Агзамходжаев Саиданвар Талатовичнинг
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Болаларда пиелоуретерал сегмент обструкциясини эрта ташхислаш ва хирургик даволаш», 14.00.35 – Болалар хирургияси (тиббиёт фанлари).
Диссертация мавзуси рўйхатга олинган рақам: B2022.1.DSc/Tib403.
Илмий раҳбар: Рахматуллаев Акмал Абадбекович, тиббиёт фанлари доктори.
Диссертация бажарилган муассаса номи: Тошкент педиатрия тиббиёт институти.
ИК фаолият кўрсатаётган муассаса номи, ИК рақами: академик В.Вохидов номидаги Республика ихтисослашган хирургия илмий-амалий тиббиёт маркази, DSc.04/30.12.2019.Tib.49.01.
Расмий оппонентлар: Каганцов Илья Маркович, тиббиёт фанлари доктори, профессор; Акилов Хабибулла Атауллаевич, тиббиёт фанлари доктори, профессор; Мухтаров Шухрат Турсунович, тиббиёт фанлари доктори.
Етакчи ташкилот: Россия Федерацияси Соғлиқни сақлаш вазирлиги «Болалар саломатлиги миллий тиббиёт тадқиқот маркази» Федерал давлат автоном муассасаси
Диссертация йўналиши: амалий аҳамиятга молик.
II. Тадқиқотнинг мақсади: болаларда пиелоуретерал сегмент обструкциясини даволаш натижаларини видеоэндохирургик технологиялардан фойдаланган ҳолда, эрта ташхислаш ва хирургик даволашни такомиллаштириш орқали яхшилашдан иборат.
III. Тадқиқотнинг илмий янгилиги қуйидагилардан иборат:
яқин постнатал даврда гидронефроз кечиши ва жарроҳлик аралашувини башоратлашда буйрак жоми шакли ва униг сиқилиш коэффициенти прогностик жиҳатдан аҳамиятли эканлиги аниқланган;
ультрасонография пиелоуретерал сегмент соҳасида сийдик оқимига резистивлик даражасини ва ташқи сабаблар юқори эҳтимолини аниқлаш имконини бериши аниқланган;
болаларда пиелоуретерал сегмент обструкциясини ташхислашда диуретик ренография кўрсаткичларининг юқори ахборотлилиги буйракнинг меъёрдан ортиқ функцияси реал обструкция борлигининг хамда эрта муддатларда хирургик коррекция ўтказиш заруратининг прогностик омили эканлиги билан исботланган;
болаларда пиелоуретерал сегмент обструкциясининг асосий сабабларини дифференциал ташхислаш учун уродинамиканинг бузилишида ташқи омиллар мавжудлигини прогнозлаш имконини берувчи предиктив модел таклиф этилган;
«миниатюравий» пиелопластика, айниқса чақалоқларда, пиелоуретерал сегмент обструкциясини хирургик даволашнинг муқобил каминвазив усули эканлиги аниқланган;
ташрихгача ва ташрихдан кейинги босқичда пиелоуретерал сегмент обструкцияси бўлган болаларни парваришлаш тактикасини аниқлаш учун гидронефроз оғирлигик даражасини баҳолашнинг миқдорий шкаласи таклиф этилган.
IV. Тадқиқот натижарининг жорий қилиниши. Болаларда пиелоуретерал сегмент обструкциясини ташхислаш ва даволаш сифатини яхшилаш бўйича олинган илмий натижалар асосида:
болаларда пиелоуретерал сегмент обструкциясини эндоскопик даволаш бўйича олиб борилган тадқиқотнинг илмий натижалари асосида ишлаб чиқилган «Болаларда пиелоуретерал сегмент обструкциясини эндоскопик даволаш» номли услубий тавсиянома тасдиқланган (Соғлиқни сақлаш вазирлигининг 2022 йил 21 июлдаги 08-21034-сон хулосаси). Таклиф этилган тавсиялар антенатал гидронефрозни хирургик даволаш усулини танлашга дифференциал ёндашув орқали болаларда пиелоуретерал сегмент обструкциясини эндоскопик усулда даволаш натижаларини яхшилаш имконини берган;
эрта ёшдаги болаларда антенатал аниқланган гидронефрозни ташхислаш бўйича олиб борилган тадқиқотнинг илмий натижалари асосида ишлаб чиқилган «Эрта ёшдаги болаларда антенатал аниқланган гидронефрозни ташхислаш алгоритми» номли услубий тавсиянома тасдиқланган (Соғлиқни сақлаш вазирлигининг 2022 йил 21 июлдаги 08-21034-сон хулосаси). Пиелоуретерал сегмент обструкцияси бўлган болаларни текшириш бўйича таклиф этилган тавсиялар эрта муддатда жарроҳлик аралашувини талаб этадиган чақалоқлар туғилиши хатарини ва ташрихгача бўлган даврда обструкциянинг асосий сабабини аниқлаш, шу тариқа, ҳар бир бемор учун даволаш усулини танлашга индивидуал ёндашувни амалга ошириш имконини берган;
болаларда пиелоуретерал сегмент обструкциясини ташхислаш ва хирургик даволаш сифатини яхшилаш бўйича олинган илмий натижалар соғлиқни сақлаш амалиётига, жумладан, Миллий болалар тиббиёт марказининг болалар урологияси бўлими, Тошкент педиатрия тиббиёт институти клиникаси ва Самарқанд вилоят болалар кўп тармоқли тиббиёт маркази фаолиятига жорий этилган (Соғлиқни сақлаш вазирлигининг 2022 йил 21 июлдаги 08-21034-сон хулосаси). Олинган натижалар яқин постнатал даврда гидронефроз ривожланиши ва жарроҳлик аралашуви талаб этилишини юқори эҳтимоллик билан (80,5%) прогнозлаш, ташрихдан кейинги асоратлар частотасини камайтириш, беморларнинг шифохонада бўлиш муддатини 8 кундан 3 кунгача қисқартириш хамда яхши ва қониқарли натижалар улушини 97,0% гача ошириш имконини берган.