Хамидов Одилжон Абдувохидовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Шимолий Бақтриянинг Кучук I даврига оид янги ёдгорликлари», 07.00.06 - Археология (тарих фанлари).
Диссертация мавзусирўйхатгаолинганрақам: В2018.3.PhD/Tar363.
Илмий раҳбар: Шайдуллаев Шопўлат Бозорович,тарих фанлари доктори.
Диссертация бажарилганмуассасаноми: Миллий археология маркази.
ИК фаолият кўрсатаётган муассаса номи, ИК рақами: Миллий археология маркази, DSс.02/02.30.12.2019. TAR.45.01
Расмий оппонентлар: Матбобоев Боқижон Хошимович, тарих фанлари доктори, профессор;Хасанов Муталиб Хасанович, тарих фанлари номзоди.
Етакчиташкилот: Самарқанд давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Шимолий Бақтриянинг қўлда ясалган нақшли сополлар маданиятидавригаоид янги суғорилиш райони ва унда жойлашган археологик ёдгорликларни (Бургуттепа, Кайриттепа), уларнинг таснифини, ашёвий топилмалари типологиясини фанга киритиш, моддий манбалар асосида Қадимги Бақтрияда илк зардуштийликнинг вужудга келиши масалаларини ёритиш.
III. Тадқиқотнинг илмий янгилиги:
Пошхурд-Зарабоғ ботиғида аниқланган сўнгги бронза ва илк темир даврига оид 10 та қишлоқ типидаги ёдгорлик, 220 та даҳма ва 175 та петроглифлари мисолида янги Зарабоғ суғорилиш райони ажратилди;
Бургуттепа ва Кайриттепа ёдгорлигида олиб борилган қазишмаларда аниқланган меъморчилик қолдиқлари асосида Шимолий Бақтрия Кучук I даври меъморчилиги локал хусусияти – қишлоқ манзилгоҳларини тош девор билан ўраб олинганлиги аниқланган;
Зарабоғ суғорилиш районида аниқланган ката (марҳумларни вақтида сақлаш жойи) иншооти ва даҳмалар асосида Кучук I даври аҳолиси дафн маросимларида илк зардуштийлик элементлари мавжудлиги асослаб берилди;
Авеста матнлари ва археологик манбаларни комплекс ўрганиш натижасида “вара” тушунчаси иморат билан эмас, балки, мамлакат билан боғлиқлиги кўрсатиб берилди.
IV. Тадқиқот натижаларининг жорий қилиниши.
«Шимолий Бақтриянинг Кучук I даврига оид янги ёдгорликлари» мавзусидаги фалсафа доктори илмий даражасини олиш учун ёзилган диссертацияси бўйича қўлга киритилган илмий натижалар асосида:     
Сурхондарё вилояти Шеробод тумани Пошхурд-Зарабоғ ботиғида жойлашган сўнгги бронза ва илк темир даврига оид ёдгорликлар (Бургуттепа, Кайриттепа, даҳмалар, петроглифлар)нинг географик ўрни ва маълумотларидан Туризмни ривожлантириш қўмитаси Сурхондарё вилояти ҳудудий бошқармаси томонидан туризм маршрутларини тузишда фойдаланилган (Туризмни ривожлантириш давлат қўмитасининг 02-22/8783-сон маълумотномаси). Натижада, Сурхондарё вилояти сўнгги бронза ва илк темир даври ёдгорликлари асосида туризм объектлари рўйхати яратилган;
Шимолий Бақтриянинг Кучук I даврига оид янги ёдгорликлари - 10 та қишлоқ типидаги ёдгорлик, даҳма ва петроглифларнинг географик ўрни ва тавсифи, уларнингдаврини аниқлашда қўлланган услублар, Қадимги Бақтрияда илк зардуштийликнинг вужудга келиши масалалари, зардуштийликда дафн иншоотлари “ката”, “даҳма” таърифи ва уларнинг қадимги тарихимизни ўрганишдаги ўрни ҳақидаги маълумотлар “O’zbekiston tarixi” телеканалида “Mavzu” кўрсатувини тайёрланишда фойдаланилган (Ўзбекистон Миллий телерадиокомпанияси “Ўзбекистон телерадиоканали” ДУК нинг 2020 йил 13 февралдаги 02-10-363-сон маълумотномаси). Ушбу кўрсатув томошабинларга Ўзбекистон тарихининг қадимги даври тарихи, моддий ва маънавий ҳаёти, диний дунёқарашига доир янги маълумотлар берган.