Акбархонов Бунёд Жамалиддин ўглининг
фалсафа доктори (PhD) диссертацияси ҳимояси ҳақида эълон

 I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Юракнинг ягона қоринчали» нуқсонлари гемодинамик коррекциясини ташхислаш ва тактик - техник аспектларини оптималлаштириш», 14.00.34 – Қон-томир хирургияси (тиббиёт фанлари).
Диссертация мавзуси рўйхатга олинган рақам: B2020.2.PhD/Tib1302.
Илмий раҳбар: Абралов Хакимжон Қобулжонович, тиббиёт фанлари доктори
Диссертация бажарилган муассаса номи: Академик В.Воҳидов номидаги Республика ихтисослаштирилган хирургия илмий-амалий тиббиёт маркази.
ИК фаолият кўрсатаётган муассаса номи, ИК рақами: академик В.Воҳидов номидаги Республика ихтисослаштирилган хирургия илмий-амалий тиббиёт маркази ва Тошкент тиббиёт академияси, DSc.04/30.12.2019.Tib.49.01.
Расмий оппонентлар: Мансуров Аброл Амиржонович, тиббиёт фанлари доктори; Асраров Ўктам Аскархонович, тиббиёт фанлари доктори.
Етакчи ташкилот: Республика ихтисослаштирилган кардиология илмий-амалий тиббиёт маркази.
Диссертация йўналиши: амалий аҳамиятга молик.
II. Тадқиқотнинг мақсади: замонавий ташхисот усулларини қўллаш ва хирургик коррекция усулларини такомиллаштириш орқали юракнинг ягона қоринча физиологияси бўлган беморларни жарроҳлик даволаш натижаларини яхшилашдан иборат.
III. Тадқиқотнинг илмий янгилиги:
эхокардиографиянинг самарадорлиги септал нуқсонлар борасида юқори сезувчанлик ва умумий аниқлик билан тавсифланиши, ангиоморфометрия борасида эса, ангиокардиографияга нисбатан ўртача корреляцион боғлиқлик билан кузатилиши аниқланган;
анастомозни шакллантириш босқичида унинг таранглашиши хамда деформациясини олдини олишга ва бу билан боғлиқ бўлган асоратлар сонини камайтиришга имкон берувчи икки йўналишли кавапульмонал анастомоз қўйиш усули такомиллаштирилган,
юракнинг ягона қоринча физиологияси коррекциясининг такомиллаштирилган усулини амалга оширишда гемодинамик самарадорлик интраоператив ва ташрихдан кейинги даврда анастомоз бўйлаб тезлик хусусиятлари ва ламинар оқимни яхшиланишидан иборатлиги аниқланган;
ташрихдан олдинги даврда кардиоторакал индекснинг 60% дан кўпроқ ошиши ва ташрихдан кейинги даврда узоқ давом этувчи ўпкаларнинг сунъий вентиляцияси ўлимга олиб келадиган оқибат эҳтимолини сезиларли даражада оширувчи прогностик жиҳатдан ноқулай омиллар эканлиги исботланган.
IV. Тадқиқот натижаларининг жорий қилиниши.
Юракнинг ягона қоринчаси физиологияси билан оғриган беморларни хирургик даволаш натижаларини яхшилаш бўйича олинган илмий натижалар асосида:
“Юракнинг ягона қоринча физиологияси нуқсонларини хирургик коррекциялаш усули” такомиллаштирилган (Соғлиқни сақлаш вазирлигининг 2022 йил 26 августдаги 08-25694 - сон маълумотномаси). Таклиф этилган такомиллаштирилган усул, анастомоз сохасининг таранглашиши ва деформацияси хавфини камайтириш ҳисобига, турбулент қон оқимининг пайдо бўлиш эҳтимолини ҳамда тромбоген асоратлар частотасини камайтиришга имкон берган;
юракнинг ягона қоринча физиологияси бўлган беморларни ташхислаш ва хирургик коррекциялаш бўйича тадқиқотнинг илмий натажалари асосида ишлаб чиқилган “Юракнинг ягона қоринча физиологияси бўлган беморларни ташхислаш ва хирургик коррекциялашни оптималлаштириш” номли услубий тавсиянома тасдиқланган (Соғлиқни сақлаш вазирлигининг 2022 йил 26 августдаги 08-25694 - сон маълумотномаси). Таклиф этилган тавсиялар анатомик вариант хамда гемодинамик хусусиятларни ҳисобга олган ҳолда юракнинг ягона қоринча физиологияси билан нуқсонларни коррекция қилиш усулини танлаш ва уларга кўрсатмаларни оптималлаштиришга имкон берган;
юракнинг ягона қоринча физиологияси билан оғриган беморларни хирурги даволаш натижаларини такомиллаштириш бўйича олинган илмий натижалар соғлиқни сақлаш амалиётига, хусусан, академик В.Воҳидов номидаги Республика ихтисослаштирилган хирургия илмий-амалий тиббиёт маркази, Миллий болалар тиббиёт маркази клиникаси ҳамда Республика ихтисослаштирилган кардиология илмий-амалий тиббиёт маркази Самарқанд филиали фаолиятига жорий этилган (Соғлиқни сақлаш вазирлигининг 2022 йил 26 августдаги 08-25694 - сон маълумотномаси). Тадқиқот натижаларини жорий этиш юракнинг ягона қоринча физиологияси билан нуқсонларни хирургик коррекциялашда тромбоген асоратларни камайтириш ва госпитал ўлимни 27,5% дан 10% гача қисқартириш имконини берган.