;
“Замин-М” микробли қуруқ биопрепарати Сирдарё вилояти Сайхунобод тумани СИУга “Турсумат Ғуломов” фермер хўжалиги ғўза майдонларида жорий этилган (Ўзбекистон Республикаси Қишлоқ хўжалиги вазирлигининг 2021 йил 20 сентябрдаги 02/022-3796-сон маълумотномаси). Натижада, тупроқ унумдорлигини яхшилаш ҳамда юқори сифатли ғўза етиштириш технологияси такомиллаштирилган,  иқтисодий самарадорликни ошириш имконини берган.