Бекназаров Элёр Муродовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Модифицирланган иккиламчи органик материаллар асосида пластифицирланган полимер маҳсулотлари олиш технологиясини ишлаб чиқиш», 02.00.14 – Органик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: B2021.2.PhD/T1507.
Илмий раҳбар: Лутфуллаев Саъдулла Шукурович, техника фанлари номзоди, доцент.
Диссертация бажарилган муассаса номи: Қарши муҳандислик-иқтисодиёт институти.
ИК фаолият кўрсатаётган муассаса номи, ИК рақами: Термиз давлат университети, PhD.03/30.12.2019.Т.78.01.
Расмий оппонентлар: Мухиддинов Баҳодир Фахриддинович, кимё фанлари доктори, профессор; Тожиев Панжи Жовлиевич, техника фанлари бўйича фалсафа доктори, доцент.
Етакчи ташкилот: Бухоро давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: полиэтилен, полипропилен ва поливинилхлорид асосидаги полимер чиқиндиларни қайта ишлаб, пластифицирланган иккиламчи материаллар олиш технологиясини ишлаб чиқишдан иборат.
III. Тадқиқотнинг илмий янгилиги:
иккиламчи полиэтилен, полипропилен ва поливинилхлорид асосида пластифицирланган янги полимер материаллари олинган;
иккиламчи поливинилхлорид асосида полимер маҳсулотлар олишда бирламчи поливинилхлорид, пластификатор, стабилизатор ва тўлдирувчилар қўшиб, қайта ишлашнинг мақбул шароитлари аниқланган;  
маҳаллий ёғ-мой саноати чиқиндиси соапсток ва диоктилфталат билан пластифицирланган иккиламчи полимер материаллар олиш технологияси ишлаб чиқилган;
иккиламчи полиэтилен, полипропилен ва поливинилхлорид асосида олинган пластифицирланган полимер материалларнинг мустаҳкамлик ва деформацион хоссалари аниқланган.
IV. Тадқиқот натижаларининг жорий қилиниши.
Иккиламчи полиэтилен, полипропилен ва поливинилхлориддан пластифицирланган полимер материаллари олиш технологиясини ишлаб чиқиш бўйича олинган илмий натижалар асосида:
иккиламчи полиэтилен, полипропилен, поливинилхлорид асосида пластифицирланган полимер маҳсулотлар олиш технологияси Шўртангаз кимё мажмуаси МЧЖга қарашли Қаршитермопласт цехида диаметри 32 mm ли қувур ишлаб чиқариш учун қўлланилган (Шўртангаз кимё мажмуаси МЧЖнинг 2022 йил 29 апрелдаги  002/998-сон маълумотномаси). Натижада, иккиламчи полиэтилен, полипропилен, поливинилхлорид аралашмаларидан пластифицирланган полимер қувурлар ишлаб чиқариш имконини берган;
ишлаб чиқилган иккиламчи полиэтилен, полипропилен, поливинилхлорид асосида пластифицирланган полимер маҳсулотлар олиш технологияси Шўртангазкимё мажмуаси МЧЖнинг “2021-2025 йилларда амалиётга жорий этиш бўйича истиқболли ишланмалар режаси”га киритилган (Шўртангаз кимё мажмуаси МЧЖнинг 2022 йил 29 апрелдаги  002/998-сон маълумотномаси). Натижада, иккиламчи полимер чиқиндилари асосида физик-механик хоссалари яхшиланган арзон полимер материаллар олиш имконини беради.