O'zbekiston Respublikasi Vazirlar Mahkamasi huzuridagi Oliy Attestatsiya komissiyasi

  Раҳбарларни ўзи таълим олган мактаб кутубхонасига китоблар совға қилиш ташаббуси 19 март куни ёшлар маънавиятини ошириш, уларнинг бўш вақтини ташкил этишда кўмак бериш, ёшлар орасида китоб ўқишни тарғиб қилишга бағишланган йиғилишда Ўзбекистон Республикаси Президенти Шавкат Мирзиёев томонидан илгари сурилган эди.

    Бугунги кунда китобхонлик маданияти ва ёшлар маънавиятини ошириш бўйича ижтимоий акция мамлакатимиз бўйлаб кенг амалга оширилмоқда.

  Ўзбекистон Республикаси Вазирлар Маҳкамаси ҳузуридаги Олий аттестация комиссияси раҳбарияти (А.Юсупов, А.Шермухамедов) ҳамда ходимлари (Б.Шамуратов, Ю.Иноятова, М.Саипова, А.Хўжакулов, А.Шамсиев, К.Тўхтабеков, Р.Мирсаатов, З.Исроилов, Э.Бозоров, Б.Алавитдинов, С.Абдурахмонов) ушбу ижтимоий акцияга фаол иштирок этган ҳолда ўзлари ўқиган умумий ўрта таълим мактаб кутубхоналарига ўзбек ва жаҳон адабиёти дурдоналаридаги китоблардан совға қилдилар (№92 (Тошкент), №45 (Тошкент), №28 (Нукус), №160 (Тошкент), №274 (Тошкент), №33 (Нурота тумани), №52 (Қўшрабод тумани), №203 (Тошкент), №154 (Тошкент), №54 (Бахмал тумани), №4 (Қарши), №138 (Тошкент), №200 (Тошкент)).

   Ушбу ижтимоий акция бундан кейин ҳам фаол давом эттирилади. https://t.me/attestatsiya    https://www.facebook.com/oakuzbekistan/

    Ўзбекистон Республикаси Вазирлар Маҳкамасининг 2012 йил 28 декабрдаги 365-сон “Олий ўқув юртидан кейинги таълим ҳамда олий малакали илмий ва илмий-педагог кадрларни аттестациядан ўтказиш тизимини такомиллаштириш чора-тадбирлари тўғрисида”ги қарори билан тасдиқланган ва 2017 йил 22 майдаги 304-сон “Олий ўқув юртидан кейинги таълим тизимини янада такомиллаштириш чора-тадбирлари тўғрисида”ги қарори билан ўзгартиришлар киритилган “Ўзбекистон Республикаси Вазирлар Маҳкамаси ҳузуридаги Олий аттестация комиссияси тўғрисидаги Низом”нинг 30-бандига асосан Ўзбекистон РеспубликасиОАК Раёсатининг 2019 йил 28 мартдаги 263/7.4-сон қарори билан Илмий даражалар берувчи илмий кенгашлар томонидан тақдим этилган диссертация ҳимояси тўғрисидаги маълумотлар бўйича оммавий ахборот воситаларида эълон бериш ҳуқуқи 2019 йилнинг 1 апрелидан бошлаб Ўзбекистон Миллий ахборот агентлигига берилди.

Ўзбекистон Республикаси Вазирлар Маҳкамасининг 2012 йил 28 декабрдаги 365-сон “Олий ўқув юртидан кейинги таълим ҳамда олий малакали илмий ва илмий-педагог кадрларни аттестациядан ўтказиш тизимини такомиллаштириш чора-тадбирлари тўғрисида”ги қарори билан тасдиқланган ва 2017 йил 22 майдаги 304-сон “Олий ўқув юртидан кейинги таълим тизимини янада такомиллаштириш чора-тадбирлари тўғрисида”ги қарори билан ўзгартиришлар киритилган “Ўзбекистон Республикаси Вазирлар Маҳкамаси ҳузуридаги Олий аттестация комиссияси тўғрисидаги низом”га асосан Ўзбекистон Республикаси ОАК Раёсатининг 2019 йил 28 мартдаги 263/7.1-сон қарори билан техника, тарих, иқтисодиёт, фалсафа, филология, юридик ва тиббиёт фанлари бўйича диссертациялар асосий илмий натижаларини чоп этиш тавсия этилган илмий нашрлар рўйхатига Ўзбекистон Миллий ахборот агентлиги расмий веб-сайтининг илмий бўлими (электрон журнал) киритилди.

Республика олий таълим ва илмий-тадқиқот муассасаларида ўтказилган семинарлар тўғрисида

    Ўзбекистон Республикаси Президентининг 2017 йил 16 февралдаги ПФ-4958-сон «Олий ўқув юртидан кейинги таълим тизимини янада такомиллаштириш тўғрисида»ги Фармони қабул қилинди.

    Ўзбекистон Республикаси Президентининг мазкур Фармони мазмун-моҳияти билан таништириш ва изланувчиларни қизиқтираётган саволларга тушунтириш бериш мақсадида жорий йилнинг феврал–март ойларида жойларда фаолият кўрсатаётган 80 та олий таълим (44) ва илмий-тадқиқот (36) муассасаларида ОАК раҳбарияти ва масъул ходимлари томонидан катта илмий ходимлар-изланувчилар, мустақил изланувчи­лар ва шу соҳага оид мутахассислар иштирокида (ФА ёш олимлари, ҚСХВнинг Тошкент шаҳри ва Тошкент вилоятида жойлашган муассасалари, Қорақалпоғистон Республикаси ва Хоразм, Самарқанд, Андижон, Наманган, Фарғона, Сирдарё, Жиззах, Қашқадарё ва Навоий вилоятлари) учрашувлар ташкил қилинди. Учрашувларда Ўзбекистон Республикаси Президенти Фармонининг моҳияти ва олий ўқув юртидан кейинги таълимга оид масалалар, шунингдек ОАК ва Илмий кенгашлар фаолияти очиқлиги, шаффофлигини таъминлаш бўйича амалга оширилаётган ишлар, жумладан ОАК томонидан ҳужжатларни қабул қилиш жараёнларини шахсий иштироксиз ахборот технологиялари асосида  қабул қилишга қаратилган ахборот тизимлари ҳақидаги саволларга тушунтиришлар берилди.

Олий аттестация комиссияси

   Ўзбекистон Республика­си Вазирлар Маҳкамасининг 2016 йил 27 октябрдаги 366-сон “Вазирлик ва идоралар, хўжалик бирлашмалари раҳбарлари, Қорақалпоғистон Республикаси Вазирлар Кенгаши Раиси, вилоятлар, шаҳар ва туманлари ҳокимларининг “Жисмоний ва юридик шахсларнинг мурожаатлари тўғрисида”ги Ўзбекистон Республикаси Қонун талабларини сўзсиз бажариш юзасидан жавобгарлиги тўғрисида”ги қарори ижросини таъминлаш юзасидан Олий аттестация комиссияси томонидан жисмоний ва юридик шахслар мурожаатлари билан ишлаш ҳолатини тубдан такомиллаштириш бўйича тегишли ишлар амалга оширилмоқда.

    Олий аттестация комиссиясида жисмоний ва юридик шахслар мурожаатлари билан ишлаш сифатини янада яхшилаш, самарадорлигини ошириш мақсадида Олий аттестация комиссияси раисининг виртуал қабулхонаси (http://rais.oak.uz) ташкил этилганлигини маълум қилади.  

Шунингдек, мурожаатларни Олий аттестация комиссияси раисининг виртуал қабулхонасига (371) 233-28-83 телефон рақами орқали қолдириш имкони мавжуд.

 Ўзбекистон Республикаси Олий аттестация комиссияси Олий малакали илмий ва илмий-педагог кадрлар ихтисосликлари   рўйхатининг янги таҳрири ва Олий малакали илмий ва илмий-педагог кадрлар ихтисосликлари паспорти нашр   қилинганлигини маълум қилади.

 Ушбу нашрларни ОАК бухгалтериясидан олишингиз мумкин.

 Телефон: 233-11-43

Ўзбекистон Республикаси Вазирлар Маҳкамасининг 2012 йил 28 декабрдаги 365-сон «Олий ўқув юртидан кейинги таълим ҳамда олий малакали илмий ва илмий-педагог кадрларни аттестациядан ўтказиш тизимини такомиллаштириш чора-тадбирлари тўғрисида»ги қарори билан тасдиқланган «Ўзбекистон Республикаси Вазирлар Маҳкамаси ҳузуридаги Олий аттестация комиссияси тўғрисидаги низом»да белгиланган вазифалар, жумладан, олий малакали илмий ва илмий-педагог кадрларни аттестациядан ўтказишнинг барча босқичларида холисликни, шунингдек, фан доктори илмий даражасини олиш учун ҳимоя қилинган диссертацияларнинг давлат экспертизасининг сифатини таъминлаш юзасидан мақсадли тадбирлар амалга оширилмоқда. Бу борада докторлик диссертациялари ва нашр ишларида кўчирмачилик (плагиат) ҳолатининг олдини олиш бўйича муайян тадбирлар амалга оширилди...

  Ўзбекистон Республикаси Фанлар академиясида жорий йилнинг 28 октябрь куни  Ўзбекистон Республикаси Вазирлар Маҳкамасининг 2015 йил 20 октябрдаги 07/09-06-2-сон топшириғида белгиланган вазифалар, жумладан, 2015 йилниниг III чорак якунлари ҳамда ижро интизомини мустаҳкамлаш бўйича топшириқлари ижроси юзасидан Ўзбекистон Республикаси Фанлар академияси, Олий аттестация комиссияси ва Фан ва технологияларни ривожлантиришни мувофиқлаштириш қўмитасининг қўшма мажлиси ўтказилди.

Ўзбекистон Республикаси Вазирлар Маҳкамаси ҳузуридаги Олий аттестация комиссиясида   жорий йилнинг 3-5 сентябр кунлари Ўзбекистон Республикаси Вазирлар Маҳкамаси Комплекс мажлисининг 109-сон баёнида (09.07.2015 й., №07-07-1-4) белгиланган вазифалар, жумладан, «Илмий салоҳият» дастуридаги ОТМ/ИТМ илмий салоҳияти мониторингини кафедра ва нашр ишларини эътиборга олган ҳолда такомиллаштириш топшириқлари ижроси юзасидан ишчи амалий семинар ўтказилди...