Курбонов Анвар Боходировичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фон тармоғи номи): «Ўт тошли ичак тутилишини ташхислаш ва жарроҳлик йўли билан даволаш», 14.00.40 – Шошилинч тиббиёт (тиббиёт фанлари).
Диссертация мавзуси рўйхатга олинган рақам: В2019.2.PhD/Tib1031.
Илмий раҳбар: Хаджибаев Фарход Абдухакимович, тиббиёт фанлари доктори, профессор.
Диссертация бажарилган муассаса номи: Республика шошилинч тиббий ёрдам илмий маркази.
ИК фаолият кўрсатаётган муассаса номи, ИК рақами: Республика шошилинч тиббий ёрдам илмий маркази DSc.04/30.12.2019.Tib.63.01.
Расмий оппонентлар: Арипова Назира Уктамовна, тиббиёт фанлари доктори, профессор; Акбаров Миршавкат Мирaлимович, тиббиёт фанлари доктори, профессор.
Етакчи ташкилот: Самарқанд давлат тиббиёт институти.
Диссертаия йўналиши: амалий аҳамиятга молик.
II. Тадқиқотнинг мақсади кам инвазив аралашувларни татбиқ этиш орқали ўт тошли ичак тутилишини анъанавий ташхислаш ва жарроҳлик билан даволаш натижаларини яхшилашни такомилаштиришдан иборат.
III. Тадқиқотнинг илмий янгилиги:
ўт тошли ичак тутилишини ташхислашда нисбий таҳлика белгиларининг суммар йиғиндиси нисбатига биноан сезиларсиз шубҳали, сезиларли эҳтимолли ва мутлоқ юқори аниқликдаги предикаторлари ишлаб чиқилган;
қорин бўшлиғи мултиспирал компютер томографияси ва магнит резонанс холангиографиясини ўт тошли ичак тутилиши ташхисотида юқори сезгирлиги, ўзига хослиги ва умумий аниқлик кўрсаткичларга эгалиги ва жарроҳлик амалиётгача ташхисотда ичак тутилишининг билиар табиатини баҳолаш даражаси асосланган;
ўт тошли ичак тутилишининг аҳамиятли бўлган беморлар ёшини юқорилиги, рентгенографияда ингичка ичак тутилишига хос белгиларнинг кузатилиши ҳамда ҳаёт давомида қорин бўшлиғи аъзоларида жарроҳлик амалиёти ўтказилмаганлиги каби мажмуавий бирликдаги белгиларнинг кузатилганлиги ташхисотдаги касалликка хос ўринли триада клиник симптоми эканлиги исботланган;
ўт тошли ичак тутилишини жарроҳлик амалиётидан олдинги самарали ташхисот кам инвазив видеолапроскопик жарроҳлик амалиётнинг афзаллиги, амалиётидан кейиинги асоратларни камайиши, шифохонада бўлиши сарф харажатларини  камайиши асосланган.
IV. Тадқиқот натижаларининг жорий қилиниши.
Ўт тошли ичак тутилишини  ташхислаш ва жарроҳлик йўли билан даволашнинг ўзига хос имкониятлари баҳолаш бўйича олинган натижалар асосида:
ўт тошли ичак тутилиши ва бошқа этиологияли  ичак тутилишларидан фарқлаш ва самарали ташхислаш бўйича тадқиқотнинг илмий натижалари асосида ишлаб чиқилган «Ўт тошли ичак тутилишини ташхислаш ва даволаш алгоритми» номли услубий тавсияномаси тасдиқланган (Соғлиқни сақлаш вазирлигининг 2021 йил 4 мартдаги 8н-д/86-сон маълумотномаси). Натижада ўт тошли ичак тутилишини самарали ташхислаш ва жарроҳлик амалиётида видеолапроскопик жарроҳлик амалиётининг татбиқ этиш орқали беморларнинг ҳаёт сифатини яхшилаш имконини берган;
ўт тошли ичак тутилишини ташхислаш ва жарроҳлик йўли билан даволашнинг ўзига хос имкониятлари баҳолашни такомиллаштиришга қаратилган тадқиқот натижалари соғлиқни сақлаш амалиётига, жумладан, Республика шошилинч тиббий ёрдам илмий марказининг Самарқанд ва Жиззах вилоятлари филиалларининг клиник амалий фаолиятига тадбиқ этилган (Соғлиқни сақлаш вазирлигининг 2021 йил 14 декабрдаги 08/09/19742-сон маълумотномаси). Олинган натижаларнинг амалиётга жорий қилиниши ўт тошли ичак тутилишини ташхислаш ва жарроҳлик йўли билан даволашнинг ўзига хос имкониятларини баҳолашда ингичка ичак сатхини аниқланиши, аввал абдоминал ташриҳ ўтказилмаган ва 60 ёшдан  юқори беморларда нисбий хавф юқори кўрсаткичига 5,89 га эга бўлганлиги ҳамда ишончли интервал 3,77-9,21 тенглиги ўт тошли ичак тутилиши ташхисотида катта аҳамиятга эгалиги, даволаш–ташхислаш жараёнига ўт тошли ичак тутилишини операциягача ташхисини 22,2% дан  тавсия этилган ташхисот тартибидан кейин 77,3% гача яхшиланганлиги ҳамда тавсия этилганда эса кам инвазивли лапроскопик жарроҳлик амалиётининг самарадорлигини асослаш  имконини берган.