Sayt test rejimida ishlamoqda

Усмонов Восид Мухаммадиевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража берадиган фан тармоғи номи): “Хўжалик шартномаларини тузиш ва расмийлаштиришнинг ҳуқуқий асосларини такомиллаштириш”, 12.00.03 - “Фуқаролик ҳуқуқи. Тадбиркорлик ҳуқуқи. Оила ҳуқуқи. Халқаро ҳуқуқ” (юридик фанлар).
Диссертация мавзуси рўйхатга олинган рақам: В2019.1PhD/Yu243.
Илмий раҳбар: Оқюлов Омонбой, юридик фанлар доктори, профессор.
Диссертация бажарилган муассаса номи: Ўзбекистон Республикаси Миллий гвардияси Ҳарбий-техник институти.
ИК фаолият кўрсатаётган муассаса номи, ИК рақами: Ўзбекистон Республикаси Миллий гвардияси Ҳарбий-техник институти, DSc.32/30.12.2019.Yu.74.01.
Расмий оппонентлар: Мухаммадиев Аюб Абдурахмонович, юридик фанлар доктори,  доцент; Меҳмонов Қамбариддин Мирадхамович, юридик фанлар бўйича фалсафа доктори  (РhD). 
Етакчи ташкилот: Ўзбекистон Республикаси Давлат Божхона қўмитаси Божхона институти.
Диссертация йўналиши: назарий ва амалий аҳамиятга молик. 
II. Тадқиқотнинг мақсади хўжалик шартномаларини тузиш ва расмийлаштириш билан боғлиқ ҳуқуқий муаммоларни назарий жиҳатдан ўрганиш, хўжалик шартномаларини тузиш ва расмийлаштиришни амалга оширишнинг ҳуқуқий механизмини ишлаб чиқиш, ушбу соҳада ҳуқуқни қўллаш амалиётини таҳлил этиш, бу борадаги тегишли қонун ҳужжатларини такомиллаштириш бўйича амалий таклифлар ишлаб чиқишдан иборат.
III. Тадқиқотнинг илмий янгилиги:
электр энергияси бир вақтнинг ўзида ишлаб чиқарилиши ва истеъмол қилиниши билан тавсифланадиган алоҳида товар тури сифатида, ҳудудий электр тармоқлари корхонаси ва энергия қурилмалари шу ташкилот тармоғига бевосита уланган истеъмолчи ўртасида тузилган электр таъминоти шартномаси асосида етказиб берилишига доир таклифлар ишлаб чиқилган;
электр таъминотининг намунавий шартномаси «Ҳудудий электр тармоқлари» АЖ томонидан ишлаб чиқилиб,  Бюро, «Ўзэнергоинспекция» ҳамда Ўзбекистон Республикаси Монополияга қарши курашиш қўмитаси билан келишилган ҳолда тасдиқланиши асосланган;
субистеъмолчилар истеъмолчилар билан электр таъминоти шартномасини ҳудудий электр тармоқлари корхоналари розилигига асосан тузиши, субистеъмолчиларга ўз тармоқлари орқали электр энергиясини етказиб берувчи истеъмолчилар субистеъмолчиларнинг электр энергияси истеъмолини ҳисобга олган ҳолда, ҳудудий электр тармоқлари корхонаси билан электр энергиясининг умумий (жами) миқдори бўйича электр таъминоти шартномасини тузиши асослаб берилган.
IV. Тадқиқот натижаларининг жорий қилиниши. 
Хўжалик шартномаларини тузиш ва расмийлаштиришнинг ҳуқуқий асосларини такомиллаштиришга қаратилган тадқиқот иши бўйича олинган илмий натижалар асосида:
электр энергияси бир вақтнинг ўзида ишлаб чиқарилиши ва истеъмол қилиниши билан тавсифланадиган алоҳида товар тури сифатида, ҳудудий электр тармоқлари корхонаси ва энергия қурилмалари шу ташкилот тармоғига бевосита уланган истеъмолчи ўртасида тузилган электр таъминоти шартномаси асосида етказиб берилишига доир таклифлар Вазирлар Маҳкамасининг 2018 йил 12 январдаги 22-сон Қарори билан тасдиқланган “Электр энергиясидан фойдаланиш қоидалари”нинг 18-бандида ўз ифодасини топган (Ўзбекистон Республикаси Вазирлар Маҳкамасининг 2020 йил 25 февралдаги 12-18-4-сон маълумотномаси). Ушбу таклифнинг қабул қилиниши хўжалик шартномаси нарсаси (предмети)ни аниқлашга, ҳудудий электр тармоқлари корхонаси ва истеъмолчи ўртасида шартнома тузиш орқали муносабатларни самарали ҳуқуқий тартибга солишга хизмат қилган;
электр таъминотининг намунавий шартномаси «Ҳудудий электр тармоқлари» АЖ томонидан ишлаб чиқилиши ва Бюро, «Ўзэнергоинспекция» ҳамда Ўзбекистон Республикаси Монополияга қарши курашиш қўмитаси билан келишилган ҳолда тасдиқланишига доир таклифлар Вазирлар Маҳкамасининг 2018 йил 12 январдаги 22-сон Қарори билан тасдиқланган “Электр энергиясидан фойдаланиш қоидалари”нинг 19-бандида ўз ифодасини топган (Ўзбекистон Республикаси Вазирлар Маҳкамасининг 2020 йил 25 февралдаги 12-18-4-сон маълумотномаси). Ушбу таклифнинг қабул қилиниши хўжалик шартномаси намунавий шаклини ишлаб чиқиш орқали ҳуқуқий тартибга солишга хизмат қилган;
электр таъминоти шартномаси 2 нусхада тузилиши, бир нусхаси истеъмолчига тақдим этилиши, иккинчиси эса ҳудудий электр тармоқлари корхонасида қолишига доир таклифлар Вазирлар Маҳкамасининг 2018 йил 12 январдаги 22-сон Қарори билан тасдиқланган “Электр энергиясидан фойдаланиш қоидалари”нинг 20, 21-бандларида ўз ифодасини топган (Ўзбекистон Республикаси Вазирлар Маҳкамасининг 2020 йил 25 февралдаги 12-18-4-сон маълумотномаси). Ушбу таклифнинг қабул қилиниши хўжалик шартномасини тузиш, ва истеъмолчига тақдим этиш орқали унинг ҳуқуқларини таъминлашга хизмат қилган;
субистеъмолчилар истеъмолчилар билан электр таъминоти шартномасини ҳудудий электр тармоқлари корхоналари розилигига асосан тузиши, субистеъмолчиларга ўз тармоқлари орқали электр энергиясини етказиб берувчи истеъмолчилар субистеъмолчиларнинг электр энергияси истеъмолини ҳисобга олган ҳолда, ҳудудий электр тармоқлари корхонаси билан электр энергиясининг умумий (жами) миқдори бўйича электр таъминоти шартномасини тузишга доир таклифлар Вазирлар Маҳкамасининг 2018 йил 12 январдаги 22-сон Қарори билан тасдиқланган “Электр энергиясидан фойдаланиш қоидалари”нинг 22-бандида ўз ифодасини топган (Ўзбекистон Республикаси Вазирлар Маҳкамасининг 2020 йил 25 февралдаги 12-18-4-сон маълумотномаси). Ушбу таклифнинг қабул қилиниши субистеъмолчилар ва электр таъминоти ташкилотлари ўртасидаги муносабатларни самарали ҳуқуқий тартибга солишга хизмат қилган.

 

Yangiliklarga obuna bo‘lish