Хабибуллаев Дониер Анваржоновичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи):   “Поликомпонент янги турдаги матолар учун хом ашё тайёрлаш технологиясини такомиллаштириш”  мавзусидаги 05.06.02 –  “Тўқимачилик материаллари технологияси ва хомашёга дастлабки ишлов бериш” (техника фанлари).
Диссертация мавзуси рўйхатга олинган рақам: B2021.2.PhD/T2307.
Илмий раҳбар: Арипджанова Дилафруз Уктамовна, техника фанлари доктори, профессор.
Диссертация бажарилган муассаса номи: Ўзбекистон Табиий толалар илмий тадқиқот институти.
ИК фаолият кўрсатаётган муассаса номи, ИК рақами: Тошкент тўқимачилик ва енгил саноат институти, DSc.03/30.12.2019.T.08.01.
Расмий оппонентлар: Набиева Ирода Абдусаматовна, техника фанлари доктори, профессор; Рахимов Алишер Юсупжонович техника фанлари доктори, доцент.
Етакчи ташкилот: Наманган муҳандислик-технология институти.
Диссертация йўналиши: амалий аҳамиятга молик.
II. Тадқиқотнинг мақсади янги турдаги поликопонентли газлама олиш учун табиий жун,  полиэфир,  табиий ипак толалари аралашмасидан йигирилган ип калава ишлаб чиқариш технологиясини такомиллаштириш ва олинган ипларни, матоларни физик-механик хусусиятларини тадқиқ қилишдан иборат.
III. Тадқиқотнинг илмий янгилиги:
жун, полиэфир ва табиий ипак толаларини маълум улушларда қатламлардан фойдаланилган ҳолда аралашма ҳосил қилиш орқали илк бор поликомпонент йигирилган ип олиш технологияси яратилган;
қўй жунларининг ингичка, яримингичка ва яримдағал турларини хусусиятлари аниқланган, уларни табиий ипак ҳамда полиэфир толалари билан қўшиб ишлашга мослиги илмий асосланган ҳамда янги аралаштириш усули ишлаб чиқилган;
 поликомпонент йигирилган ип ишлаб чиқаришда табиий ипак ва жун толаларига синтетик толаларни қўшишнинг рационал улушлари аниқланган;
табиий ипак, жун полиэфир толаларини қатламлар орқали аралаштириб, йигириш усули билан мустаҳкамлиги юқори бўлган поликомпонент ипи олинган ва физик-механик хусусиятлари соф жундан тайёрланган ипга ҳамда тўқимага нисбатан сезиларли даражада яхшиланган ипак жилоли поликомпонент мато ишлаб чиқарилган.
IV. Тадқиқот натижаларининг жорий қилиниши: Поликомпонент янги турдаги газламалар учун хом ашё тайёрлаш технологиясини яратиш бўйича олинган илмий натижалар асосида:
табиий ипак толали чиқиндилари, жун ва полиэфир толаларидан аралаш йигирилган ип калава олиш усулига Ўзбекистон Республикаси Адлия Вазирлиги қошидаги Интеллектуал Мулк Агентлигининг ихтиро учун (IAP 06302) патенти олинган. Натижада ушбу усулдан фойдаланиш орқали поликомпонент газламалари олиш учун аралаш толалардан йигирилган ип калава тайёрлаш технологияси яратилган;
поликомпонент янги турдаги газламалар учун хом ашё тайёрлаш технологияси «Ўзтўқимачиликсаноат» уюшмаси таркибидаги корхоналарда, хусусан , «Osborn textile» МЧЖ, «Uzwoolentex» МЧЖ, «Lyuks plyus servis» МЧЖ корхоналарида («Ўзтўқимачиликсаноат» уюшмасининг 2021 йил 1 августдаги 4-2/1605 сонли маълумотномаси) жорий этилган. Натижада, аралаш толалардан йигирилган ип калава олиш, янги технология ва усулда ишлаб чиқарилган йигирилган ип калавалар ассортиментини қўллашда меҳнат унумдорлигини 10-15 %-га ошириш имконияти яратилган.