ЮЛДАШЕВ Акмал Акрамовичнинг

 докторлик диссертация ҳимояси ҳақида эълон

    I. Умумий маълумотлар.

Талабгорнинг илмий ва илмий-педагогик фаолият олиб боришга лаёқати бўйича тест синовидан ўтгани ҳақида маълумот: тиббиёт фанлари номзоди.

Диссертация мавзуси рўйхатга олинган рақам: 30.09.2014/Б2014.5.Tib490

Диссертация мавзуси, ихтисослик шифри: «Оёқ-қўл йирик сегментларининг қон айланиши бузилишли мураккаб жарохатлари: хирургик ва патофизиологик тамойилари», 14.00.27–Хирургия (тиббиёт фанлари).

Илмий  маслаҳатчининг Ф.И.Ш., илмий даражаси ва унвони: Асамов Равшан Эркинович, тиббиёт фанлари доктори, профессор.

Диссертация бажарилган муассаса номи: Республика шошилинч тиббий ёрдам илмий маркази.

ИК фаолият кўрсатаётган муассаса (муассасалар) номи, ИК рақами: Республика ихтисослаштирилган хирургия маркази ва Тошкент тиббиёт академияси ҳузуридаги 16.07.2013.Tib.20.01

Расмий оппонентлар: тиббиёт фанлари доктори, профессор Акилов Хабибулла Атауллаевич, тиббиёт фанлари доктори, профессор Асилова Саодат Убаевна, тиббиёт фанлари доктори Хашимов Шухрат Хуршидович

Етакчи ташкилот: Н.В.Склифосовский номидаги Тез ёрдам илмий-тадқиқот институти, Москва, Россия Федерацияси

Диссертация йўналиши: амалий аҳамиятга молик.

    II. Нашр ишлари.

Илмий даража талабгори томонидан нашр ишларига қўйилган талаблар тўлиқ бажарилган, жумладан:

а) Ўзбекистон Республикаси ОАКнинг докторлик диссертациялари асосий илмий натижаларини чоп этиш тавсия этилган илмий нашрлар рўйхатига киритилган 4 та миллий илмий журналда 12 та илмий мақола, 4 та хорижий илмий журналда 4 та илмий мақола нашр қилинган.

б) диссертация мавзуси бўйича 11 та халқаро илмий-амалий конференция материалларида эълон қилинган (жумладан: 2013 Германия; 2004, 2012 Россия Федерацияси).

 III. Тадқиқотнинг мақсади: қон айланиши бузилган қўл-оёқ мураккаб жароҳатларини хирургик даволаш тактикасини мукаммалаштиришни клиник-экспериментал  геморрагик шок,  ишемия ва реперфузион синдром патогенезини ўрганиш негизида асослаб бериш.

    IV. Диссертациянинг илмий янгилиги:

травматик касаллик ва унинг асоратлари оғирлиги, реанимацион ёрдам самарадорлиги, қўл-оёқ функциясидан махрум бўлиш даражаси, реплантацияга бўлган кўрсатмалар ва қарши кўрсатмаларни оптималлаштиришга асосланган, қон айланиши бузилган қўл-оёқ ва уларнинг мураккаб жароҳатларида даволаш-ташхис ва жарроҳлик тактикаси алгоритми ишлаб чиқилган;

ўткир геморрагик шок ва реперфузион синдром ривожланишининг тажрибада ўрганилган патогенетик хусусиятлари асосида қўл-оёқ мураккаб жароҳатларини жарроҳлик йўли билан даволаш босқичлари ишлаб чиқилди;

илк бора клиник-биокимёвий ва морфологик усуллар ёрдамида ўткир геморрагик шок ва реперфузион синдромда қўл-оёқ йирик сегменти реплантациясидан олдин ва кейин қон кўрсаткичлари ўзгаришлари, скелет мускуллари, миокард ва буйрак структураси жароҳатларининг ўзига хос хусусиятлари аниқланган;

илк бора ишемияга учраган қўл-оёқ реперфузияси, операциядан кейинги давр ва реплантациядан кейин суяк тўқимасининг репаратив регенерациясида геморрагик ва травматик шок шароитида сукцинасол инфузияси самарадорлиги клиник-экспериментал жиҳатдан асосланган;

РШТЁИМ ташкил этилгандан сўнг биринчи марта қўл-оёқ ва уларнинг йирик сегментларини хирургик даволаш натижалари умумлаштирилган.

  V. Диссертациянинг амалиётга жорий этилган илмий натижалари: Хирургик даволаш ва медикаментоз терапиянинг оптималлаштирилган босқичлари, шунингдек, қон айланиши бузилган қўл-оёқ ва уларнинг йирик сегментлари мураккаб жароҳатларида даволаш-ташхис, прогнозлаш ва жарроҳлик тактикаси бўйича ишлаб чиқилган алгоритм тиббиёт амалиётига, жумладан,    РШТЁИМ ва унинг минтақавий филиаллари фаолиятига жорий этилган  (Ўзбекистон Республикаси Соғлиқни сақлаш вазирлигининг 15.12.2014 йилдаги 27-сон хулосаси). Илмий натижаларнинг жорий қилиниши касалхонагача бўлган босқич, қўл-оёқ мураккаб жароҳатлар оғирлик даражасини диагностик баҳолаш усулларини оптималлаштириш, операциядан кейинги асоратларни 31,2%га камайтириш, реплантация қилинган қўл-оёқнинг тўлақонли қобилиятини қайта тиклаш, беморларнинг стационарда ётиш муддатларини ўртача 30%га қисқартириш имконини берган.