Sayt test rejimida ishlamoqda

Эшқувватов Бекзод Бекқуловичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Тоғолди текислик ва ёйилма ландшафт комплексларини микрозоналаштириш ҳамда хўжалик мақсадларида баҳолаш (Ўрта Зарафшон мисолида)», 11.00.01 – Табиий география (география фанлари).
Диссертация мавзуси рўйхатга олинган рақам: В.2019.3.PhD/Gr115. 
Илмий раҳбар: Аббасов Субхон Бурхонович, география фанлари доктори.
Диссертация бажарилган муассаса номи: Самарқанд давлат университети.
ИК фаолият кўрсатаётган муассаса (муассасалар) номи, ИК рақами: Самарқанд давлат университети, DSc.03/30.12.2019.Gr.02.07.
Расмий оппонентлар: Нигматов Асқар Нигматуллаевич, география фанлари доктори, профессор; Қўзибоева Озодхон, география фанлари номзоди, доцент.
Етакчи ташкилот: Наманган давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: тоғолди текислик ва ёйилма ландшафтларини қишлоқ хўжалигида фойдаланиш мақсадларида баҳолаш ҳамда микрозоналаштириш бўйича таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
кўп зонали космик суратлар спектрининг энг оптимал диапазонларини (спектрнинг қизил (R4) ва инфрақизилга яқин (NIR5) соҳаси) аниқлаш орқали ландшафтлардаги экин турларини жойлаштириш схемасини такомиллаштиришнинг асоси бўлган вегетацион индексларни ҳисоблаш эпюраси (графикнинг махсус шакли) ишлаб чиқилган;
тоғолди текислик ва унинг ёйилма ландшафтларини функционал-динамик хусусиятидан келиб чиқиб, уларнинг табиий ресурс салоҳияти қишлоқ хўжалиги учун баҳоланган ҳамда ArcGIS дастури ёрдамида ландшафтлардан хўжалик мақсадларида фойдаланишнинг (1:1000000 масштабли) махсус мавзули карталари яратилган;
эрозион жараёнлар ва оқимнинг геоморфологик боғлиқлиги тамойили асосида ландшафтлардан қишлоқ хўжалигида фойдаланиш имкониятлари ва экин ерларининг хўжалик юритиш учун қулайлиги баҳоланган;
қишлоқ хўжалик экинларини оптимал жойлаштириш схемасини такомиллаштиришнинг асоси бўлган ҳавза ландшафтлари агроиқлим кўрсаткичлари, вегетацион индекслар ва қиялик (slope) ни ўзгаришини мезон сифатида олиб ҳудуд қишлоқ хўжалик мақсадларида районлаштирилган ва микрозоналарга ажратилган.
IV. Тадқиқот натижаларининг жорий қилиниши.
Ландшафтларни хўжалик мақсадларида баҳолаш бўйича олинган натижалар асосида:
кўп зонали космик суратлар спектрининг энг оптимал диапазонларини (спектрнинг қизил (R4) ва инфрақизилга яқин (NIR5) соҳаси) аниқлаш орқали асосланган вегетацион индексларни ҳисоблаш эпюраси бўйича олинган илмий натижалар Қишлоқ хўжалиги вазирлигида амалиётга жорий қилинган (Ўзбекистон Республикаси Қишлоқ хўжалиги вазирлигининг 2020 йил 5 июндаги 02/022-1-1621-сон маълумотномаси). Натижада, минтақа ва маҳаллий ҳудудларда ишлаб чиқаришни ташкил этиш учун қишлоқ хўжалиги ерларининг унумдорлигини кўрсатиш имконини берган;
тоғолди текислик ва унинг ёйилма ландшафтларини ArcGIS дастури ёрдамида тузилган (1:1000000 масштабли) махсус мавзули карталари Қишлоқ хўжалиги вазирлигида амалиётга жорий этилган (Ўзбекистон Республикаси Қишлоқ хўжалиги вазирлигининг 2020 йил 5 июндаги 02/022-1-1621-сон маълумотномаси). Натижада, ерларни яроқлилигини комплекс баҳолашдан ўтказиш бўйича чора-тадбирларини такомиллаштириш имконини берган;
эрозион жараёнлар ва оқимнинг геоморфологик боғлиқлиги тамойили асосида ландшафтлардан қишлоқ хўжалигида фойдаланиш имкониятлари ва экин ерларининг хўжалик юритиш учун қулайлигига доир баҳолаш мезонларидан Қишлоқ хўжалиги вазирлигида қишлоқ хўжалик ерларининг яроқлилигини аниқлашда фойдаланилган (Ўзбекистон Республикаси Қишлоқ хўжалиги вазирлигининг 2020 йил 5 июндаги 02/022-1-1621-сон маълумотномаси). Натижада, қишлоқ хўжалиги ер турлари яроқлилигини комплекс баҳолаш чора-тадбирлари ишлаб чиқиш имконини берган;
қишлоқ хўжалик экинларини оптимал жойлаштириш схемасини такомиллаштириш бўйича ажратилган районлар ва микрозоналардан Қишлоқ хўжалиги вазирлигида экинларни жойлаштириш схемасини такомиллаштиришда фойдаланилган (Ўзбекистон Республикаси Қишлоқ хўжалиги вазирлигининг 2020 йил 5 июндаги 02/022-1-1621-сон маълумотномаси). Натижада, экинларни жойлаштириш схемасини такомиллаштириш имконини берган.

 

Yangiliklarga obuna bo‘lish