Давлятов Валишер Хакимжановичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Адвокатура институтини такомиллаштиришда адвокатлик тузилмалари ва ўзини ўзи бошқариш органининг ҳуқуқий мақоми масалалари», 12.00.07 – Суд ҳокимияти. Прокурор назорати. Ҳуқуқни муҳофаза қилиш фаолиятини ташкил этиш. Адвокатура (юридик фанлар). 
Диссертация мавзуси рўйхатга олинган рақам: B2020.1.PhD/Yu353.
Илмий раҳбар:  Саломов Бахром, юридик фанлар доктори.
Диссертация бажарилган муассаса номи: Тошкент давлат юридик университети. 
ИК фаолият кўрсатаётган муассаса номи, ИК рақами: Тошкент давлат юридик университети,  DSc.07/13.05.2020.Yu.22.03. 
Расмий оппонентлар: Тулаганова Гулчехра Захитовна, юридик фанлар доктори, профессор; Астанов Истам Рустамович, юридик фанлар доктори, доцент.
Етакчи ташкилот: Ўзбекистон Республикаси Адлия вазирлиги қошидаги Юристлар малакасини ошириш маркази.
Диссертация йўналиши: назарий ва амалий аҳамиятга молик. 
II. Тадқиқотнинг мақсади адвокатура институтини такомиллаштиришда адвокатлик тузилмалари ва ўзини ўзи бошқариш органининг ҳуқуқий мақомини такомиллаштириш бўйича таклифлар ҳамда тавсиялар ишлаб чиқишдан иборат.
III. Тадқиқотнинг илмий янгилиги:
айни бир шахснинг кетма-кет икки муддатдан ортиқ Ўзбекистон Республикаси Адвокатлар палатасининг раиси бўлиши мумкин эмаслиги асосланган; 
адвокатура ва адвокатлик фаолиятини тартибга солувчи норматив-ҳуқуқий ҳужжатларни тизимлаштириш орқали ягона қонун ҳужжатини – «Адвокатура ва адвокатлик фаолияти тўғрисида»ги Ўзбекистон Республикасининг Қонунини қабул қилиш зарурлиги асослаб берилган;
Ўзбекистон Республикаси Адвокатлар палатасининг раиси Ўзбекистон Республикаси Олий Мажлиси Қонунчилик палатасининг қонун лойиҳаларини муҳокама қилиш бўйича мажлисларида иштирок этишга ва улар юзасидан фикр-мулоҳазалар билдиришга ҳақли эканлиги асослаб берилган; 
адвокатлик бюросини таъсис этган адвокат ўз фаолиятини унга мулк ҳуқуқи асосида тегишли бўлган турар жойларни адвокатлик бюроси фаолиятида фойдаланиш учун нотурар жойлар тоифасига ўтказиши талаб этилмаслиги асосланган;
адвокатлик тузилмаларини давлат рўйхатидан ўтказиш учун тўланадиган давлат божи ставкалари миқдорлари қонун ости ҳужжатлари билан эмас, балки устувор қонун даражасида белгиланиши зарурлиги асослаб берилган.
IV. Тадқиқот натижаларининг жорий қилиниши. 
Адвокатура институтини такомиллаштиришда адвокатлик тузилмалари ва ўзини ўзи бошқариш органининг ҳуқуқий мақоми масалалари мавзусидаги тадқиқот иши бўйича олинган илмий натижалар асосида: 
айни бир шахснинг кетма-кет икки муддатдан ортиқ Ўзбекистон Республикаси Адвокатлар палатасининг раиси бўлиши мумкин эмаслиги ва Адвокатлар палатасининг раиси Ўзбекистон Республикаси Олий Мажлиси Қонунчилик палатасининг қонун лойиҳаларини муҳокама қилиш бўйича мажлисларида иштирок этишга ҳамда улар юзасидан фикр-мулоҳазалар билдиришга ҳақли эканлиги тўғрисидаги таклифлардан «Адвокатура тўғрисида»ги Ўзбекистон Республикаси Қонунига ўзгартиш ва қўшимчалар киритишда фойдаланилган (Ўзбекистон Республикаси Олий Мажлиси Қонунчилик палатасининг Коррупцияга қарши курашиш ва суд-ҳуқуқ масалалари қўмитасининг 2019 йил 20 майдаги 06/1–06/1853вх–сон маълумотномаси). Ушбу таклифларнинг қабул қилиниши Адвокатлар палатаси раисининг ҳуқуқий мақомини оширишга ва унинг қонун ижодкорлиги жараёнидаги иштирокини мустаҳкамлашга хизмат қилган;
адвокатура ва адвокатлик фаолиятини тартибга солувчи норматив-ҳуқуқий ҳужжатларни тизимлаштириш орқали «Адвокатура ва адвокатлик фаолияти тўғрисида»ги Ўзбекистон Республикаси Қонунини қабул қилиш зарурлиги ҳақидаги таклиф Ўзбекистон Республикаси Олий Мажлиси Қонунчилик палатаси Кенгашининг ва Олий Мажлис Сенати Кенгашининг 2019 йил 26 мартдаги 2419-III/КҚ-523-III-сонли Қўшма қарори билан тасдиқланган «Йўл харитаси»нинг 45-бандини ишлаб чиқишда фойдаланилган (Қонунчилик муаммолари ва парламент тадқиқотлари институтининг 2020 йил 22 июндаги 02–09–234-сон маълумотномаси). Ушбу таклифнинг қабул қилиниши бир нечта қонун ва ўндан ортиқ қонун ости ҳужжатларини тизимлаштириш орқали ягона қонунни қабул қилишга хизмат қилади;
адвокатлик бюросини таъсис этган адвокат ўз фаолиятини ўзига мулк ҳуқуқи асосида тегишли бўлган турар жойларни адвокатлик бюроси фаолиятида фойдаланиш учун нотурар жойлар тоифасига ўтказиши талаб этилмаслиги тўғрисидаги таклифдан «Адвокатура тўғрисида»ги Ўзбекистон Республикаси Қонунига ўзгартиш ва қўшимчалар киритишда фойдаланилган (Ўзбекистон Республикаси Олий Мажлиси Қонунчилик палатасининг Коррупцияга қарши курашиш ва суд-ҳуқуқ масалалари қўмитасининг 2019 йил 20 майдаги 06/1–06/1853вх-сон маълумотномаси). Ушбу таклифнинг қабул қилиниши адвокатлик фаолиятини амалга ошириш билан боғлиқ бюрократик тўсиқларнинг олдини олишга хизмат қилган;
адвокатлик бюроларини, адвокатлик фирмаларини ва адвокатлар ҳайъатларини давлат рўйхатидан ўтказганлик учун тўланадиган давлат божи ставкалари миқдорлари қонун ости ҳужжатлари билан эмас, балки тўғридан-тўғри қонун даражасида белгиланиши зарурлиги тўғрисидаги таклифдан «Давлат божи тўғрисида»ги Ўзбекистон Республикаси Қонунига ўзгартиш ва қўшимчалар киритишда фойдаланилган (Қонунчилик муаммолари ва парламент тадқиқотлари институтининг 2020 йил 11 июндаги 02–09–219-сон маълумотномаси). Ушбу таклифнинг қабул қилиниши адвокатлик тузилмаларини давлат рўйхатидан ўтказиш учун тўланадиган давлат божига оид нормаларни барқарор қонун даражасида белгилашга хизмат қилган.