МУХАМЕДОВА Муяссар Гафурджановна: «Сурункали юрак етишмовчилигида нейрогуморал ва эндотелиал тизимлар бузилишига боғлиқ ҳолда сийдик ҳайдовчи воситалар билан дифференциал даволаш» (14.00.06) – Тошкент врачлар малакасини ошириш институти (100007, Тошкент, Паркент кўч., 51. Тел/факс: 268-17-44; info@tipme.uz ), (диссертация рус тилида).
Илмий маслаҳатчи: Б.А. Аляви
Иш бажарилган ташкилотлар: Республика Ихтисослаштирилган терапия ва тиббий реабилитация илмий-амалий тиббиёт маркази.
Расмий оппонентлар: Г.Н. Арутюнов, М.А. Хужамбердиев, А.Б. Шек
Етакчи ташкилот: « Москва Давлат тиббий-стоматология университети»
Диссертация йўналиши: амалий аҳамиятга молик
I. Тадқиқотнинг мақсади: ишемик генезга эга сурункали юрак етишмовчилигида қовузлоқли сийдик ҳайдовчи воситалар ва L-аргининнинг марказий гемодинамикага, юракнинг систолик ва диастолик фаолиятига, нейрогуморал омилларга ва эндотелийга тобе вазодилятацияга таъсирини қиёсий баҳолашдан иборат.
II.Диссертация натижаларининг илмий янгилиги:
ишемик генезга эга СЮЕ бўлган беморларда периферик қондаги НУП концентрациясини диагностик аҳамияти аниқланган. СЮЕ бор беморлар қон зардобида мия натрийуретик пептид концентрациясининг ҳақиқий юқорилиги ва унинг чап қоринча (ЧҚ) систолик фаолияти билан корреляцияси аниқланган;
торасемиднинг СЮЕни базисли даволашда қўлланилиши СЮЕ авж олишининг нейрогуморал механизмлари яъни МНУП ва альдостерон фаоллигининг электролитларни балансида кучли силжишларсиз пасайишига олиб келиши исботланиб берилган;
эндотелийнинг функционал ҳолати ЧҚнинг систолик функциясига кўра аниқланган, СЮЕли беморларда L-аргинин концентрациясининг салмоқли пасайиши билан бирга эндотелиал нейтросинтаза фаоллигининг ҳаққоний камайганлиги аниқланган, бунда ЧҚнинг систолик фаолияти пасайган беморларда азот оксиди барқарор метаболитлари концентрацияси баланд бўлиши кузатилган. Айни вақтда ЧҚ отилиш фракцияси сақланиб қолган беморларда уларнинг переферик қондаги концентрацияси соғлом гуруҳидагиларга қараганда пастроқ бўлган;
торасемиднинг узоқ муддат қўлланилиши СЮЕли беморларда ЧҚ миокардига антиремоделловчи таъсир кўрсатиши, ЧҚ эндотелиал функциясини яхшиланиши ҳамда ўпка гипертензияси даражасини камайтиришига ёрдам бериши аниқланган;
СЮЕли беморларни даволаш ржасига қўшимча равишла L-аргинининг киритилиши NO метаболизми ва эндотелий функционал ҳолатига салмоқли таьсир кўрсатиши аниқланган;
қовузлоқли диуретиклар NO синтези стимулятори ёрдамида СЮЕни дифференциал даволашга комплекс ёндошув ишлаб чиқилган, бу СЮЕли беморларни кузатиб боришни мутаносиблаштиришга, беморлар ҳолатини барқарорлаштиришга, синдромнинг зўрайишни секинлаштиришга, декомпенсация хавфини пасайтиришга ва қўлланилаётган давонинг ножўя таъсирларини камайтиришга имкон берган.
III. Диссертациянинг aмалиётга жорий этилган натижалари ва уларнинг самарадорлиги: Амалга оширилган тадқиқот натижалари асосида «Сурункали юрак етишмовчилиги бўлган беморларда торасемид қўлланилиши», «Сурункали юрак етишмовчилиги: эрта ташхислаш ва замонавий даволаш тамойиллари» номли услубий тавсиялар таёрланган ва соғлиқни сақлаш амалиётига жорий этилган бўлиб, госпитализациялар сонини камайтиради ва касаллик декомпенсация ҳолатини енгиллаштиради, шунингдек, СЮЕли беморларда ногиронлик кўрсаткичини камайтиради (Ўзбекистон Республикаси Соғлиқни сақлаш вазирлигининг 18.12.2013 йилдаги 83/01-сонли хулосалари).
