Бойқузиев Илхом Марданоқуловичнинг
фалсафа доктори (PhD) диссертация ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Криптотаҳлил усулларининг Кузнечик шифрлаш алгоритмига нисбатан қўлланилиши», 05.01.05 – Ахборотларни ҳимоялаш усуллари ва тизимлари. Ахборот хавфсизлиги (физика-математика фанлари).
Диссертация мавзуси рўйхатга олинган рақам: В2022.1.PhD/FM618.
Илмий раҳбар: Абдурахимов Бахтиёр Файзиевич, физика-математика фанлари доктори, профессор.
Диссертация бажарилган муассаса номи: Ўзбекистон Миллий университети.
ИК Фаолият кўрсатаётган муассаса (муассасалар) номи, ИК рақами: Ўзбекистон миллий университети, DSc.03/30.12.2019.FM.01.02. 
Расмий оппонентлар: Тўйчиев Ғулом Нўмонович, физика-математика фанлари доктори; Курьязов Давлатёр Матякубович, физика-математика фанлари доктори.
Етакчи ташкилот: «UNICON.UZ» ДУК - Фан-техника ва маркетинг тадқиқотлари маркази 
Диссертация йўналиши: назарий ва амалий аҳамиятга молик.
II. Тадқиқотнинг мақсади Кузнечик симметрик шифрлаш алгоритмини бардошлигини интеграл ва алгебраик криптотаҳлил усуллари ёрдамида баҳолашдан иборат.
III. Тадқиқотнинг илмий янгилиги: 
Кузнечик симметрик шифрлаш алгоритмининг L акслантиришини ифодаловчи чизиқли тенгламалар ҳосил қилиш муаммоси чекли майдонда сонларни кўпайтиришни ифодаловчи тенгламалар ёрдамида ҳал қилинган;
Кузнечик симметрик шифрлаш алгоритмининг криптобардошлилиги алгебраик криптотаҳлил усули ёрдамида номаълумларнинг сонини камайтириш имконини берган тенгламаларни шифрлаш ва дешифрлаш йўналишида шакллантириш орқали баҳоланган;
Кузнечик симметрик шифрлаш алгоритмининг криптобардошлилиги интеграл криптотаҳлил усули ёрдамида бир байти актив бўлган очиқ матнлар тўпламидан фойдаланиб баҳоланган;
уч раундли Кузнечик симметрик шифрлаш алгоритмига интеграл криптотаҳлил усулини қўллаб шифрлаш жараёнида фойдаланилган раунд калитларини аниқлаш алгоритми ишлаб чиқилган.  
IV. Тадқиқот натижаларининг жорий қилиниши: Кузнечик шифрлаш алгоритмига алгебраик ва интеграл криптотаҳлили усулларининг қўлланилиши ва алгоритмнинг бардошлилигини баҳолашда олинган натижалар асосида:
диссертация ишининг илмий ва назарий маълумотларидан ҳамда криптографик алгоритмларнинг бардошлигини интеграл ва алгебраик криптотаҳлил усуллари ёрдамида баҳолаш бўйича тавсиялардан, симметрик шифрлаш алгоритмининг акслантиришлари учун чизиқли тенгламаларни шакллантириш муаммоси ечими, алгебраик криптотаҳлилни амалга оширишда фойдаланилган ёндашув, алгебраик ва интеграл криптотаҳлил усулларини Кузнечик шифрлаш алгоритмига қўллаш ечимларидан «UNICON.UZ» ДУКда олиб борилаётган “Криптографик алгоритмлар яратиш” лойиҳасида криптотаҳлил усулларини таҳлил қилишда фойдаланилган («UNICON.UZ» ДУК - Фан-техника ва маркетинг тадқиқотлари марказининг 2022 йил 31 мартдаги 5-3/483-сонли маълумотномаси). Илмий натижаларнинг қўлланилиши «UNICON.UZ» ДУКда миллий ҳимояланган тизимларда фойдаланилаётган шифрлаш алгоритмлари бардошлигини баҳолаш, шифрлаш алгоритмини алгебраик ифодалашда номаълумлар сонини камайтириш, лойиҳа доирасида олиб борилаётган чизиқли ва алгебраик криптотаҳлил усулларини амалга ошириш жараёнида шифрлаш алгоритмларини ифодаловчи тенгламаларни шакллантириш имконини берган;
диссертация ишида олинган Кузнечик симметрик шифрлаш алгоритмининг ўқув варианти бардошлилигини криптотаҳлил усуллари ёрдамида баҳолаш ҳамда Кузнечик симметрик шифрлаш алгоритмининг бардошлилиги интеграл ва алгебраик криптотаҳлил усуллари ёрдамида баҳолаш натижаларидан ва Кузнечик симметрик шифрлаш алгоритмининг ўқув варианти бардошлилигини криптотаҳлил усуллари ёрдамида баҳолаш бўйича ёндашув Ф706-17-рақамли «Ахборот тизимларида биометрик – криптографик технологиялар қўлланилишининг тадқиқи» лойиҳасида маълумотларни криптографик ҳимоялаш алгоритмларини танлаш ва криптобардошлилигини баҳолашда фойдаланилган (Муҳаммад ал-Хоразмий номидаги ТАТУнинг 2022 йил 1 апрелдаги 968/15-01-сонли маълумотномаси). Илмий натижаларнинг қўлланилиши маълумотларни криптографик ҳимоялаш алгоритмларини танлаш ва криптобардошлилигини баҳолаш, симметрик блокли шифрлаш алгоритмлари акслантиришларининг интеграл ва алгебраик хусусиятларини аниқлаш имконини берган.