Sayt test rejimida ishlamoqda

Бакиева Мухаббатхон Камалиддиновнанинг
фалсафа доктори (PhD) диссертацияси ҳимояси ҳақида эълон

 

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Бошланғич синф ўқувчи қизларида ижтимоий фаол шахс сифатларини шакллантиришнинг педагогик механизмлари”, 13.00.01 – Педагогика назарияси. Педагогик таълимотлар тарихи (педагогика фанлари).
Диссертация мавзуси рўйхатга олинган рақам: B2019.3.PhD/Ped.1061.
Илмий раҳбар: Азимова Зиёда Эргашевна, педагогика фанлари доктори, доцент.
Диссертация бажарилган муассаса номи: Андижон давлат университети.
ИК фаолият кўрсатаётган муассаса номи: Наманган давлат университети,  PhD.03/05.06.2020.Ped.76.03.
Расмий оппонентлар: Абдуллаева Шахзода Абдуллаевна педагогика фанлари доктори, профессор; Эгамбердиева Турғуной Аҳмаджоновна, педагогика фанлари доктори, профессор.
Етакчи ташкилот: Қўқон давлат педагогика институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади бошланғич синф ўқувчи қизларида ижтимоий фаол шахс сифатларини шакллантиришнинг педагогик механизмларини такомиллаштиришдан иборат.
III. Тадқиқотнинг илмий янгилиги:
бошланғич синф ўқувчи қизларида ижтимоий фаол шахс сифатларини шакллантиришда педагогнинг тарбияланувчига ўз тарбияси ва ривожланишига онгли муносабатни билдирувчи шахс сифатида қарашини ифодаловчи ёндашувларни шакллантириш асосида такомиллаштирилган;
бошланғич синф ўқувчи қизларида ижтимоий фаол шахс сифатларини шакллантиришнинг мустақиллик, ёш хусусиятларини инобатга олиш, фаоллик каби тамойиллари уларнинг фаолият жараёнида ўзидаги кучли акмеологик жиҳатларини намоён қилишга асосланган ҳаётий фаолиятнинг ташкилий даражаси демократик шаклини ўзлаштириш орқали такомиллаштирилган;
бошланғич синф ўқувчи қизларида ижтимоий фаол шахс сифатларини шакллантиришда ўзликни англаш, ўз хатти-ҳаракатининг жамият талабларига мослигини таъминлаш, ўз менига эга бўлиши, жамият аъзолари билан мулоқотга кириша олиши имкониятини ошириш орқали аниқлаштирилган;
бошланғич синф ўқувчи қизларида ижтимоий фаол шахс сифатларини шакллантиришнинг мотивацион, когнитив, интроверсив ва хулқ-атворга доир компонентлари психологик, физиологик, хатти-ҳаракатини бошқариш жараёнларини ўзаро боғлиқлигини таъминлаш асосида аниқлаштирилган.
IV.Тадқиқот натижаларининг жорий қилиниши. Бошланғич синф ўқувчи қизларида ижтимоий фаол шахс сифатларини шакллантириш бўйича олинган илмий натижаларидан:
бошланғич синф ўқувчи қизларида ижтимоий фаол шахс сифатларини шакллантиришда педагогнинг тарбияланувчига ўз тарбияси ва ривожланишига онгли муносабат билдирувчи шахс сифатида қарашини ифодаловчи ёндашувларни шакллантириш асосида такомиллаштиришга доир таклиф ва тавсиялардан Фарғона давлат университети қошидаги Гендер тенглиги масалалари бўйича тадқиқотлар маркази Низомини ишлаб чиқишда фойдаланилган (Республика Маънавият ва маърифат марказининг 2021 йил майдаги 02/08-505-сон маълумотномаси). Натижада, бошланғич синф ўқувчи қизларида ижтимоий фаол шахс сифатларини шакллантиришда мактаб ва оилаларда қўлланилаётган ижобий ва салбий методлар классификациясини такомиллаштиришга хизмат қилган;
бошланғич синф ўқувчи қизларида ижтимоий фаол шахс сифатларини шакллантиришнинг мустақиллик, ёш хусусиятларини инобатга олиш, фаоллик каби тамойиллари уларнинг фаолият жараёнида ўзидаги кучли акмеологик жиҳатларини намоён қилишга асосланган ҳаётий фаолиятнинг ташкилий даражаси демократик шаклини ўзлаштириш орқали такомиллаштирилган таклиф ва тавсиялардан Республика Маънавият ва маърифат маркази қошидаги “Маърифат” тарғиботчилар жамияти”нинг Андижон вилоят бўлими тарғиботчилари томонидан “Узлуксиз маънавий тарбия” туркумидаги мавзуларни ўтишда фойдаланилган (Республика Маънавият ва маърифат марказининг 2021 йил майдаги 02/08-505-сон маълумотномаси). Натижада, бошланғич синф ўқувчиларининг ижтимоий фаоллигини шакллантиришнинг педагогик механизми такомиллаштирилган;
бошланғич синф ўқувчи қизларида ижтимоий фаол шахс сифатларини шакллантиришда ўзликни англаш, ўз хатти-ҳаракатининг жамият талабларига мослиги, ўз менига эга бўлиши, жамият аъзолари билан мулоқотга кириша олишини англаш имкониятини яратиш орқали аниқлаштиришга ҳамда бошланғич синф ўқувчи қизларида ижтимоий фаол шахс сифатларини шакллантиришнинг мотивацион, когнитив, интроверсив ва хулқ-атворга доир компонентлари – уларнинг психологик, физиологик, хатти-ҳаракатини бошқариш жараёнларини ўзаро боғлиқлигини таъминлаш асосида аниқлаштиришга доир таклиф ва тавсиялардан ОТ-Ф-1-17-рақамли “Маънавий бегоналашувнинг олдини олишда шахс фаоллигини оширишни ижтимоий-педагогик тадқиқ этиш” (2017-2020 й.) мавзусидаги фундаментал лойиҳада фойдаланилган (Халқ таълими вазирлиги қошидаги Республика таълим марказининг 2021 йил 30 апрелдаги 01/11-01/5-541-сон маълумотномаси). Натижада, бошланғич синф ўқувчиларининг ижтимоий фаоллигини ривожлантириш орқали инновацион фикрлаш, мафкуравий иммунитет, масъулиятлилик, ҳуқуқий маданият каби муҳим фазилатларни таркиб топтириш шакллари такомиллаштирилган.

 

Yangiliklarga obuna bo‘lish