Холиқов Дилшод Камоловичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Учинчи тартибли юкланган псевдопараболик тенгламалар учун нолокал масалалар», 01.01.02 – Дифференциал тенгламалар ва математик физика (физика-математика фанлари).
Диссертация мавзуси рўйхатга олинган рақам: B2017.1.PhD/FM13. 
Илмий раҳбар: Зикиров  Обиджон  Солижонович, физика-математика фанлари доктори, профессор.
Диссертация бажарилган муассаса номи: Ўзбекистон Миллий университети.
ИК фаолият кўрсатаётган муассаса номи, ИК рақами: Ўзбекистон Миллий университети, DSc.03/30.12.2019.FM.01.01.
Расмий оппонентлар: Дурдиев Дурдимурод Каландарович, физика-математика фанлари доктори, профессор; Джамалов Сирожиддин Зухриддинович, физика-математика фанлари доктори.
Етакчи ташкилот: Самарқанд давлат университети.
Диссертация йўналиши: назарий аҳамиятга молик.
II. Тадқиқотнинг мақсади учинчи тартибли юкланган псевдопараболик типдаги тенгламалар учун нолокал бошланғич-чегаравий масалаларни қўйиш ҳамда масалалар ечимининг мавжудлик, ягоналик ва турғунлик масалаларини ечишдан иборатдир.
III. Тадқиқотнинг илмий янгилиги қуйидагилардан иборат:
учинчи тартибли юкланган псевдопараболик типдаги тенгламалар учун  янги нолокал бошланғич-чегаравий шартли масалалар қўйилган ва ечилган;
учинчи тартибли псевдопараболик тенглама учун Риман функциясининг мавжудлиги ва ягоналиги исботланган;
учинчи тартибли юкланган псевдопараболик тенглама учун қўйилган бошланғич-чегаравий масалалар регуляр ечимининг интеграл ифодаси қурилган;
учинчи тартибли юкланган псевдопараболик типдаги тенгламалар учун қўйилган нолокал бошланғич-чегаравий  масалаларнинг регуляр ечимининг мавжудлиги ва ягоналиги исботланган;
учинчи тартибли юкланган умумий псевдопараболик типдаги тенгламалар учун қўйилган интеграл шартли масалаларнинг регуляр ечимининг мавжудлиги ва ягоналиги исботланган.
IV. Тадқиқот натижаларининг жорий қилиниши.
Учинчи тартибли юкланган псевдопараболик тенгламалар учун нолокал масалаларга оид олинган натижалар асосида:
хусусий ҳосилали учинчи тартибли юкланган псевдопараболик тенгламалар учун нолокал масалалар аниқ кўринишдаги ечимининг мавжудлиги 0018РК00149 рақам билан давлат рўйхатидан ўтган "Ахборот, телекоммуникация ва космик технологиялар, табиий фанлар соҳасидаги илмий тадқиқотлар" бюджет дастурининг "Табиий фанлар бўйича илмий тадқиқот-лар. Математика, физика ва астрономия соҳасидаги математик ва компьютер моделлаштириш. Амалий тадқиқотлар" устувор йўналишидаги 2018-2020 йилларга мўлжалланган АР 05132680 рақамли "Катта ўлчамдаги ғовакли му¬ҳитдаги оқимларнинг нолокал моделлари" мавзусидаги ҳорижий лойиҳада псевдопараболик тенгламалар учун нолокал масалалар ечимини қуришда фойдаланилган (Ахборот ва ҳисоблаш технологиялари институтининг 2019 йил 19 ноябрдаги 01-07/780-сон маълумотномаси, Қозоғистон). Натижада, ўрганилаётган масалалар ечимининг аниқ ифодасини топиш имконини берган;
учинчи тартибли юкланган псевдопараболик тенгламалар билан ифодаланадиган нолокал чегаравий масалаларнинг ечимлари мавжудлиги ҳақидаги теоремалар асосида  Витус Беринг номидаги Камчатка давлат университети Физика-математика, ахборот технологиялари ва табиий фанлар Илмий-тадқиқот институтининг "Касрли ҳисоблашлар ва улар¬нинг тадбиқлари" лабораторияси доирасидаги МК-1152.2018.1 рақамли РФ гранти ва  №АААА-А17-117031050058-9 рақамли “Тебранишлар жараёнида каср тартибли ҳосилаларнинг қўлланиши” мавзусидаги илмий-тадқиқот ишларини олиб бориш жараёнида даражали хотирали фрактал осцилаторларнинг кенг синфи учун қўйилган масалаларнинг сонли усули ишлаб чиқилган (Витус Беринг номидаги Камчатка давлат университетининг 2019 йил 26 июндаги 372-22-сон маълумотномаси, Россия). Натижада, учинчи тартибли юкланган псевдопараболик тенгламалар учун бошланғич-чегаравий масалалар, хусусан, интеграл ва А.М.Нахушев шартли масалалар натижалари ёрдамида масалалар ечимини интеграл тенгламаларга келтириш имконини берган.