Аҳмедова Нодира Мухторжоновнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Интегратив ёндашув асосида бўлажак ўқитувчиларнинг касбий тайёргарлигини такомиллаштириш”, 13.00.01 – Педагогика назарияси. Педагогика таълимотлар тарихи (педагогика фанлари).
Диссертация мавзуси рўйхатга олинган рақам: В2019.1.PhD/Ped1868. 
Илмий раҳбар: Абдуллаева Барно Сайфутдиновна, педагогика фанлари доктори, профессор.
Диссертация бажарилган муассаса номи: Тошкент давлат педагогика университети
ИК  фаолият кўрсатаётган муассаса номи, ИК рақами: Тошкент давлат педагогика университети, DSс.03/30.01.2020.Ped.26.01
Расмий оппонентлар: Ахмедова Лайло Толибжоновна, педагогика фанлари доктори, профессор; Нурманов Абдуназар Ташбаевич, педагогика  фанлари доктори, профессор
Етакчи ташкилот: Самарқанд давлат  университети.
Диссертация йўналиши: амалий ва назарий аҳамиятга молик.
II. Тадқиқотнинг мақсади  бўлажак ўқитувчиларнинг касбий тайёргарлигини интегратив ёндашув асосида такомиллаштириш бўйича илмий тавсиялар ишлаб чиқишдан иборат. 
III. Тадқиқотнинг илмий янгилиги:
бўлажак ўқитувчиларнинг касбий тайёргарлиги мазмунининг таркибий қисми бўлган коммуникатив ва методик компетенциялар компонентларини (мақсадли, мотивацияли, мазмунли-инстурментал ва рефлексив баҳолаш) касбий тайёргарлик омиллари (таълимий эҳтиёж, интегратив ёндашув, таълимда амалий қўллаш)ни аниқлаш натижасида нутқ компетенциясини шакллантиришга асосланган инновацион ёндашувлар ривожлантирилган;
амалий машғулотлар самардорлигини таъминлаш технологиялари (jigsaw, pops formula, TRIZ, pod casting)нинг педагогик имкониятлари нутқ кўникмалари (гапириш, ўқиш, ёзув ва тинглаб тушуниш) ҳамда касбий компетенциялар тизими интеграциясини диагностик лойиҳалаш ва модулли таълимга устуворлик бериш асосида такомиллаштирилган;
бўлажак чет тили ўқитувчиларнинг педагогик тайёргарлик фаолияти (ўқитувчилик, методистлик, тарбиячилик ва тадқиқотчилик) функциялари касбий тил фаоллиги даражасини баҳолашнинг мотивацион, когнитив ва касбий мезонларини комплекслаш, ўзини-ўзи коррекциялаш ва ҳиссиётли-қадрли муносабатлари мутахассисликка мос, касбга йўналтиришга асосланган тизимлаштирилган ва дастурлаштирилган ахборот таъминоти   такомиллаштирилган;
бўлажак ўқитувчиларнинг чет тилини С1 даражасида ўзлаштириш модели касбий тайёргарликни ривожлантиришнинг тилшунослик, ижтимоий-маданий ва прагматик таркибий қисмларини таълимга анъанавий ва интегратив ёндашувлар бўйича талабаларнинг қизиқишлари ва ижтимоий-коммуникатив, ўқув фаолияти ҳамда ўз-ўзини ривожлантириш мотивларига устуворлик бериш асосида такомиллаштирилган.
IV. Тадқиқот натижаларининг жорий қилиниши.  
Бўлажак ўқитувчиларда касбий тайёргарликни интегратив ёндашув асосида такомиллаштириш бўйича олинган илмий натижалар асосида: 
бўлажак ўқитувчиларнинг касбий тайёргарлиги мазмунининг таркибий қисми бўлган коммуникатив ва методик компетенциялар компонентларини (мақсадли, мотивацияли, мазмунли-инстурментал ва рефлексив баҳолаш) касбий тайёргарлик омиллари (таълимий эҳтиёж, интнгратив ёндашув, таълимда амалий қўллаш)ни аниқлаш натижасида нутқ компетенциясини шакллантиришга оид таклифлардан 2018 йил 3-майдаги 05/2352-сон билан тасдиқланган  бакалавриатнинг хорижий тил ва адабиёти (тиллар бўйича) таълим йўналиши Давлат таълим стандартлари ва малака талабларини ишлаб чиқишда фойдаланилган (Олий ва ўрта махсус таълим вазирлигининг 2019 йил 4 октябрдаги 892-сон маълумотномаси). Натижада, бўлажак инглиз тили ўқитувчиларнинг ижтимоий коммуникатив ва эркин мулоқотга киришиш жараёнининг ўсишига эришилган;
амалий машғулотлар самардорлигини таъминлаш технологиялари (jigsaw, pops formula, TRIZ, pod casting)нинг педагогик имкониятлари нутқ кўникмалари (гапириш, ўқиш, ёзув ва тинглаб тушуниш) ҳамда касбий компетенциялар тизими интеграциясини диагностик лойиҳалашга оид тавсиялар А.1-197 рақамли “Инглиз ва немис тилларини ўрганиш бўйича ўқув-услубий модуллардан (ЎУМ) фойдаланиш ва уларни такомиллаштиришнинг назарий ва амалий асослари” номли грант доирасида белгиланан вазифаларни бажаришда фойдаланилган (Олий ва ўрта махсус таълим вазирлигининг 2019 йил 4 октябрдаги 892-сон маълумуотномаси). Натижада, тил ўрганиш истагида бўлган бўлажак инглиз тили ўқитувчиларининг нутқ кўникмалари интеграцияси асосида касбий тайёргарлиги ўсишига хизмат қилган; 
бўлажак чет тили ўқитувчиларнинг педагогик тайёргарлик фаолияти (ўқитувчилик, методистлик, тарбиячилик ва тадқиқотчилик) функциялари ҳамда бўлажак ўқитувчиларнинг чет тилини С1 даражасида ўзлаштириш моделини такомиллаштиришга оид тавсиялар “English lexicology” дарслиги мазмунига сингдирилган (Олий ва ўрта махсус таълим вазирининг 2020 йил 4 майдаги 285-сонли буйруғи,  285-108 рақамли гувоҳномаси, Олий ва ўрта махсус таълим вазирлигининг 2018 йил 6 июндаги 89-03-2209-сон маълумотномаси). Натижада, бўлажак инглиз тили ўқитувчиларнинг касбий тайёргарлик даражасини баҳолашнинг мотивацион, когнитив ва касбий фаолият мезонлари дидактик тамойиллар асосида такомиллаштирилган.