Ишимов Боҳодир Амирқуловичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи номи): “13-14 ёшли брасс усулида сузувчиларнинг куч тайёргарлигини ривожлантириш самарадорлиги”, 13.00.04 – Жисмоний тарбия ва спорт машғулотлари назарияси ва методикаси (педагогика фанлари).
Диссертация мавзуси рўйхатга олинган рақам: В2021.1.PhD/Ped2317.
Диссертация бажарилган муассаса номи: Ўзбекистон давлат жисмоний тарбия ва спорт университети.
ИК фаолият кўрсатаётган муассаса (муассасалар) номи, ИК рақами: Ўзбекистон давлат жисмоний тарбия ва спорт университети, PhD.33/01.02.2022.Ped.146.01.
Илмий раҳбар: Мусаев Бахром Бахтиярович, педагогика фанлари номзоди, доцент.
Расмий оппонентлар: Алламуратов Шухрат Иноятович, биология фанлари доктори профессор; Садиков Акбар Гайратович, педагогика фанлари номзоди, профессор.
Етакчи ташкилот: Андижон давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади брасс усулида сузувчиларнинг бурилишдаги депсиниш кучини инновацион восита ва услублар орқали ривожлантириш самарадорлигини оширишдан иборат.
III. Тадқиқотнинг илмий янгилиги:
13-14 ёшли брасс усулида сузувчиларнинг қуруқликда ва сувда депсиниш кучини оширишга қаратилган, меъёрлаштирилган махсус оғирликлар билан бажариладиган, сакраш, махсус резинада бажариладиган машқлар мажмуасини тайёргарлик жараёнига қўллаш эвазига шуғулланувчиларнинг бурилиш техникасини бажариш самарадорлиги оширилган;
ўқув машғулот гуруҳи босқичида шуғулланувчи брасс усулида сузувчиларнинг куч ва портловчи куч қобилиятини ривожлантириш учун одатий жисмоний юкламалар жараёнида иштирок этмайдиган майда мушак гуруҳлари тонусини оширишга йўналтирилган машғулот тузилмасини ишлаб чиқиш ҳисобига сузиш жараёнидаги ҳаракатлар фаоллигини барқарор ушлаб туриш имконияти кенгайтирилган;
ўқув машғулот гуруҳида шуғулланувчи брасс усулида сузувчиларнинг бурилишни амалга оширишда сарфланган вақтини ҳамда оёқ депсиниш кучини назорат қилиш учун "Swimming Dash" дастурини тайёргарлик жараёнига тадбиқ қилиш ҳисобига бурилишда шуғулланувчиларнинг депсиниш кучини ошириш имконияти такомиллаштирилган;
брасс усулида сузувчиларнинг машғулот жараёнида яратилган “Сув спортининг етакчи омиллари параметрларини мониторинг тренажер” номли мослама ишлаб чиқиб, бурилиш техникасини бажаришда қўллар симметрияси ва бир вақтда бассейн деворига тўғри тегишини ҳамда ҳар бир бурилиш босқичидаги ҳаракатларни мусобақа фаолиятига максимал яқинлаштириш ҳисобига куч қобилияти билан бирга техник тайёргарликни ўзлаштириш имконияти оширилган.
IV. Тадқиқот натижаларининг жорий қилиниши. Брасс усулида сузувчиларни оёқ кучи самарадорлигини ошириш бўйича амалга оширилган илмий-тадқиқот натижалари асосида:
13-14 ёшли брасс усулида сузувчиларнинг қуруқликда ва сувда депсиниш кучини оширишга қаратилган меъёрлаштирилган махсус машқлар мажмуасини тайёргарлик жараёнига қўллаш эвазига шуғулланувчиларнинг бурилиш техникасини бажариш самарадорлигини ошириш бўйича таклифлар “Спорт педаогик маҳоратини ошириш (сузиш)” номли ўқув қўлланма мазмунига сингдирилган (Ўзбекистон Республикаси Олий ва ўрта махсус таълим вазирлигининг 2021 йил 23 ноябрдаги 500-сон буйруғи, 500-181 рақамли гувохнома). Натижада, брасс усулида сузувчиларни 100м ва 200м масофаларда фақат оёқ ҳаракатида ва тўлиқ координацияда сузишда ўқув-машғулот гуруҳларидаги сузувчиларнинг сарфлаган вақти 27,4%  оширилган.
ўқув машғулот гуруҳи босқичида шуғулланувчи брасс усулида сузувчиларнинг бурилиш техникасини бажаришда қўллар симметрияси ва бир вақтда бассейн деворига тўғри тегишини бурилишни амалга оширишда сарфланган вақтини “Сув спортининг етакчи омиллари параметрларини мониторинг тренажери” номли мосламада аниқ бажариш имконияти кенгайтирилганлиги Тошкент шаҳри Бектемир тумани 1-Болалар ва ўсмирлар спорт мактаби, ўқув машғулотлари жараёнига тадбиқ этилган (Ўзбекистон Республикаси Жисмоний тарбия ва спорт вазирлигининг 2021 йил 16 ноябрдаги 04-17-02-10578-сон маълумотномаси). Натижада, ўқув-машғулот гуруҳида шуғулланувчи брасс усулида сузувчиларнинг оёқ кучи, жисмоний ва техник тайёргарлигини яхшилаш орқали уларнинг натижалари яхшиланишига, яъни 100 метр масофани тўлиқ координацияда сузиш вақти тажриба гуруҳида назорат гуруҳига нисбатан 55,6% га яхшилангани (ишончлилик даражаси р<0,05) кузатилган.
ўқув машғулот гуруҳида шуғулланувчи брасс усулида сузувчиларнинг оёқ депсиниш кучини назорат қилиш учун "Swimming Dash" дастурини тайёргарлик жараёнига тадбиқ қилиш ҳисобига бурилишда шуғулланувчиларнинг депсиниш кучини ошириш такомиллаштирилганлиги бўйича таклифлар Тошкент шаҳар туризм ва спорт бош бошқармаси тасарруфидаги Мирзо Улуғбек тумани 2-Болалар ва ўсмирлар спорт мактаби ўқув машғулотлари жараёнига тадбиқ этилган (Ўзбекистон Республикаси Жисмоний тарбия ва спорт вазирлигининг 2021 йил 16 ноябрдаги 04-17-02-10578-сон маълумотномаси). Натижада, брасс усулида сузувчиларни оёқ кучини ривожлантиришда ҳафталик машғулот дастури қуруқликда ва сувда бажариладиган машқларни қўллаш мақсадга мувофиқлиги тадқиқот давомида 99,9% га ўз исботини топган.
брасс усулида сузувчиларнинг машғулот жараёнида яратилган “Сув спортининг етакчи омиллари параметрларини мониторинг тренажери” номли мосламадан фойдаланиб, ҳар бир бурилиш босқичидаги ҳаракатларни мусобақа фаолиятига максимал яқинлаштириш ҳисобига куч қобилияти билан бирга техник тайёргарликни баравар ўзлаштириш имконияти оширилганлиги Тошкент шаҳар туризм ва спорт бош бошқармаси тасарруфидаги Мирзо Улуғбек тумани 1-Болалар ва ўсмирлар спорт мактаби ўқув машғулотлари жараёнига тадбиқ этилган (Ўзбекистон Республикаси Жисмоний тарбия ва спорт вазирлигининг 2021 йил 16 ноябрдаги 04-17-02-10578-сон маълумотномаси). Натижада, брасс усулида сузувчиларни бурилишни амалга оширганда сув ҳавзасининг деворидан итарилганда депсиниш кучи 46,11 кг яхши натижа қайт этилгани кузатилган.